KOLOSSAI 2:1 - Khasi CL Bible (BSI)

¹ To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KA BAIBL

¹ Namar nga kwah ba phin tip katno ka jingïaleh nga don na ka bynta jong phi, bad na ka bynta kiba ha Laodikaïa, bad na ka bynta kita baroh ki bym shym la ïohi ïa ka khmat jong nga ha ka doh;

KOLOSSAI 2:1 ပူးပေါင်းရင်းမြစ်များ

JENESIS 30:8

Ka Rakhel ka ong, “Nga la ïakhun ka jingïaleh kaba jwat bad la ka hynmen, hynrei nga la jop”; kumta ka la khot kyrteng ïa u, u Naphtali.

LOUKAS 22:44

Ha ka jinglyng-a kaba khraw u la duwai kham jur shuh shuh; ka syep jong u ka la long kum ki jingjaw ka snam kaba hap ha madan.

KI KAM 20:25

“Nga la ïaid kylleng hapdeng jong phi baroh, da kaba ïalap ïa ka Hima U Blei. Bad mynta nga tip ba ym don mano mano na phi ki ban dang ïohi shuh ïa nga.

KI KAM 20:38

Ki da sngewsih kthang eh namar u la lah ong ba kin ym ïohi shuh ïa u. Bad kumta ki la ïaleit bad u sha ka lieng.

GALATIA 4:19

Ko ki khun ba-ieit jong nga! Sa shisien, kum ka kmie kaba suh kha, nga sngew ïa kajuh ka jait jingsuh na ka bynta jong phi tad haduh ka jinglong U Khrist kan da thawdur ha phi.

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.

KOLOSSAI 2:5

Naba wat la ngam don ryngkat ha ka met, pynban nga don bad phi ha ka mynsiem, bad nga kmen haba nga ïohi ïa ka jingkut jingmut kaba skhem da kaba phi ïa-ïeng lang ha ka jingngeit jong phi ha U Khrist.

1 THESSALONI 2:2

Phi tip kumno ba ngi la shah lehbeiñ bad shah krenbeiñ ha Philippi shuwa ba ngin wan sha phi ha Thessaloni. Bad wat la ka la don ka jingpyrshah kaba jur, U Blei jong ngi u la ai ha ngi ka jingshlur ban ïathuh ha phi ïa ka Khubor Babha kaba wan na u.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

1 PETROS 1:8

Phi ieit ïa u, wat haba phim pat ïohi ïa u, bad phi ngeit ha u, wat la phim pat ïohi ïa u mynta. Te phi shadkmen da ka jingkmen kaba khraw bad kaba dap da ka burom kiba ki ktien kim lah ban batai,

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”