KOLOSSAI 2:2 - Khasi CL Bible (BSI)

² Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

KA BAIBL

² ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist;

KOLOSSAI 2:2 ပူးပေါင်းရင်းမြစ်များ

1 SYIEM 3:28

Haba ki paid Israel ki la ïohsngew ïa ka jingrai jong u Solomon, ki la dap da ka jingñiewburom bakhraw ïa u, namar ki tip hangta ba U Blei u la ai ha u ka jingstad ban pynbeit ïa ki jingïakajia ha ka hok.

SALM 133:1

A katno kaba phylla ka long, katno kaba sngewtynnat, haba ki briew jong U Blei ki ïashong lang ha kawei ka jingmut!

ISAÏAH 32:17

Namar ba uwei pa uwei un leh ïa kaei kaba dei, kan don ka jingsuk bad ka jingshongshngain junom.

ISAÏAH 40:1

“Pyntngen ïa ki briew jong nga,” ong U Blei jong ngi. “Pyntngen ïa ki!

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

LOUKAS 1:1

Thiophilos badonburom: Bun ki briew ki la leh ïa kaba bha tam ban thoh ka jingïathuh ïa kiei kiei kiba la lah jia hapdeng jong ngi.

ÏOANNIS 10:30

U Kpa bad ma nga ngi long kawei.”

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 16:15

Baroh kaba U Kpa jong nga u don ka long ka jong nga; na kata ka daw nga la ong ba U Mynsiem un shim ïa kaei kaba nga ai ha u bad ïathuh ïa ka ha phi.

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

ÏOANNIS 5:17

U Jisu u la jubab ïa ki, “U Kpa jong nga u ïai trei, bad ka dei ïa nga ruh ban trei.”

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 15:13

To U Blei, uba long ka tyllong jong ka jingkyrmen, un pyndap ïa phi da ka jingkmen baroh bad ka jingsuk kaba long da ka jingngeit jong phi ha u, khnang ba ka jingkyrmen jong phi kan ïai san da ka bor jong U Mynsiem Bakhuid.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

1 KORINTH 14:31

Phi baroh phi lah ban pynbna ïa ka khubor U Blei, uwei hadien uwei, khnang ba uwei pa uwei baroh un ïoh jinghikai bad jingpynshlur.

1 KORINTH 2:12

Ngim shym ïohpdiang ïa u mynsiem jong kane ka pyrthei, pynban, ngi lah ïohpdiang ïa U Mynsiem ba la phah da U Blei, khnang ba ngin lah ban tip ïa baroh kaba U Blei u la ai ha ngi.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

EPHESOS 1:7

Naba da ka jingïap ba la kñia jong U Khrist la pyllaitluid ïa ngi, kata ka long, ïa ki pop jong ngi la map ei.

EPHESOS 3:16

Nga kyrpad ïa U Blei na ka jingkynrei spah ka burom jong u ban ai ha phi ïa ka bor da U Mynsiem jong u ba phin long kiba khlaiñ ha ki jinglong bashapoh jong phi, bad nga duwai ba U Khrist un pynlong ka ïingshong jong u ha ki dohnud jong phi da ka jingngeit.

EPHESOS 3:3

U Blei u la pynpaw shai ïa ka jingthmu barieh jong u bad u la pyntip ïa ka ha nga.

EPHESOS 6:22

Dei namar kata keiñ balei ba nga phah ïa u sha phi — ban ïathuh ha phi kumno baroh ngi long, bad ban pynshlur ïa phi.

PHILIPPI 2:1

Ka jingim jong phi ha U Khrist ka pynlong khlaiñ ïa phi, bad ka jingieit jong u ka pyntngen ïa phi. Phi don ka jingïasyllok lem bad U Mynsiem, bad phi don ka jingsbun bad ka jingsngewsynei iwei ïa iwei pat.

PHILIPPI 3:8

Ym tang ïa kita kiei kiei; nga ñiew ïa kiei kiei baroh kum ka jingduh ba-pura na ka bynta kata kaba kham kor palat, ka jingtip ïa U Jisu Khrist uba U Trai jong nga.

KOLOSSAI 1:26

kaba long ka jingmaïan kaba u la buhrieh lyngba ki rta baroh kiba mynshuwa na ki jaitbynriew baroh hynrei mynta la pynpaw ha ki briew jong u.

KOLOSSAI 1:27

Ka jingthmu jong U Blei ka long ban pyntip ïa ka jingmaïan jong u ha ki briew jong u, ïa kane ka jingmaïan basngewtynnat bad badonburom kaba u don na ka bynta ki briew baroh. Bad ka jingmaïan ka long, ba U Khrist u don hapoh jong phi, kaba mut, ba phin ïoh bynta ha ka burom jong U Blei.

KOLOSSAI 1:9

Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

KOLOSSAI 2:19

Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.

KOLOSSAI 3:14

Bad nalor kine ki jinglong baroh, to bynrap ïa ka jingieit, kaba tehsong lang ïa kiei kiei baroh lang ha ka jingïatylli kaba janai.

KOLOSSAI 4:3

Ha kajuh ka por to duwai ruh na ka bynta jong ngi, ba kumta U Blei un ai ha ngi ka kabu babha ban ïalap ïa ka khubor jong u shaphang ka jingmaïan U Khrist. Namar kata keiñ balei ba nga don mynta ha byndi.

KOLOSSAI 4:8

Dei na kata ka daw balei ba nga phah ïa u sha phi, khnang ba un ai mynsiem ïa phi da kaba ïathuh ha phi kumno ngi baroh hangne ngi ïalong.

1 THESSALONI 1:5

Naba ngi la wallam ïa ka Khubor Babha ha phi, ym tang ha ki ktien, hynrei ruh ha ka bor bad ha U Mynsiem Bakhuid, bad da ka jingsngewthuh pura ïa ka jingshisha jong ka. Phi tip kumno ngi la im mynba ngi la don bad phi; ka la long na ka bynta ka jingbha jong phi hi.

1 THESSALONI 3:2

bad ngi la phah ïa u Timothi, u parabangeit jong ngi uba ïatrei lem bad ngi na ka bynta U Blei ha kaba ïalap ïa ka Khubor Babha shaphang U Khrist. Ngi la phah ïa u ban pynkhlaiñ ïa phi bad ïarap ïa ka jingngeit jong phi,

1 THESSALONI 5:14

Ngi kyntu ïa phi, ko parabangeit jong ngi, ban maham ïa kiba jaipdeh, ban pynshlur ïa kiba khawpud, ban ïarap ïa kiba tlot, ban ïaishah ïa baroh.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 10:22

Kumta to ngin wan sha jan U Blei da ka dohnud kaba sngur bad da ka jingngeit kaba skhem, da ki dohnud ïa kiba la pynkhuid na ka jingsngew rem ryngkat bad ki met ïa kiba la sait da ka um kaba khuid.

HEBRU 6:11

Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

2 PETROS 1:3

Ka bor jong U Blei ka la ai ha ngi ïa kiei kiei baroh kiba ngi donkam ban im ïa ka jingim riewblei bashisha da ka jingtip jong ngi ïa uta uba la khot ïa ngi ban ïadon bynta ha ka burom bad ka jingbha jong u hi.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.

1 ÏOANNIS 3:19

Kane, te, ka long kumno ngin tip ba ngi long ki jong ka jingshisha; kane ka long kumno ngin sngewskhem ha khmat U Blei.

1 ÏOANNIS 5:7

Ki don lai ki sakhi: U Mynsiem, ka um bad ka snam; bad kine baroh lai ki ai ïa kajuh ka jingphla.