KOLOSSAI 2:16 - Khasi CL Bible (BSI)

¹⁶ Kumta wat shah ïano ïano ban shna kyndon shaphang kaei kaba phi bam lane dih lane shaphang ki sngi bakhuid lane ki Jingkhawai Niam Bnai Thymmai lane ka Sabbaton.

KA BAIBL

¹⁶ Namar kata, wat ai ba uno uno ruh un bishar ïa phi ha kaba bam lane kaba dih, lane shaphang ka sngi jingkhawai, lane u 'nai thymmai, lane ka sngi Sabbaton;

KOLOSSAI 2:16 ပူးပေါင်းရင်းမြစ်များ

2 SYIEM 4:23

“Balei phi hap ban leit mynta ka sngi?” u tnga jong ka u kylli. “Kam shym dei ka Sabbaton lane ka Jingkhawai Niam Bnai Thymmai.” “Kam lei lei,” ka jubab.

1 KHRONIKL 23:31

bad ha man ba thang ïa ki jingainguh ba la ai sha U Trai ha ka Sabbaton, ha ka Jingkhawai Niam Bnai Thymmai, bad ha kiwei kiwei ki Jingkhawai Niam. La thaw ïa ki jingpynbeit ryntih da kaba kdew ïa ka jingdon ki Lebi kiba la pynkhamti ban leh ïa kane ka kam man ka por.

2 KHRONIKL 31:3

Na la ki kynhun jingri u pyndap ïa ki mrad na ka bynta ki jingainguh thang man la ka step bad man la ka janmiet, bad na ka bynta kito ïa kiba ainguh ha ka sngi Sabbaton, ha ka Jingkhawai Niam Bnai Thymmai, bad ha kiwei ki jinglehkmen ïa kiba donkam da ka hukum jong U Trai.

NEHEMAÏAH 10:31

Lada ki nongwei ki wallam kew lane kano kano ban die ha ngi ha ka sngi Sabbaton lane ha kano kano ka sngi khuid, ngin ym thied na ki. Ngin ym trei lyngkha ha man ka snem kaba hynñiew, bad ngin pyndam noh ïa ki ram baroh.

NEHEMAÏAH 10:33

Ngin pynbiang na ka bynta ka jingmane ha ka Templ ïa kine: u kpu bakyntang, ka jingkñia-bam ba man ka sngi, ki mrad ban thang man ka sngi kum ki jingkñia, ki jingkñia bakyntang na ka bynta ki sngi Sabbaton, ki jingkñia Bnai Thymmai bad kiwei ki jingkñia, kiwei kiwei ruh ki jingkñia bakyntang, ki jingkñia ban map noh ïa ki pop ki Israel, bad ïa kiei kiei ruh kiba donkam na ka bynta ka Templ.

NEHEMAÏAH 8:9

Haba u paidbah u ïohsngew ïa kaei kaba ka Hukum ka dawa ïa ki, la pynkhih ïa ki dohnud jong ki bad ki sdang ban ïam. Kumta u Nehemaïah, uba long u lat, u Esra, uba long u lyngdoh bad u riewstad ka Hukum, bad ki Lebi kiba dang batai ïa ka Hukum, ki la ong ha u paidbah, “Kane ka sngi ka long kaba khuid ha U Trai U Blei jong phi, kumta phim dei ban sngewsih ne ïam.

SALM 42:4

Ka dohnud jong nga ka pait haba nga kynmaw ïa ka mynnor, haba nga leit bad ki paidbah sha ka ïing U Blei bad ïalam ïa ki katba ki dang ïaid, u paidbah bakmen, uba rwai bad pyrta ka jingïaroh ïa U Blei.

SALM 81:3

To put ïa ka turoi ha ka jinglehniam, haba dang lung bnai bad haba pyllun bnai.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

ESEKIEL 4:14

Hynrei nga la jubab, “Em, ko Trai Nongsynshar! Ngam pat ju pyntngit ïa lade. Naduh dang khynnah ngam pat ju bam ïa ka doh jong uno uno u mrad uba ïap hi ne uba shah pynïap ha ki mradkhlaw. Ngam pat ju bam ïa kano kano ka jingbam ba la kheiñ ka bymkhuid.”

