KOLOSSAI 3:11 - Khasi CL Bible (BSI)

¹¹ Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.

KA BAIBL

¹¹ ha kaba ym lah long u Grik bad u Jiw, ka jingotsher bad ka jingbym-otsher, u nongkyndong, u kynja Skuthia, u mraw, uba laitluid: hynrei, U Khrist u long baroh, bad ha baroh.

KOLOSSAI 3:11 ပူးပေါင်းရင်းမြစ်များ

SALM 117:2

Ka jingieit jong u ïa ngi ka long kaba khlaiñ bad ka jingïaineh jong u ka long bymjukut. A to ïaroh ïa U Trai!

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

ESEKIEL 47:22

kan long ka jingïohkynti jong phi junom. Ki nongwei kiba shong basah hapdeng jong phi bad kiba la don ki khun ba la kha hangne ruh kin ïoh ïa ka bynta jong ki na ka ri haba phi bynta ïa ka. Ïa ki dei ban ñiew kum ïa ki nongshong shnong Israel ba-pura bad dei ban kynting sbai ban ïoh bynta ïa ka ri ryngkat bad ki jait Israel.

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

AMOS 9:12

Bad kumta ki briew ka Israel kin ïohknieh ïa kaei kaba dang sah jong ka ri Edom bad ïa ki jaitbynriew baroh kiba shisien ki long ki jong nga,” ong U Trai, u ban pynlong ïa kane ban jia.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 15:5

“Nga long u dieng sohwaiñ, bad phi long ki tnat. Uno uno uba ïaineh ha nga, bad ma nga ha u, un seisoh shibun; naba phim lah ban leh ei ei khlem ma nga.

ÏOANNIS 17:23

Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.

KI KAM 15:17

Bad kumta baroh kiba sah na u bynriew kin wan sha nga, baroh ki Jentil ïa kiba nga la khot ban long ki jong nga.

KI KAM 28:2

Ki traishnong hangta ki la ïajuh paralok bha bad ngi. Ka la sdang slap bad ka la khriat bha, kumta ki la sliew ding bad ki la khot sngewbha ïa ngi baroh.

KI KAM 28:4

Ki traishnong ki la ïohi ïa u bseiñ ba u sdien ha ka kti jong u Paul bad ki la ïa-ong para ma ki, “Une u briew u dei u nongpynïap briew, hynrei, ka kupar kan ym shah ïa u ban im, wat la u la lait im na ka duriaw.”

Ka Shithi U Paul Sha Ki Nong Rom 1:14

Namar nga don ka kamram ba nga dei ban pyndep sha ki jaitbynriew baroh, ha ki briew baroh kiba la shai bad kiba dang sah dien, ha kiba don ka jingnang jingstad bad ki bym don ïa ka.

Ka Shithi U Paul Sha Ki Nong Rom 10:12

Kane ka long ïa baroh, namar ym don ka jingïapher hapdeng ki Jiw bad ki Jentil; U Blei u long ujuh U Trai ïa baroh bad u kyrkhu kyrhai ïa baroh kiba khot kyrpad ïa u.

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

Ka Shithi U Paul Sha Ki Nong Rom 3:29

Lane ba U Blei u long U Blei tang jong ki Jiw? Hato um dei U Blei jong ki Jentil ruh? Da shisha u dei.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

1 KORINTH 14:11

Hynrei lada ngam sngewthuh ïa ka ktien kaba la kren, u briew uba pyndonkam ïa ka un long u nongwei ha nga bad ngan long u nongwei ha u.

1 KORINTH 7:19

Naba kaba otsher ne kaba khlem otsher ïa u briew kam don jingmut ei ei; kaei kaba donkam ka long ban kohnguh ïa ki hukum U Blei.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

GALATIA 5:6

Naba haba ngi long ha U Khrist Jisu, ka jingotsher lane ka jingbymdon jong ka kam don satia kano kano ka jingïapher; kaei kaba kongsan ka long ka jingngeit kaba trei da ka jingieit.

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

EPHESOS 2:14

Namar U Khrist da lade hi u la wanrah ha ngi ïa ka jingsuk da kaba pynlong kawei ka jaitbynriew ïa ki Jiw bad ki Jentil. Da ka met jong u hi, u la pynkhyllem ïa ka kynroh kaba pynïakhlad ïa ki bad kaba pynlong ïa ki, ki nongshun.

EPHESOS 2:15

U la pynduh ïa ka hukum ki Jiw da la ki jong ki hukum bad ki kyndon, khnang ban ïoh pynlong ïa ki ar tylli ki jaitbynriew kawei ka jaitbynriew kaba thymmai ha u hi, ha kane ka rukom u wanrah jingsuk.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 3:6

Ka jingmaïan ka long kata kaba da ka lynti ka gospel, ki Jentil ki ïoh bynta lem bad ki Jiw ïa ki jingkyrkhu U Blei; ki long ki dkhot jong kajuh ka met bad ki ïoh bynta ïa ka jingkular kaba U Blei u la pynlong lyngba U Khrist Jisu.

EPHESOS 6:8

To kynmaw ba U Trai un ainong ïa uwei pa uwei, la u mraw ne uba laitluid, namar ka kam babha ba u trei.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

2 ÏOANNIS 1:9

Uno uno u bymïaineh ha ka jinghikai U Khrist, hynrei uba ïaid palat ïa ka, um don ïa U Blei. Uno uno uba ïaineh ha ka jinghikai, u don ïa U Kpa bad ïa U Khun ruh.