KOLOSSAI 3:13 - Khasi CL Bible (BSI)

¹³ To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

KA BAIBL

¹³ da kaba ïaishah paralok, bad da kaba ïamap paralok, lada uno uno u don ka jingmudui ïano ïano; kumba U Trai u la map ïa phi, kumta ruh, to leh ma phi;

KOLOSSAI 3:13 ပူးပေါင်းရင်းမြစ်များ

PROBERB 19:11

Lada phi long uba shemphang, phin lah ban kan ïa la ka jingbitar. Haba uno uno u leh bakla ïa phi, ka dei ka jinglong bakhraw ban leh klet ïa ka.

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

MARKOS 11:25

Bad haba phi ïeng bad duwai, to map ïa kaei kaei kaba phi lah ban don pyrshah ïano ïano, khnang ba U Kpa jong phi uba ha bneng un map ïa ki jingleh bymdei kiba phi la leh.

LOUKAS 11:4

To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

LOUKAS 23:34

U Jisu u la ong, “Ko Pa, to map ïa ki! Kim tip ïa kaei kaba ki leh.” Ki la pynbynta ïa ki jaiñ jong u hapdeng jong ki hi da kaba kynting sbai.

Ka Shithi U Paul Sha Ki Nong Rom 15:7

To ïa-pdiang iwei ïa iwei te, na ka bynta ka burom jong U Blei, kumba U Khrist u la pdiang ïa phi.

2 KORINTH 2:10

Haba phi map ïano ïano ïa kaei kaba u la leh, nga ruh nga map ïa u kumjuh. Naba haba nga map — lada, shisha, ka dei ïa nga ban map ïa kano kano — nga leh ïa kata ha khmat U Khrist namar jong phi, khnang ban ym shah ïa u Soitan ban leh donbor halor jong ngi; naba ngi tip kiei ki jingthmu jong u ki long.

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.