KOLOSSAI 2:19 - Khasi CL Bible (BSI)

¹⁹ Hapoh ka jingsynshar jong U Khrist la bsa ïa ka met baroh kawei bad la pyndait lang da ki mat bad doh-satar jong ka, bad ka san kumba U Blei u kwah ïa ka ba kan san.

KA BAIBL

¹⁹ bad u bymbat skhem ïa uta U Khlieh, na uba kata ka met baroh, haba ïaipyndap ïa ka bad haba pynïasoh lang ïa ka da ki mat bad ki jingpynïadait, ka nang roi da ka jingroi jong U Blei.

KOLOSSAI 2:19 ပူးပေါင်းရင်းမြစ်များ

LOUKAS 5:38

Pynban, ïa ka waiñ bathymmai dei ban theh ha ki lwa snieh bathymmai!

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

Ka Shithi U Paul Sha Ki Nong Rom 11:17

Ïa ki katto katne na ki tnat jong u dieng Olib ba la thung, la pynkheiñ noh, bad ba ïa u tnat jong u dieng Olib khlaw la pynïasoh bad u. Ma phi ki Jentil phi long kum ki dieng Olib khlaw, bad mynta phi ïadon bynta ha ka jingim ba kynja mynsiem bakhlaiñ jong ki Jiw.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 11:3

Hynrei nga kwah ïa phi ba phin sngewthuh ba U Khrist u long halor tam ïa uwei pa uwei briew, u tnga u long halor la ka tnga, bad U Blei u long halor tam ïa U Khrist.

1 KORINTH 3:6

Nga bet ïa u symbai, u Apollos u la ai um ïa u jingthung, hynrei dei U Blei uba pynsan ïa u jingthung.

EPHESOS 1:22

U Blei u la buh ïa kiei kiei baroh hapoh ki kjat U Khrist bad u la ai ïa u ha ka Balang kum U Trai uba ha khlieh duh halor kiei kiei baroh.

EPHESOS 1:23

Ka Balang ka long ka met U Khrist, kaba pyndap pura ïa u, uba da lade hi u pyndap pura ïa kiei kiei baroh ha kylleng ki jaka.

EPHESOS 2:21

U long ma u, uta uba bat ïa ka jingtei baroh kawei, bad uba pynlong ïa ka ba kan san ha ka Templ kaba kyntang ïa kaba la pynkyntang sha U Trai.

EPHESOS 4:3

To ïaleh shitom ban pynneh ïa ka jinglong shi tylli ïa kaba U Mynsiem u ai lyngba ka jingsuk kaba tehsong lang ïa phi.

EPHESOS 5:29

(Ym ju don uno uno uba isih ïa la ka jong ka met. Pynban, u bsa bad sumar ïa ka, kumba U Khrist ruh u leh ïa ka balang;

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

KOLOSSAI 1:10

Nangta phin lah ban im kumba U Trai u kwah bad ba phin ïai leh borabor ïa kaei kaba pynsngewbha ïa u. Ka jingim jong phi kan pynmih ïa baroh ki jingleh babha babun jait, bad phin san ha ka jingtip jong phi ïa U Blei.

KOLOSSAI 1:18

U long u khlieh jong ka balang kaba long ka met jong u; u long u tynrai jong ka jingim jong ka. U long U Khun uba la kha nyngkong, ïa uba la pynmihpat na ka jingïap, khnang ba tang ma u hi un ïoh ïa ka bynta kaba nyngkong ha kiei kiei baroh.

KOLOSSAI 2:2

Nga leh ïa kane khnang ba yn pyndap ïa ki da ka jingshlur bad ba yn lah ban khring lang ïa ki ha ka jingieit, bad kumta kin ïoh ïa ka jingdap ba-pura ïa ka jingsngewskhem kaba ka jingshemphang ka wallam. Ha kane ka rukom kin tip ïa ka jingmaïan ka jong U Blei, kaba long U Khrist hi.

1 THESSALONI 3:12

To U Trai un pynlong ïa ka jingieit jong phi iwei ïa iwei pat bad ïa ki briew baroh ban nang ïai san bad ban man khraw ha ka jingieit jong ngi ïa phi.

1 THESSALONI 4:10

Bad shisha phi la leh ïa kane ha ki parabangeit baroh ha Makedonia. Kumta ngi kyrpad ïa phi, ko parabangeit, ba phin nang leh shuh shuh.

2 THESSALONI 1:3

Ko parabangeit jong ngi, ngi dei ban ainguh ïa U Blei ha ki por baroh na ka bynta jong phi. Ka long kaba dei ïa ngi ban leh kumta, namar ba ka jingngeit jong phi ka la san shikatdei eh bad ba ka jingieit kaba iwei pa iwei na phi, phi don na ka bynta kiwei pat ka la nang kham khraw.

1 PETROS 3:8

Kum ban pynkut: Phi baroh to ïadon kajuh ka jingmut bad kajuh ka jingsngew, to ïa-ieit iwei ïa iwei pat kum shi para, bad to long kiba sbun mynsiem bad kiba sngewrit iwei ïa iwei pat.

2 PETROS 3:18

Hynrei to phin nang roi ha ka jingaiei bad ka jingtip ïa U Jisu Khrist uba U Trai bad U Nongpynim jong ngi. Ha u, to long ka burom, mynta bad shaduh bymjukut! Amen.