KOLOSSAI 2:11 - Khasi CL Bible (BSI)

¹¹ Ha U Khrist la otsher ïa phi, ym da ka jingotsher kaba la thaw da ki briew, hynrei da ka jingotsher ba la pynlong da U Khrist, kaba kynthup ïa ka jinglong ba la laitluid na ka bor jong ka pop hi.

KA BAIBL

¹¹ ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist;

KOLOSSAI 2:11 ပူးပေါင်းရင်းမြစ်များ

JEREMAÏAH 4:4

Sumar ïa ka jutang jong phi bad nga, U Trai jong phi, bad pynkyntang ïa lade ha nga, phi ki briew jong ka Judah bad Jerusalem. Lymda kumta, ka jingbitar jong nga kan ing kum ka ding namar kiei kiei kiba sniew kiba phi la leh. Kan pluh, bad yn ym don mano mano ba pynlip ïa ka.”

MARKOS 14:58

“Ngi la ïohsngew ba u ong, ‘Ngan pynjot ïa kane ka Templ kaba ki briew ki la tei, bad hadien lai sngi ngan tei ïa kawei pat kaba ym shym la shna da ki briew’ ”

LOUKAS 2:21

Hadien shi taïew, haba ka por ka la poi na ka bynta ban otsher ïa u khunlung, la ai kyrteng ïa u, U Jisu, ka kyrteng kaba u angel u la lah ai na ka bynta jong U ha shuwa ba yn pun ïa U.

KI KAM 17:24

U Blei, uba la thaw ïa ka pyrthei bad ïa kaei kaei baroh kaba don ha ka, u long U Trai jong ka bneng bad ka pyrthei bad um shong ha ki templ ba la thaw da ki kti jong ki briew.

KI KAM 7:48

“Hynrei U Blei Uba Hakhlieh Tam Eh um shong ha ki ïing ba la tei da ki briew, kumba u nongïathuhlypa u ong,

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

Ka Shithi U Paul Sha Ki Nong Rom 6:6

Bad ngi tip ba ïa ka jinglong barim jong ngi la pynïap noh bad U Khrist halor ka diengphna, khnang ba ïa ka bor jong ka jinglong pop jong ngi, yn pynjot noh, khnang ba ngin ym long shuh ki mraw jong ka pop.

Ka Shithi U Paul Sha Ki Nong Rom 7:24

A katno nga long u briew u bym don jingsuk! Uei u ban pyllait noh ïa nga na kane ka met kaba ïalam ïa nga sha ka jingïap?

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

GALATIA 2:20

khnang ba ym dei shuh ma nga uba im, hynrei dei U Khrist uba im ha nga. Kane ka jingim kaba nga im mynta, nga im da ka jingngeit ha U Khun U Blei, uba la ieit ïa nga bad uba la aiti ïa la ka jingim na ka bynta jong nga.

GALATIA 5:24

Bad kita kiba long ki jong U Khrist Jisu ki la pynïap ïa ka jinglong ba kynja briew lem ïa ki jingthrew bad ki jingkwah brai jong ka baroh.

EPHESOS 4:22

Kumta to iehnoh ïa u briew barim jong phi, uba pynlong ïa phi ban im kumba phi la ju im — u briew uba rim uba la nang pynjot da ki jingkwah brai bashukor jong ka.

DEUTERONOMI 10:16

Kumta, naduh mynta, kohnguh ïa U Trai, bad wat long shuh kiba mutlop.

DEUTERONOMI 30:6

U Trai U Blei jong phi un pynlong ïa phi kiba kohnguh hukum, khnang ba phin ieit ïa u da ka dohnud jong phi baroh bad da ka mynsiem jong phi baroh, bad ba phin ïaishong ha kata ka ri.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

HEBRU 9:11

Hynrei U Khrist u la lah wan lypa kum U Rangbah Lyngdoh jong kiei kiei kiba bha kiba la don lypa hangne. Ka Ïingjaiñ ha kaba u shakri ka long kaba kham khraw bad kaba kham janai; kam dei ka ïingjaiñ kaba la shna da u briew, kata ka long, kam dei ka bynta jong kane ka pyrthei ïa kaba la thaw.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.