KOLOSSAI 2:12 - Khasi CL Bible (BSI)

¹² Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

KA BAIBL

¹² haba la btep lem bad u ha kata ka jingbaptis, ha kaba la pynmih lem ïa phi ruh bad u da ka jingngeit ha ka jingtrei U Blei, uba la pynmih pat ïa u na ki baïap.

KOLOSSAI 2:12 ပူးပေါင်းရင်းမြစ်များ

LOUKAS 17:5

Ki apostol ki la ong ha U Trai, “To kham pynkhraw ïa ka jingngeit jong ngi.”

KI KAM 14:27

Haba ki la poi ha Antiokh, ki la lumlang ïa ki briew jong ka balang bad ki la ïathuh ha ki ïa kaei kaei baroh kaba U Blei u la leh bad ki, bad kumno u la plie ka lynti na ka bynta ki Jentil ban ngeit.

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.

KI KAM 2:32

U Blei u la pynmihpat ïa une hi U Jisu na ka jingïap, bad ngi baroh ngi long ki sakhi ïa kane ka jingshisha.

Ka Shithi U Paul Sha Ki Nong Rom 4:24

La thoh ïa ki na ka bynta jong ngi ruh ïa kiba la pdiang kum kiba hok, kiba ngeit ha uta uba la pynmih na ka jingïap ïa U Jisu uba U Trai jong ngi.

Ka Shithi U Paul Sha Ki Nong Rom 7:4

Ka long kumta bad phi, ko ki parabangeit jong nga. Ha ka jingïadei bad ka hukum, ma phi ruh phi la ïap namar phi long ka bynta jong ka met U Khrist; bad mynta phi long ki jong u, uta ïa uba la pynmihpat na ka jingïap khnang ba ngi lah ban long kiba U Blei u lah ban pyndonkam na ka bynta ka kam jong u.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

1 KORINTH 15:20

Hynrei ka jingshisha ka long ba ïa U Khrist la pynmihpat na ka jingïap, kum ka jingbahkhlieh ba ïa kito kiba la ïap yn sa pynmihpat ruh ïa ki.

GALATIA 3:27

La pynbaptis ïa phi ha U Khrist, bad mynta la pynkup ïa phi, kumba ong, da ka jingim U Khrist hi.

EPHESOS 2:8

Namar dei da ka jingaiei U Blei ba ïa phi la pynim da ka jingngeit. Kam dei na ka jingmih na ki kam jong phi hi, hynrei ka long ka jingai U Blei, khnang ba uno uno un ym lah ban kren sarong shaphang kata.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

EPHESOS 4:5

Don tang uwei U Trai, kawei ka jingngeit, kawei ka jingpynbaptis;

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.

KOLOSSAI 2:13

Phi la long ha kawei ka por kiba la ïap ha kaba kynja mynsiem namar ki pop jong phi bad namar ba phi la long ki Jentil kiba khlem ka Hukum. Hynrei U Blei mynta u la wallam ïa phi sha ka jingim bad U Khrist.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 6:2

ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,