ESEKIEL 45:17

Kan long ka kamram jong u ban pynbiang ïa ki mrad ban thang tylli, ki jingainguh bam, bad ki jingainguh waiñ na ka bynta ka jaitbynriew Israel baroh kawei ha ki Jingkhawai Niam Bnai Thymmai, ki Sabbaton, bad kiwei ki Jingkhawai Niam. Un pynbiang ki jingkñia pop, jingainguh bam, ki jingkñia ban thang tylli, bad ki jingainguh ïasyllok, ban shim noh ïa ki pop jong ki paid Israel.”

LEBITIKOS 16:31

Kata ka sngi ka dei ban long ka sngi kaba khuid bha, ka sngi ha kaba ki shahjingit bad kim trei ïa kano kano ka kam. Kine ki dei ki jingbuhbeit ryntih ban rakhe pateng la pateng.

AMOS 8:5

Phi ong ha lade, “Ngim lah ap slem ïa ki sngi bakhuid ba kin kut noh khnang ba ngi lah ban die ïa u kew jong ngi. Lano ka sngi Sabbaton kan kut, khnang ba ngin ïoh sdang ban die biang? Nangta ngi lah ban oh dor rem, pyndonkam da ki jingthew bymhok, bad pynbakla ïa ki tarajur ban thok ïa ki nongthied jong ngi.

JINGKHEIÑ 10:10

Kumjuh ruh ha ki por lehkmen — ha ki Jingkhawai Niam Bnai Thymmai bad ha kiwei pat ki Jingkhawai Niam jong phi — phi dei ban put ïa ki turoi haba phi wanrah ïa ki jingainguh thang bad ki jingainguh ïasyllok jong phi. Te ngan ïarap ïa phi. Nga long U Trai U Blei jong phi.”

MATHAÏOS 15:11

Kam dei kata kaba rung shapoh ka shyntur jong u briew kaba pynlong ïa u, u bymkhuid kat kum ka lehniam; pynban, dei kaba mih shabar na ka, kaba pynlong ïa u, u bymkhuid.”

MARKOS 7:19

namar kam rung sha ka dohnud, hynrei, shapoh ka kpoh jong u bad nangta ka mih shabar na ka met.” (Ha kaba u ong ïa kane, U Jisu u la pynbna ba baroh ki jingbam ki long kiba bit ban bam.)

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

Ka Shithi U Paul Sha Ki Nong Rom 14:10

Ma phi te, kiba bam tang ki jhur — balei phi bishar ïa la u parabangeit? Bad ma phi kiba bam ïa kiei kiei baroh — balei phi peitbeiñ ïa la u parabangeit? Baroh na ngi, ngin hap ban ïeng ha khmat U Blei ban shah bishar da u.

GALATIA 4:10

Phi pynleit jingmut kyrpang ïa ki katto katne ki sngi, ki bnai, ki aïom, bad ki snem.

KOLOSSAI 2:20

Phi la ïap bad U Khrist bad la pyllaitluid ïa phi na ki mynsiem kiba synshar ïa ka jingpynlong.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

JAKOB 4:11

Wat ïa-wohnia para ma phi, ko parabangeit jong nga. Uno uno uba wohnia ïa u parabangeit ne bishar ïa u, u wohnia ïa ka Hukum bad u bishar ïa ka. Lada phi bishar ïa ka Hukum, te phim long shuh uba kohnguh ïa ka Hukum, hynrei uwei uba bishar ïa ka.

1 SAMUEL 20:18

Nangta u Jonathan u ong ha u, “Naba lashai ka dei ka jingkhawai mih bnai thymmai, ka jingbymdon jong phi kan paw shai lada phim don ha jingïabam.

1 SAMUEL 20:5

“Lashai ka sngi ka dei ka jingkhawai mih bnai thymmai” u Dabid u jubab “bad nga dei ban ïashong bam ryngkat bad u syiem. Hynrei lada ka long kaba biang ïa phi, ngan leit noh ban rieh ha ki bri haduh la shi sngi janmiet.