KOLOSSAI 2:7 - Khasi CL Bible (BSI)

⁷ Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

KA BAIBL

⁷ ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.

KOLOSSAI 2:7 ပူးပေါင်းရင်းမြစ်များ

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 92:13

Ki long kum ki dieng ba la thung ha ka ïing jong U Trai, kiba roi ha ka Templ jong U Blei jong ngi,

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 17:8

U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

LOUKAS 6:48

U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

1 KORINTH 1:8

U ruh un batskhem ïa phi haduh kaba kut, khnang ba phin long kiba khlem shah kynnoh pop ha ka Sngi jong U Jisu Khrist uba U Trai jong ngi.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

2 KORINTH 1:21

U dei U Blei hi uba pynlong ïa ngi, ryngkat bad phi, ka jingpynthikna ïa ka jingim jong ngi ha U Khrist; u dei U Blei hi da lade uba la pynkyrpang ïa ngi,

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 4:21

Phi la ïohsngew shisha shaphang jong u, bad kum ki nongbud jong u, la hikai ha phi ïa kata ka jingshisha kaba don ha U Jisu.

EPHESOS 5:20

Ha ka kyrteng U Jisu Khrist uba U Trai jong ngi, to ïai ainguh borabor na ka bynta kiei kiei baroh sha U Blei uba U Kpa.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

1 THESSALONI 5:18

to long kiba sngewnguh ha kiei kiei baroh. Kane ka long kaei kaba U Blei u kwah na phi ha ka jingim jong phi ha U Khrist Jisu.

2 THESSALONI 2:17

un pynshlur ïa phi bad pynshaitbor ïa phi ban ïai leh bad kren ïa kaei kaba bha.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

JUDAH 1:12

Da ki jingkhroh bym don jinglehrain, ki long ka jingthohbria ha ki jingkhawai ïasyllok jong phi. Ki kitkhia tang na ka bynta ïa lade. Ki long kum ki lyoh ba rah ka lyer, hynrei khlem wanrah slap. Ki long kum ki dieng ba khlem soh, wat ha ka synrai, ki dieng ba la rat naduh ki thied bad kiba la ïap noh.

JUDAH 1:20

Hynrei ma phi, ko ki paralok jong nga, to ïai tei ïa lade halor ka jingngeit bakyntang tam. To duwai ha ka bor U Mynsiem Bakhuid,

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —