KOLOSSAI 2:14 - Khasi CL Bible (BSI)

¹⁴ U Blei u la map ïa ngi ïa ki pop jong ngi baroh; u la pyndam noh ïa ka jingbuh jingthoh ka bymsngewtynnat ïa ki ram jong ngi lem bad ki kyndon jong ka kiba teh bad weng noh syndon ïa ka da kaba sah preg ïa ka ha ka diengphna.

KA BAIBL

¹⁴ haba la lah pyndam noh ïa ka kot jingkular ba la thoh ha ki niam ki rukom kaba la ïaleh pyrshah ïa ngi, kaba la long pyrshah ïa ngi, bad u la weng noh ruh ïa ka, u da sahnar ïa ka ha ka diengphna;

KOLOSSAI 2:14 ပူးပေါင်းရင်းမြစ်များ

NEHEMAÏAH 4:5

Wat map ïa kaba sniew kaba ki leh bad wat klet ïa ki pop jong ki, namar ba ki la pynlehrain ïa ngi kiba dang ïatei.”

ESTHER 3:12

Kumta ha ka sngi kaba khatlai jong u bnai banyngkong, u Haman u la khot ïa ki sekretari jong u syiem bad u la pule ha ki ba kin bud ïa ka jingpynbna bad ong ïa ki ban pynkylla ktien sha baroh ki jait ktien bad rukom thoh ba la pyndonkam ha ka hima bad ban phah sha baroh ki nongsynshar, ki lat bad rangbah synshar. La pynmih ha ka kyrteng jong u syiem Serksis bad shon muhor da ka sati jong u.

ESTHER 8:8

Hynrei ka jingpynbna ba la dep pynmih ha ka kyrteng u syiem bad ba la shon da ka muhor syiem, ym lah ban pynkylla. Phi lah pat ban thoh sha ki Jiw ïa kaei kaei kaba phi kwah; bad phi lah ban thoh ïa ka ha ka kyrteng jong nga bad shon ïa ka da ka muhor syiem.”

SALM 51:1

To isynei ïa nga, A Blei, namar ka jingieit baneh jong me. Namar ka jingisynei bakhraw jong me, to pyndam noh ïa ki pop jong nga!

SALM 51:9

To tap ïa ki khmat jong me na ki pop jong nga bad pyndam noh ïa ka jingbymhok jong nga baroh.

ISAÏAH 43:25

Bad pynban, nga long U Blei uba map ïa ki pop jong phi, bad nga leh ïa kane namar uei ba nga long. Ngan ym bat ïa ki pop jong phi pyrshah ïa phi.

ISAÏAH 44:22

Nga la weng noh ïa ki pop jong phi kum ïa u lyoh. To wan phai pat sha nga; nga long uta uba la pynim ïa phi.”

ISAÏAH 57:14

U Trai u ong, “To shah ïa ki briew jong nga ban wan phai sha nga. Bret noh ïa ki jingpynwit baroh na ki lynti ïaid jong ki! Shna ïa ka surok bad pynkhreh ïa ka!

JINGKHEIÑ 5:23

Nangta u lyngdoh un thoh ïa kane ka jingtim bad sait ïa kata kaba u la thoh ha kata ka um kthang.

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

KOLOSSAI 2:20

Phi la ïap bad U Khrist bad la pyllaitluid ïa phi na ki mynsiem kiba synshar ïa ka jingpynlong.

2 THESSALONI 2:7

Ka Jingbymman Bamaïan ka la da trei, hynrei, kaei ka ban jia, kan ym jia tad ynda ïa uta uba bat ïa ka la weng noh na ka lynti.

HEBRU 7:18

Te ïa ka hukum kaba mynshuwa la buh sharud, namar ba ka long kaba tlot bad ka bymmyntoi.

HEBRU 8:13

Da kaba ong ka jutang bathymmai, U Blei u la pynlong rim ïa kata kaba nyngkong; bad kano kano kaba kylla rim bad nang tymmen kan sa jah noh shen.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.