KOLOSSAI 1:25 - Khasi CL Bible (BSI)

²⁵ Bad ïa nga la pynlong u shakri jong ka balang da U Blei, uba la ai ha nga ïa kane ka kam ban trei na ka bynta ka jingbha jong phi. Ka long ka kam ban pynbna pura ïa ka khubor jong u,

KA BAIBL

²⁵ ïa kata la pynlong nongïalap ïa nga, katba kum ka jingpynïaid niam jong U Blei ïa kaba la aiti ha nga shaphang jong phi, ban pyndep ïa ka ktien U Blei;

KOLOSSAI 1:25 ပူးပေါင်းရင်းမြစ်များ

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

1 KORINTH 9:17

Lada nga la trei ïa la ka kam da ka mon sngewbha, te nga la lah ban khmih lynti ban ïoh ïa ka bainong; hynrei nga leh ïa ka tang kum ka kamram, namar U Blei u la aiti ha nga ïa kane ka kam.

EPHESOS 3:2

Da shisha phi la ïohsngew ba U Blei ha ka jingaiei jong u, u la ai ha nga ïa kane ka kam ban trei na ka bynta ka jingbha jong phi.

EPHESOS 3:7

Ïa nga keiñ la pynlong u shakri jong kata ka gospel da ka jingai bakyrpang U Blei, kaba u la ai ha nga lyngba ka jingtrei ka bor jong u.

KOLOSSAI 1:23

Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

1 THESSALONI 3:2

bad ngi la phah ïa u Timothi, u parabangeit jong ngi uba ïatrei lem bad ngi na ka bynta U Blei ha kaba ïalap ïa ka Khubor Babha shaphang U Khrist. Ngi la phah ïa u ban pynkhlaiñ ïa phi bad ïarap ïa ka jingngeit jong phi,

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.