KOLOSSAI 2:5 - Khasi CL Bible (BSI)

⁵ Naba wat la ngam don ryngkat ha ka met, pynban nga don bad phi ha ka mynsiem, bad nga kmen haba nga ïohi ïa ka jingkut jingmut kaba skhem da kaba phi ïa-ïeng lang ha ka jingngeit jong phi ha U Khrist.

KA BAIBL

⁵ Namar la ngam don ha khmat ha ka doh, pynban, nga don lem bad phi ha ka mynsiem, nga da kmen haba khmih ïa ki jingleh ryntih jong phi, bad ïa ka jingskhem ka jingngeit jong phi ha U Khrist.

KOLOSSAI 2:5 ပူးပေါင်းရင်းမြစ်များ

2 KHRONIKL 29:35

Nalor ki jingkñia ba la thang tylli, ki lyngdoh ki kitkhlieh ban thang ïa ka khleiñ kaba la ai na ki jingkñia kiba ki briew ki la bam bad ban theh ïa ka waiñ ba la ai lang bad ki jingainguh thang. Bad kumta ka jingmane ha ka Templ ka la sdang biang.

SALM 78:37

Kim shym la shaniah ïa u; kim shym la ïaineh ha ka jutang jong ki bad u.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

JINGKHEIÑ 7:11

U Trai u ong ha u Moses, “Ong ïa ki ba uwei na ki nongïalam un wanrah man la ka sngi haduh khat-ar sngi kynthih ïa ki jingainguh jong u ban pynkyntang ïa ka duwan.”

KI KAM 2:42

Ki la pynlut ïa ka por jong ki ha kaba ïoh jinghikai na ki apostol, ha kaba ïashim bynta ha ka jingïasyllok, bad ha kaba ïa-ai lem ha ka jingïabam lang bad ha ki jingduwai.

KI KAM 20:21

Ha ki Jiw bad ki Jentil kumjuh nga la ai ka jingmaham da ka jingsngewkhia ba ki dei ban phai sha U Blei na ki pop jong ki bad ban ngeit ha U Jisu uba U Trai jong ngi.

1 KORINTH 11:34

Bad lada uno uno u thngan, u dei ban bam ha ïing, khnang ba phin ym hap hapoh ka jingbishar jong U Blei haba phi dang ïaseng lang. Ïa kiwei pat ki bynta, ngan sa pynbeit ïa ki ynda nga wan.

1 KORINTH 14:40

Ïa kiei kiei baroh dei ban leh ha ka rukom kaba dei bad kaba ryntih.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

1 THESSALONI 2:17

Te ma ngi, ko parabangeit, haba ïa ngi la pynïakhlad na phi shipor — ym ha ki jingpyrkhat jong ngi, shisha, hynrei tang ha ka met — kumno ba ngi la sngewkynjah khlem ma phi bad katno ngi la pyrshang jur ban ïohi pat ïa phi!

1 THESSALONI 3:8

namar mynta ngi im shisha lada phi ïeng skhem ha ka jingim jong phi ha U Trai.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

1 PETROS 5:9

To long kiba skhem ha ka jingngeit jong phi bad to ïaleh pyrshah ïa u, namar phi tip ba ki parabangeit jong phi ha ka pyrthei baroh ki ïaid lyngba ïa kajuh ka rukom shahshitom.

RUTH 1:18

Haba ka Naomi ka ïohi ba ka Ruth ka la kut jingmut skhem ban leit bad ka, kam shym ong ei ei shuh.