KOLOSSAI 1:7 - Khasi CL Bible (BSI)

⁷ Phi la ïoh tip ïa ka jingaiei jong U Blei na u Epaphras, u para shakri ba-ieit jong ngi, uba long u nongtrei baïaineh jong U Khrist na ka bynta jong ngi.

KA BAIBL

⁷ kumba phi la ïoh hikai na u Epaphras u para shakri ba-ieit jong ngi, uba long u nongïalap baïaineh jong U Khrist na ka bynta jong phi;

KOLOSSAI 1:7 ပူးပေါင်းရင်းမြစ်များ

JINGKHEIÑ 12:7

Ka pher haba nga ïakren bad u shakri jong nga, u Moses. Nga la buh ïa u ban peit ïa baroh ki briew jong nga, ki Israel.

MATHAÏOS 18:29

U para shakri jong u, u la dem khrup bad u la kyrpad ïa u, ‘to ïaishah bad nga, bad ngan siew pat ïa phi!’

MATHAÏOS 24:45

“Uno, te, uba long u shakri uba lah ban shaniah bad uba stad? U dei uta ïa uba u kynrad jong u, u la buh ban khmih ïa kiwei pat ki shakri ban ai jingbam ïa ki ha ka por kaba dei.

MATHAÏOS 25:21

‘Me la leh ïa kaba bha tam, me u shakri uba bha bad uba lah ban shaniah!’ la ong u kynrad jong u. ‘Me la long uba lah ban shaniah ha kaba pynïaid ïa kaba khyndiat, kumta ngan buh ïa me ban khmih ïa kaba kham bun. To wan rung shapoh bad ïoh bynta lem na ka jingkmen jong nga!’

1 KORINTH 4:17

Na ka bynta kane ka jingthmu nga phah ha phi ïa u Timothi, uba long u khun ba-ieit bad baïaineh jong nga ha ka jingim kum uba ngeit. Un pynkynmaw ïa phi ïa ki nongrim kiba nga bud ha ka jingim kaba thymmai ha U Khrist Jisu bad kaba nga hikai ha ki balang baroh kiba don kylleng.

1 KORINTH 4:2

Kawei kaba donkam ïa kum uta u shakri ka long ba un long uba ïaineh ha u kynrad jong u.

1 KORINTH 7:25

Mynta, ïa kaei kaba phi la thoh shaphang ki briew ki bym pat shongkurim: Ngam don ka hukum na U Trai, hynrei nga ai ïa la ka jingmut kum uwei uba da ka jingisynei U Trai nga long uba lah ban shaniah.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

EPHESOS 5:21

To pyndem ïa lade iwei ha iwei pat namar ka jingsheptieng burom jong phi ïa U Khrist.

PHILIPPI 2:25

Nga don ka jingpyrkhat ba ka donkam ban phah sha phi ïa u para jong ngi u Epaphroditos, uba la trei bad ïaleh ha syndah jong nga bad uba la shakri kum u nonglamktien jong phi ha kaba ïarap ïa nga.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

KOLOSSAI 4:7

U para ba-ieit jong ngi u Tukhikos, u nongtrei uba lah ban shaniah bad u para shakri ha ka kam jong U Trai, un sa ai ïa phi ka khubor baroh shaphang jong nga.

KOLOSSAI 4:9

Lem bad u, u wan u Onesimos, uta u para ba-ieit bad uba lah ban shaniah, uba dei na ka kynhun jong phi. Kin ïathuh ha phi ïa kaei kaei baroh kaba la jia hangne.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

PHILEMON 1:23

U Epaphras, uba don lang bad nga ha ka byndi na ka bynta U Khrist Jisu, u phah ïa ki jingai khublei jong u ïa me,

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 3:2

U long uba shaniah ha U Blei, uba la jied ïa u ban leh ïa kane ka kam, kumba u Moses u la long uba lah ban shaniah ha ka kam jong u ha ka ïing U Blei.