KOLOSSAI 2:20 - Khasi CL Bible (BSI)

²⁰ Phi la ïap bad U Khrist bad la pyllaitluid ïa phi na ki mynsiem kiba synshar ïa ka jingpynlong.

KA BAIBL

²⁰ Lada phi la ïap noh lem bad U Khrist na kita ki jinghikai jong ka pyrthei, balei, la kumba im ha ka pyrthei, phi shah ïa lade ha ki niam ki rukom,

KOLOSSAI 2:20 ပူးပေါင်းရင်းမြစ်များ

ÏOANNIS 15:19

Lada phi long jong ka pyrthei, te ka pyrthei kan ieit ïa phi kum la ki jong hi. Hynrei nga la jied ïa phi na kane ka pyrthei, bad phim long shuh ki jong ka; na kata ka daw ka pyrthei ka shun ïa phi.

2 KORINTH 10:3

Ka long kaba shisha ba ngi im ha ka pyrthei, hynrei ngim ïaleh na ki jingthmu ba kynja pyrthei.

GALATIA 4:3

Ha kajuh ka rukom, ngi ruh ngi la ju long ki mraw ha kiwei pat ki bor mynsiem kiba synshar ïa ka pyrthei shuwa ba ngin poi ka jinglong rangbah ba kynja mynsiem.

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

EPHESOS 2:15

U la pynduh ïa ka hukum ki Jiw da la ki jong ki hukum bad ki kyndon, khnang ban ïoh pynlong ïa ki ar tylli ki jaitbynriew kawei ka jaitbynriew kaba thymmai ha u hi, ha kane ka rukom u wanrah jingsuk.

KOLOSSAI 2:14

U Blei u la map ïa ngi ïa ki pop jong ngi baroh; u la pyndam noh ïa ka jingbuh jingthoh ka bymsngewtynnat ïa ki ram jong ngi lem bad ki kyndon jong ka kiba teh bad weng noh syndon ïa ka da kaba sah preg ïa ka ha ka diengphna.

KOLOSSAI 2:16

Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.

KOLOSSAI 2:21

Balei, te, phi im kumba phi dei jong kane ka pyrthei? Balei phi kohnguh kum ïa kine ki kyndon, kum, “Wat bat ïa kane,” “Wat mad ïa katai,” “Wat tba ïa kawei pat”?

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

KOLOSSAI 3:3

Naba phi la ïap, bad ïa ka jingim jong phi la buhrieh lem bad U Khrist ha U Blei.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.