KOLOSSAI 1:28 - Khasi CL Bible (BSI)

²⁸ Kumta ngi ïalap ïa U Khrist ha uwei pa uwei. Da ka jingstad baroh katba lah ngi maham bad hikai ïa ki khnang ban pynïeng ïa uwei pa uwei ha khmat U Blei kum u briew uba la san pura ha U Khrist.

KA BAIBL

²⁸ ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 1:28 ပူးပေါင်းရင်းမြစ်များ

ESRA 7:25

“Ma me, ko Esra, da kaba pyndonkam ïa ka jingstad kaba U Blei jong me u la ai ha me, men thung ki nongsynshar bad ki nongbishar ki ban synshar ïa ki briew baroh jong ka Ïuphratis Sepngi kiba im da ka Hukum jong U Blei jong me. Me dei ban hikai ïa kato ka Hukum ha uno uno u bymtip ïa ka.

PROBERB 8:5

Hato phi dang long kiba lung jingmut? Hikai ban long kiba rangbah jingmut. Hato phi long kiba dang bieit? Hikai ban long kiba shemphang.

EKLESIASTIS 12:9

Hynrei namar ba u Stad saiñpyrkhat u long uba stad, u ïai hikai ïa ki briew ïa kaei kaba u tip. U la pule bniah ïa ki proberb bad da kaba sngur mynsiem u da tynjuh ïa ka jingshisha jong ki.

JEREMAÏAH 3:15

Ngan ai ha phi ki nongsynshar ki ban kohnguh ïa nga, bad kin synshar ïa phi da ka jingstad bad ka jingshemphang.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

ESEKIEL 7:10

Ka sngi jong ka jingjot ka la wan ïa ka Israel. Ka jingleh jubor ka nang roi. Ka jingsarong ka ïeng rasong.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MATHAÏOS 3:7

Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MARKOS 6:34

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

KI KAM 11:20

Hynrei kiwei pat ki parabangeit, kiba na Sypros bad Kyrini, ki la leit sha Antiokh bad ki la pynbna ïa ka khubor ha ki Jentil ruh, da kaba ïathuh ha ki ïa ka Khubor Babha shaphang U Trai Jisu.

KI KAM 13:38

Ngi kwah ïa phi ban tip, ko ki para Israel jong nga, bad ka long lyngba U Jisu ba ïa ka khubor shaphang ka jingmap ïa ki pop la ïalap ha phi; bad ba ïa uwei uwei baroh uba ngeit ha u la pyllait na ki pop baroh na kiba ka Hukum u Moses kam lah ban pyllait ïa phi.

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 17:3

da kaba sot bad batai ïa ki Jingthoh Bakhuid bad pynshisha na ki ba U Messaïah u la dei ban shahshitom bad ban mihpat na ka jingïap. “Une U Jisu ïa uba nga pynbna ha phi, u dei U Messaïah,” u Paul u la ong.

KI KAM 20:31

To sharai, te, bad to kynmaw bad da ki ummat kiba bun, mynsngi bad mynmiet, nga la hikai ïa iwei pa iwei na phi haduh lai snem.

KI KAM 3:20

Lada phi leh kumta, ki por jong ka jingkhlaiñ ba kynja mynsiem kin wan na U Trai, bad un phah ïa U Jisu, uba long U Messaïah ïa uba u la lah jied na ka bynta jong phi.

KI KAM 5:42

Bad man ka sngi hapoh ka Templ bad ha ki ïing jong ki briew ki ïai bteng ban hikai bad ïalap ïa ka Khubor Babha shaphang U Jisu U Messaïah.

KI KAM 8:35

Te u Philip u la sdang ban kren; da kaba sdang na kane ka bynta jong ka Jingthoh Bakhuid, u la ïathuh ïa u ïa ka Khubor Babha shaphang U Jisu.

KI KAM 8:5

U Philip u la leit sha ka nongbah ha Samaria bad u la ïalap ïa U Messaïah ha ki briew hangta.

KI KAM 9:20

U la leit beit sha ki synagog u la sdang ban ïalap ba U Jisu u long U Khun U Blei.

Ka Shithi U Paul Sha Ki Nong Rom 16:25

To ngin ai ka burom ïa U Blei! U long uba lah ban pynlong ïa phi kiba ïeng skhem ha ka jingngeit jong phi, kat kum ka Khubor Babha kaba nga ïalap shaphang U Jisu Khrist bad kat kum ka jingpynpaw ïa ka jingshisha barieh, ïa kaba la buhrieh la slem bah mynshuwa.

