KOLOSSAI 1:9 - Khasi CL Bible (BSI)

⁹ Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

KA BAIBL

⁹ Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

KOLOSSAI 1:9 ပူးပေါင်းရင်းမြစ်များ

SALM 119:99

Nga shemphang kham palat ban ïa ki nonghikai jong nga baroh, namar nga puson ïa ki jingbthah jong me.

SALM 143:10

Me long U Blei jong nga; to hikai ïa nga ban leh ïa ka mon jong me. Long uba bha ïa nga, bad to ïalam ïa nga ha ka lynti bym don jingma.

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 12:5

Kumta la buh ïa u Petros ha ka phatok, hynrei ki briew jong ka balang ki la duwai jur ha U Blei na ka bynta jong u.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

1 KORINTH 1:5

Naba ha U Khrist la pynlong ïa phi kiba man kyrhai ha kiei kiei baroh, kaba kynthup ïa ka jingkren bad ka jingtip baroh.

EPHESOS 1:8

Katno khraw ka long ka jingaiei U Blei, kaba u la ai ha ngi ha kat kata ka jingthew bakhraw!

EPHESOS 5:10

Pyrshang ban tip ïa kaei kaba pynsngewbha ïa U Trai.

EPHESOS 5:17

Wat long kiba bieit, hynrei, pyrshang ban wad ïa kaei kaba U Trai u kwah ïa phi ban leh.

EPHESOS 6:6

Leh ïa kane ym tang haba ki khmih ïa phi, namar ba phi kwah ban ïoh ka jingmynjur jong ki; hynrei, leh naduh ka dohnud baroh ïa kaei kaba U Blei u kwah, kum ki mraw U Khrist.

PHILIPPI 1:4

bad man la ka por nga duwai na ka bynta jong phi baroh, nga duwai da ka jingkmen,

KOLOSSAI 1:6

Ka gospel ka ïai wallam ki jingkyrkhu bad ka par kylleng ka pyrthei, kumba ka la long hapdeng jong phi naduh kata ka sngi kaba phi la ïohsngew nyngkong shaphang ka jingaiei jong U Blei bad phi la tip ïa ka kumba ka long shisha.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

KOLOSSAI 4:5

To long kiba stad ha ka rukom kaba phi leh ïa kiwei ki bym pat ngeit, da kaba pyndonkam ha ka rukom kaba dei ïa kawei pa kawei ka kabu kaba phi ïoh.

1 THESSALONI 1:3

Naba ngi kynmaw ha khmat U Blei bad U Kpa jong ngi ba kumno phi pyntreikam ïa ka jingngeit, kumta ba ka jingieit jong phi ka pynlah ïa phi ban trei shitom, bad kumno ka jingkyrmen jong phi ha U Jisu Khrist uba U Trai jong ngi ka long kaba skhem.

1 THESSALONI 5:17

duwai ha ki por baroh,

2 THESSALONI 1:11

Dei kata keiñ balei ba ngi ïai duwai borabor na ka bynta jong phi. Ngi kyrpad ïa U Blei jong ngi ban pynlong ïa phi kiba bit ïa ka jingim kaba u la khot ïa phi ban im. Ai ba un pyndap da ka bor jong u ïa ka jingkwah jong phi baroh na ka bynta ka jingbha bad ban pyndep ïa ka jingtrei ka jingngeit jong phi.

PHILEMON 1:4

Ko Philemon u para jong nga, man ka por ba nga duwai, nga kynmaw ïa me bad ainguh ïa U Blei jong nga.

PHILEMON 1:6

Ka jingduwai jong nga ka long ba ka jingïasyllok jong ngi bad me kum ki bangeit kan wallam ïa ka jingsngewthuh ba kham jylliew ïa ki jingkyrkhu baroh ïa kiba ngi ïoh ha ka jingim jong ngi ha U Khrist.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

1 ÏOANNIS 2:17

Ka pyrthei bad kaei kaei baroh kaba don ha ka, kaba ki briew ki kwah kan sa jah noh; hynrei kito kiba leh ïa ka mon U Blei kin im junom.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.