KOLOSSAI 2:18 - Khasi CL Bible (BSI)

¹⁸ Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

KA BAIBL

¹⁸ To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u,

KOLOSSAI 2:18 ပူးပေါင်းရင်းမြစ်များ

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

Ka Kitab U Job 38:2

Me dei uei uba kylli ïa ka jingstad jong nga da ka jingbymtip jong me, ki ktien ba-thylli?

ISAÏAH 57:9

Phi sleh ïa ki jingiwbih bad ki kynja jingsleh, bad leit ban mane ïa u blei Molekh. Ban lap ïa ki blei ban mane phi la phah ïa ki nonglamktien sha jngai bah, wat shaduh ka pyrthei kiba ïap.

ESEKIEL 13:3

Kane ka dei kaei kaba U Trai Nongsynshar u ong: “Kine ki nongïathuhlypa ba-bieit ki long kiba la tim! Ki ai jaka ïa la ki jong ki jingpyrsad mynsiem bad ki thaw ïa la ki jong ki jingïohipaw.

DANIEL 11:38

Pynban, un pyndonburom ïa u blei uba ïada ïa ki kut. Un ai ka ksiar, ka rupa, ki mawlynnai, bad kiwei kiwei ki jingai babha sha u blei uba ki kpa tymmen jong u kim shym la ju mane.

JINGKHEIÑ 25:18

namar ka kam bymman ba ki la leh ïa phi haba ki la shukor ïa phi ha Peor, bad namar ka Kosbi kaba la shah pynïap ha ka por jong ka jingïapthem ha Peor.”

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

1 KORINTH 13:4

Ka jingieit ka ïaishah slem bad ka lehsbun; kam ju pihuiñ lane kam ju kob sarong;

1 KORINTH 3:3

Haba ka dang don ka jingpihuiñ hapdeng jong phi bad phi ïakajia para ma phi, hato kane kam pynshisha ba phi dei jong kane ka pyrthei, da kaba im kat kum ki rukom jong ka?

1 KORINTH 4:18

Katto katne ngut na phi, phi la sngewsarong namar phi la pyrkhat ba ngan ym wan ban jngoh ïa phi.

1 KORINTH 4:6

Na ka bynta jong phi, ko parabangeit jong nga, nga la pynshisha ïa kane baroh ha u Apollos bad ha nga, da kaba pyndonkam ïa ngi baroh ar ngut kum ka nuksa, khnang ba phi lah ban tip kaei ka jingmut jong ka jingong, “Kohnguh ïa ki kyndon kiba dei.” Uno uno na phi um dei ban ñiewkor ïa uwei u briew bad ibeiñ ïa uwei pat.

1 KORINTH 8:1

Mynta, shaphang kaei kaba phi la thoh ïa ka jingbam ba la kñia sha ki bleithaw. Ka long kaba shisha, te, ba “ma ngi baroh ngi don ka jingtip,” kumba ki ong. Pynban, kum kata ka jingtip, ka pynmeng ïa u briew da ka jingsarong; hynrei ka jingieit ka tei keiñ.

1 KORINTH 9:24

Da shisha phi tip ba don shibun ki nongïamareh kiba ïashim bynta ha ka jingmareh thong, hynrei tang uwei na ki u ïoh ïa ka prais. Kumta to mareh ha kata ka rukom ban ïoh ïa ka prais.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

2 KORINTH 12:20

Nga sheptieng ba haba nga poi hangto ngan shem ïa phi kiba pher na kaei kaba nga kwah ïa phi ba phin long bad ba phin shem ïa nga ba nga pher na kaei kaba phi kwah ïa nga ban long. Nga sheptieng ba ïoh ngan shem ïa ka jingïania bad jingbishni, ki jingïabitar bad jingkhwan myntoi, ki jingkrenbeiñ bad jinglorni, ka jingsarong bad jingkynrum kynram.

EPHESOS 4:17

Ha ka kyrteng U Trai, te, nga maham ïa phi; wat ïai im kum kiba mane blei thala, kiba ki jingpyrkhat jong ki kim donbor, bad kiba ki jingmut jong ki, ki long ha ka jingdum.

EPHESOS 5:6

Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

DEUTERONOMI 29:29

“Don kiei kiei kiba U Trai U Blei jong ngi u dang buhrieh na ka jingtip u briew; hynrei u la pynpaw ïa ka Aiñ jong u, bad ma ngi lem bad ki khun ki ksiew jong ngi, ngi dei ban kohnguh ïa ka junom.

PHILIPPI 3:14

Kumta nga mareh beit sha pyrshah ka thong khnang ban ïoh ïa ka prais, kaba long ka jingkhot U Blei da U Khrist Jisu sha ka jingim kaba shaneng.

KOLOSSAI 2:23

Da shisha kiba kum kine ki kyndon ki i kumba la pynshong nongrim ha ka jingstad ha ka jingmane ba shu pynbor ïa ki angel, bad ka jingsngewrit bymdei, bad ka jingleh palat ïa ka met; hynrei ki bymdondor ei ei ha kaba synshar ïa ki jingbrai ka doh.

KOLOSSAI 2:4

Nga ong ha phi, te, wat ai ba uno uno un shukor ïa phi da ki jingïatainia kiba bakla, kam pher haduh katno ki i kumba ki long kiba bha.

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

1 TIMOTHI 1:7

Ki kwah ban long ki nonghikai ïa ka hukum U Blei, hynrei kim sngewthuh ïa la ki jong ki ktien lane shaphang kiei kiei ïa kaba ki kren da ka jingsngewskhem kaba haduh katta katta.

1 TIMOTHI 4:1

U Mynsiem u la ong shai ba yn don ki briew ki ban iehnoh ïa ka jingngeit ha ki Ïa kiba khatduh: Kin kohnguh ïa ki mynsiem bashukor bad kin bud ïa ki jinghikai jong ki ksuid.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

1 ÏOANNIS 2:26

Nga thoh ïa kane sha phi shaphang kito kiba pyrshang ban shukor ïa phi.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 3:11

Ngan wan kloi. Sumar kyndong ïa kaei kaba pha don, khnang ba yn ym don uno uno u ban lute na pha ïa ka bainong jong ka jingjop.