1 KORINTH 1:23

Katba ma ngi, ngi pynbna ïa U Khrist ba la sahnarphna, ka khubor kaba long ka jingpynwit ha ki Jiw bad kaba ibieit ha ki Jentil; hynrei ha kito ïa kiba U Blei u la khot, ki Jiw bad ki Grik ruh, kane ka khubor ka long U Khrist, uba long ka bor U Blei bad ka jingstad U Blei.

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 12:8

U Mynsiem u ai ha uwei ïa ka khubor ba-dap da ka jingstad, katba ha uwei pat, ujuh U Mynsiem u ai ïa ka khubor ba-dap da ka jingtip.

1 KORINTH 15:12

Mynta, namar ka khubor jong ngi ka long ba ïa U Khrist la pynmihpat na ka jingïap, kumno ba katto katne ngut na phi ki ong ba yn ym don ka jingmihpat na ka jingïap?

1 KORINTH 2:15

Pynban uno uno uba don U Mynsiem, u lah ban bishar ïa ka dor jong kiei kiei baroh, hynrei ym don uba lah ban bishar ïa u.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

1 KORINTH 4:14

Nga thoh ïa kane sha phi, ym namar ba nga kwah ban pynlehrain ïa phi, hynrei ban sneng ïa phi kum ki khun ba-ieit jong nga.

2 KORINTH 10:14

Bad namar ba phi don hapoh kita ki pud, ngim shym la jam palat ïa ki mynba ngi la wan sha phi, da kaba wanrah ïa ka Khubor Babha shaphang U Khrist.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

2 KORINTH 4:5

Naba ym dei ïa lade ba ngi ïalap; ngi ïalap ïa U Jisu Khrist kum U Trai, bad ma ngi kum ki shakri jong phi na ka bynta U Jisu.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

KOLOSSAI 1:22

Hynrei mynta, da ka jingïap jong U Khun jong u ha kane ka doh, U Blei u la pynlong ïa phi ki paralok jong u, khnang ban pynïeng ïa phi, kiba khuid, kiba sngur, bad kiba khlem jingduna ha khmat jong u.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

KOLOSSAI 2:3

U long u shabi uba plie ïa baroh ki jingkynshew ba la buhrieh jong ka jingstad bad ka jingtip U Blei.

KOLOSSAI 3:16

Ka khubor jong U Khrist ha ka jingdap pura jong ka baroh, ka dei ban im hapoh ki dohnud jong phi. To hikai bad kyntu iwei ïa iwei pat da ka jingstad baroh. To rwai ki salm, ki jingrwai, bad ki jingrwai bakyntang; to rwai sha U Blei da ka jingainguh ha ki dohnud jong phi.

KOLOSSAI 4:12

Ki jingai khublei na u Epaphras, uwei pat u dkhot jong ka kynhun jong phi bad u shakri jong U Khrist Jisu. U ïai duwai shitrhem borabor na ka bynta jong phi, da kaba kyrpad ïa U Blei ban pynlong ïa phi kiba ïeng skhem, kum kiba la san rangbah bha bad kiba skhem pura, ha ka jingkohnguh pura ïa ka mon U Blei.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

1 TIMOTHI 3:2

U nongïalam balang u dei ban long u bym don jingshah kynnoh; u dei ban don tang kawei ka tnga, uba leh adkar, uba synshar ïa lade, bad uba ïaid beit; uba khot ieit basa ïa ki nongwei ha la ka ïing; u dei ban long uba lah ban hikai; um dei ban long uba buaid lane u briew uba ïashoh ïadat, hynrei uba jemnud bad uba ïashongsuk; um dei ban ieit ïa ka pisa; u dei ban long uba lah ban pynïaid ïa la ka jong ka longïing bad u pynlong ïa la ki khun kiba kohnguh ïa u da jingñiewburom baroh.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

2 PETROS 3:15

To khmih ïa ka jingïaishah slem U Trai jong ngi kum ka lad ba u ai ha phi ban ïoh im, kumba u Paul u para ba-ieit jong ngi u la thoh ha phi, da kaba pyndonkam ïa ka jingstad kaba U Blei u la ai ha u.