KOLOSSAI 1:29 - Khasi CL Bible (BSI)

²⁹ Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.

KA BAIBL

²⁹ sha kaba nga trei minot ruh, da kaba pyneh katba kum kata ka jingtrei jong u, kaba trei borbah ha nga.

KOLOSSAI 1:29 ပူးပေါင်းရင်းမြစ်များ

LOUKAS 13:24

U Jisu u la jubab ïa ki, “Leh ïa kaba bha tam ban rung lyngba ka khyrdop kaba khim; namar bun ki briew da kaba thikna kin pyrshang ban phrung lyngba jong ka hynrei kin ym lah.

Ka Shithi U Paul Sha Ki Nong Rom 15:20

Ka jingangnud jong nga borabor ka long ban pynbna ïa ka Khubor Babha ha ki jaka ha kiba ïa U Khrist ym pat shym la ïohsngew, khnang ban ym tei halor ka nongrim ba la seng da kiwei pat.

Ka Shithi U Paul Sha Ki Nong Rom 15:30

Nga kyntu ïa phi, ko ki parabangeit, da U Jisu Khrist uba U Trai jong ngi bad da ka jingieit kaba U Mynsiem u ai: To ïasoh bad nga ha ka jingduwai shitrhem sha U Blei na ka bynta jong nga.

1 KORINTH 12:11

Hynrei dei tang uwei bad ujuh hi U Mynsiem uba leh ïa kane baroh; ha ka mon jong u, u ai ïa ka jingai bapher ha uwei pa uwei.

1 KORINTH 12:6

Don bun ki jinglah ban shakri kiba ïapher, hynrei ujuh U Blei uba pynlah ïa baroh na ka bynta ka jingshakri bakyrpang jong ki.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

2 KORINTH 13:3

Phin ïoh ïa ka jingpynshisha baroh kaba phi kwah ba U Khrist u kren ha nga. Haba u pynbeit ïa phi, um long uba tlot, pynban, u pynpaw ïa la ka bor hapdeng jong phi.

2 KORINTH 5:9

Pynban, palat ban ïa kaei kaei baroh, ngi kwah ban pynsngewbha ïa u, la ngi don ha kane ka ïing hangne lane hangtei.

2 KORINTH 6:5

La sympat ïa ngi, la set byndi, bad la shah ktah kti ha u paidbhur; ngi la trei palat bad ngi la duh thiah ne duh bam.

EPHESOS 1:19

bad katno ka jingkhraw eh long kata ka bor kaba trei ha ngi kiba ngeit.

EPHESOS 3:20

Ha uta uba da ka bor jong u kaba trei ha ngi u lah ban leh kham palat ban ïa kaba ngi pan, lane wat ïa kaba ngi pyrkhat;

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

PHILIPPI 1:27

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

PHILIPPI 2:16

Lada phi leh kumta, ngan don ka daw ban sngewsarong ïa phi ha ka Sngi jong U Khrist, namar kan pyn-i ba baroh ka jingpyrshang bad ka jingtrei jong nga kam shym la long kaba lehnoh-ei.

KOLOSSAI 2:1

To shah ngan ïathuh ïa phi haduh katno nga la trei shitom na ka bynta jong phi, bad na ka bynta ki briew ha Laodikaïa bad na ka bynta kiwei pat baroh ki bym ithuh ïa nga markhmat.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 2:9

Da shisha phi kynmaw, ko parabangeit jong ngi, kumno ba ngi la minot bad trei shitom! Ngi la trei mynsngi bad mynmiet khnang ba ngin ym bankhia ïa phi haba ngi la ïalap ha phi ïa ka Khubor Babha na U Blei.

2 THESSALONI 3:8

Ngim shym la pdiang ïa ka jingkyrshan jongno jongno khlem da siewdor ïa ka. Pynban, ngi la trei bad minot thop; ngi ïai trei mynsngi bad mynmiet khnang ban ym long ka jingbankhia ïano ïano na phi.

2 TIMOTHI 2:10

Hynrei ka ktien jong U Blei kam shah teh ha ki kynjri, bad kumta nga ïaishah ha kiei kiei baroh na ka bynta ki briew ba la jied jong U Blei, khnang ba ma ki ruh kin ïohpdiang ïa ka jingpynim kaba wan lyngba U Khrist Jisu bad kaba wallam ïa ka burom bymjukut.

HEBRU 12:4

Naba ha kata ka jingïaleh jong phi pyrshah ïa ka pop, phim pat ïaleh pyrshah haduh ban da shah pynïap.

JINGPYNPAW 2:3

Pha long kaba ïaishah, pha la shahshitom na ka bynta jong nga, bad pham shym la kynran dien.