KOLOSSAI 3:12 - Khasi CL Bible (BSI)

¹² Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

KA BAIBL

¹² Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem;

KOLOSSAI 3:12 ပူးပေါင်းရင်းမြစ်များ

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 45:4

Nga la thung ïa me ban ïarap ïa u shakri jong nga u Israel, ki briew kiba nga la jied. Nga la ai ha me ka burom bakhraw, wat la mem shym la ithuh ïa nga.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

ISAÏAH 65:22

Kum ki dieng, ki briew jong nga kin im slem. Kin ïoh ban lehkmen pura ha kiei kiei kiba ki la trei shitom.

ISAÏAH 65:9

Ngan kyrkhu ïa ki khun Israel kiba dei na ka jait Judah, bad ki khun ki ksiew jong ki kin ïohkynti ïa ka ri jong nga kaba ha ki lumbah. Ki briew ba la jied jong nga, kiba shakri ïa nga, kin shong hangta.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:3

Ko ki paid Israel, nga la ieit ïa phi borabor, kumta nga ïai pyn-i ïa phi ïa ka jingieit baneh jong nga.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

MATHAÏOS 24:22

Hynrei U Blei u la pynduna ïa ka jingbun ki sngi; lada um shym la leh kumta, yn ym don mano mano ruh uba lah ban lait im. Na ka bynta ki briew jong u kiba u la jied, U Blei un pynduna ïa ki sngi.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MARKOS 13:20

Hynrei U Trai u la pynduna ïa ka jingjlan jong kita ki sngi; lada um shym la leh kumta, yn ym don u ban lait im. Hynrei, na ka bynta ki briew ba la jied jong u, u la pynduna ïa kita ki sngi.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

MARKOS 13:27

Un phah noh ïa ki angel sha sawdong ka pyrthei ban ïalumlang ïa ki briew ba la jied jong U Blei, na kawei ka dong jong ka pyrthei sha kawei pat.”

LOUKAS 1:78

U Blei jong ngi u long uba dap da ka jingisynei bad uba jemnud. Un pynlong ïa ka step baphyrnai jong ka jingpynim ban mih ha ngi

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 9:11

Hynrei khnang ba ka jingjied ïa uwei u khun shynrang kan long nadong shadong ka jingmih jong ka jingthmu U Blei hi, U Blei u la ong ïa ka, “U hynmen un shakri ïa u para.” U la ong ïa kane shuwa ba yn kha ïa ki, shuwa ba ki la leh ïa kano kano kaba bha ne kaba sniew; kumta ïa ka jingjied U Blei la pynshong nongrim ha ka jingkhot jong u, bad ym ha kano kano kaba ki la lah leh.

1 KORINTH 13:4

Ka jingieit ka ïaishah slem bad ka lehsbun; kam ju pihuiñ lane kam ju kob sarong;

2 KORINTH 6:6

Da ka jinglong sngur jong ngi, ka jingtip, jingïaishah, bad jingsbun ngi la pyn-i ïa lade ba ngi long ki shakri U Blei — da U Mynsiem Bakhuid, da ka jingieit bashisha jong ngi, da ka khubor jong ka jingshisha jong ngi, bad da ka bor U Blei.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

EPHESOS 4:2

To long borabor kiba sngewrit, kiba jemnud, bad kiba ïaishah. To pyn-i ïa ka jingieit jong phi da kaba ïaishah iwei ïa iwei pat.

EPHESOS 4:24

bad phi dei ban kup ïa u briew uba thymmai ïa uba la thaw ha ka dur U Blei kaba pynpaw ïa lade ha ka jingim kaba shisha kaba long kaba beit bad kaba khuid.

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

PHILIPPI 1:8

U Blei u long u sakhi jong nga, ba nga ïathuh ïa ka jingshisha, haba nga ong ba ka jingsngew bajylliew na ka bynta jong phi baroh, ka wan na ka dohnud U Khrist Jisu hi.

KOLOSSAI 3:10

Une u long u jingthaw bathymmai uba U Blei, u Nongthaw jong u, u ïai pynthymmai ha ka dur jong u hi, khnang ban wallam ïa phi sha ka jingtip ba-pura shaphang jong u.

1 THESSALONI 5:15

Khmih ba uno uno un ym siew kylliang ïa kaba sniew da kaba sniew, hynrei ha ki por baroh to kut jingmut ban lehbha iwei ïa iwei pat bad ïa ki briew baroh.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

TITOS 1:1

Na u Paul, u shakri jong U Blei bad u apostol jong U Jisu Khrist. Ïa nga la jied bad la phah ban ïarap ïa ka jingngeit jong ki briew ba la jied jong U Blei bad ban ïalam ïa ki sha ka jingshisha ba la hikai kat kum ka jingngeit jong ngi,

1 PETROS 1:2

Ïa phi la jied kat kum ka jingthmu U Blei uba U Kpa bad la pynlong ïa phi ki briew kiba khuid da U Mynsiem jong u, ban kohnguh ïa U Jisu Khrist bad ban ïoh pynkhuid da ka snam jong u. To ai ba ka jingaiei bad ka jingsuk kin long kiba dap pura ïa phi.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

1 ÏOANNIS 4:19

Ngi ieit namar U Blei u la ieit shuwa ïa ngi.

2 ÏOANNIS 1:13

Ki khun jong ka Para ba-ieit jong phi ki phah ïa ka jingai khublei ïa phi.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”