KOLOSSAI 2:8 - Khasi CL Bible (BSI)

⁸ Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

KA BAIBL

⁸ To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

KOLOSSAI 2:8 ပူးပေါင်းရင်းမြစ်များ

JINGRWAI SOLOMON 2:15

Kem ïa ki myrsiang, ki myrsiang barit, ha shuwa ba kin pynjot ïa ka bri sohwaiñ jong ngi kaba dang phuh syntiew.

JEREMAÏAH 29:8

Ma nga, U Trai, U Blei ki Israel, nga maham ïa phi ban ym shah ïa lade ban shah shukor ha ki nongïathuhlypa kiba im hapdeng jong phi lane da kino kino kiwei pat kiba kam ba ki lah ban ïathuh lypa ïa ka lawei. Wat ym pynleit jingmut satia ïa ki jingphohsniew jong ki.

MATHAÏOS 10:17

To sumar, naba kin don ki briew ki ban kem ïa phi bad ïalam ïa phi sha ka ïingbishar, bad kin sympat ïa phi ha ki synagog.

MATHAÏOS 16:6

U Jisu u la ong ha ki, “To sumar; to phikir ïa lade pyrshah ïa u thiat ki Pharisi bad ki Saddusi.”

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 17:32

Haba ki la ïohsngew ba u Paul u kren shaphang ka jingmihpat na ka jingïap, katto katne na ki, ki la rkhiebeiñ ïa u, hynrei kiwei pat ki la ong, “Ngi kwah ban ïohsngew ba men kren biang ïa kane.”

Ka Shithi U Paul Sha Ki Nong Rom 16:17

Nga kyntu ïa phi, ko ki parabangeit jong nga: To da husiar na kito kiba pynlong ki jingïapait bad kiba pynkulmar ïa ka jingngeit jong ki briew bad kiba ïaid pyrshah ïa ka jinghikai kaba phi la ïoh. To kiar na ki!

1 KORINTH 10:12

Kito kiba pyrkhat ba ki ïeng skhem, kan kham bha ba ki sumar ba ïoh ki kyllon.

1 KORINTH 8:9

Pynban, to sumar, ban ym shah ba ka jinglaitluid ka jingleh jong phi kan pynlong ïa kito kiba tlot ha ka jingngeit ba kin hap ha ka pop.

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

GALATIA 1:14

Nga la long uba ha khmat tam ïa kiba bun ki para Jiw kiba ïaryngkat rta bad nga ha kaba bud pyrkhing ïa ka niam Jiw, bad nga la kham pynleit jingmut shibun ha ki rukom pateng jong ki kpa tymmen jong ngi.

GALATIA 4:3

Ha kajuh ka rukom, ngi ruh ngi la ju long ki mraw ha kiwei pat ki bor mynsiem kiba synshar ïa ka pyrthei shuwa ba ngin poi ka jinglong rangbah ba kynja mynsiem.

GALATIA 4:9

Hynrei mynta ba phi la ithuh ïa U Blei — lane, nga dei ban ong, mynta ba U Blei u la ithuh ïa phi — kumno ka long kata ba phi dang kwah ban phai pat sha kita ki bor mynsiem kiba tlot bad kiba isangsot? Balei phi kwah ban long mraw pat sa shisien ha ki?

GALATIA 5:15

Hynrei lada phi leh kum ki mradkhlaw, phi pynmong bad pynmynsaw iwei ïa iwei pat, te sumar bha, ïoh phin ïa-pynjot noh khoit iwei ïa iwei.

EPHESOS 2:2

Ha kata ka por phi bud ïa ka rukom im basniew jong ka pyrthei; phi la kohnguh ïa u nongsynshar jong ki bor mynsiem ha ka haw haw, u mynsiem uba synshar mynta ïa ki briew ki bymkohnguh ïa U Blei.

EPHESOS 4:20

Kata kam long kaei kaba phi la nang shaphang U Khrist!

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

DEUTERONOMI 6:12

kynmaw ba phin ym klet ïa U Trai uba la pyllait ïa phi na ka ri Ijipt, ha kaba phi la long ki mraw.

PHILIPPI 3:2

To kiar noh na kito kiba leh ïa kiei kiei kiba sniew, na kita ki ksew, kita ki briew kiba pynbor ïa ka ban ot ïa ka met.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

KOLOSSAI 2:20

Phi la ïap bad U Khrist bad la pyllaitluid ïa phi na ki mynsiem kiba synshar ïa ka jingpynlong.

KOLOSSAI 2:22

Kine baroh ki kdew ïa kiei kiei kiba long ki bymmyntoi shisien ba la dep pyndonkam; ki long tang ki aiñ bad ki jinghikai u briew.

KOLOSSAI 2:23

Da shisha kiba kum kine ki kyndon ki i kumba la pynshong nongrim ha ka jingstad ha ka jingmane ba shu pynbor ïa ki angel, bad ka jingsngewrit bymdei, bad ka jingleh palat ïa ka met; hynrei ki bymdondor ei ei ha kaba synshar ïa ki jingbrai ka doh.

1 TIMOTHI 6:20

Ko Timothi, to ri kyndong ïa kata kaba la aiti ha me ban sumar. To kiar na ka jingkren thala bad ki jingïasaid nia bieit ïa kaei kaba katto katne ngut ki briew ki khot bakla “Ka Jingtip.”

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.

1 PETROS 1:18

Naba phi tip ïa kaei kaba la siew ban pyllaitluid ïa phi na ka rukom im bymmyntoi kaba la ïohpateng na ki kpa tymmen jong phi. Kam shym long kaei kaei ïa kaba lah ban pynjot, kum ka rupa ne ka ksiar;

2 PETROS 3:17

Hynrei ma phi, ko ki paralok jong nga, phi la tip lypa ïa kane. To sumar ïa lade, namarkata, ba phin ym shah ïalam bakla da ki jingpynbakla ki briew ki bym bat aiñ bad phi hap noh na ka jaka ba la shongshngain kaba phi don.

2 ÏOANNIS 1:8

To phin sumar ïa lade, namarkata, khnang ba phin ym duh noh ïa kaei kaba ngi, ngi la trei, hynrei phin ïohpdiang ïa ka bainong kaba pura.