KOLOSSAI 2:22 - Khasi CL Bible (BSI)

²² Kine baroh ki kdew ïa kiei kiei kiba long ki bymmyntoi shisien ba la dep pyndonkam; ki long tang ki aiñ bad ki jinghikai u briew.

KA BAIBL

²² kiba kum kita, kin jot noh ha kaba pyndonkam), katba kum ki adong bad ki jinghikai ki briew?

KOLOSSAI 2:22 ပူးပေါင်းရင်းမြစ်များ

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 29:18

Ynda kata ka sngi kan wan, kiba kyllut kin sa lah ban ïohsngew ba la pule jam ïa ka kot, bad ba kiba matlah, kiba ju im ha ka jingdum, kin plie ïa la ki khmat bad ïohi.

DANIEL 11:37

U syiem un ym suidñiew ïa u blei ba ki kpa tymmen jong u ki la shakri, bad ruh ïa u blei ba ki kynthei ki ieit. Ha ka jingshisha un ym suidñiew ïa uno uno u blei, namar un pyrkhat ba u kham khraw ban ïa uno uno na ki.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

1 KORINTH 6:13

Don uwei pat u ban ong, “Ka jingbam ka dei na ka bynta ka kpoh, bad ka kpoh na ka bynta ka jingbam.” Ho-oid, hynrei U Blei un sa pynduh ïa baroh ar. Ïa ka met ym dei ban pyndonkam na ka bynta ka kam awria, hynrei ïa ka ban shakri ïa U Trai; bad U Trai u bsa ïa ka met.

KOLOSSAI 2:21

Balei, te, phi im kumba phi dei jong kane ka pyrthei? Balei phi kohnguh kum ïa kine ki kyndon, kum, “Wat bat ïa kane,” “Wat mad ïa katai,” “Wat tba ïa kawei pat”?

TITOS 1:14

bad ban nym pynshahshkor shuh ha ki khanatang jong ki Jiw bad ha ki hukum briew kiba wan na ki briew kiba la kyntait ïa ka jingshisha.

2 PETROS 2:12

Hynrei kine ki briew ki leh la ka leh, kum ki mradkhlaw ïa kiba la kha ïa ka ban shah kem bad shah pynïap; ki tur ïaleh da ki jingkrenbeiñ ïa kiei kiei kiba kim sngewthuh.

JINGPYNPAW 17:18

“Ka briew kaba me la ïohi ka long ka nongbah bakhraw kaba synshar halor ki syiem jong ka pyrthei.”