KOLOSSAI 1:23 - Khasi CL Bible (BSI)

²³ Phi dei, da shisha, ban ïaineh ha ka nongrim kaba skhem bad kaba thikna, bad phim dei ban shah ïa lade ban shah pynkhynñiuh na ka jingkyrmen kaba phi la ïoh myn haba phi la ïohsngew ïa ka gospel. Ka dei na kane ka gospel ba ma nga u Paul, nga la kylla long u shakri — kane ka gospel kaba la ïalap ha uwei pa uwei ha ka pyrthei.

KA BAIBL

²³ lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

KOLOSSAI 1:23 ပူးပေါင်းရင်းမြစ်များ

SALM 125:5

Hynrei haba me pynshitom ïa ki bymman, to pynshitom ruh ïa kito kiba lyndet ïa ki lynti jong me. To long ka jingsuk ïa ki Israel!

SNGEWSYNEI 3:66

To beh kthong ïa ki bad ñiad noh ïa ki na ka khyndew!”

ESEKIEL 18:26

Haba u briew uba hok u sangeh ban leh ïa kaba bha bad u sdang ban leh ïa kaba sniew bad hadien kata u ïap, u ïap namar ka jingsniew kaba u la leh.

SEPHANAÏAH 1:6

Ngan pynjot ïa kito kiba la phai lyndet bad ki bym bud shuh ïa nga, kito ki bym shym wan sha nga, lane kylli na nga ban kdew lynti ïa ki.”

MARKOS 16:15

U la ong ïa ki, “Leit sha ka pyrthei baroh kawei bad ïalap ïa ka Gospel sha ki jaitbynriew baroh.

LOUKAS 22:32

Hynrei nga la duwai na ka bynta jong me, ko Simon, ba ka jingngeit jong me kan ym duh noh. Bad haba me la wan phai pat sha nga, me dei ban pynkhlaiñ ïa ki hynmen ki para jong me.”

LOUKAS 6:48

U long kum u briew uba, ha kaba tei ïa la ka ïing, u la tih jylliew bad u la pynshong nongrim halor u mawsiang. Ka wah ka la shlei bad ka la lynshop ïa kata ka ïing hynrei kam lah ban pynkhih ïa ka, namar la shna bha ïa ka.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

KI KAM 1:17

U Judas u la long u dkhot jong ka kynhun jong ngi, namar la lah jied ïa u ban ïadon bynta lem ha ka kam jong ngi.”

KI KAM 1:25

ban shakri kum u apostol ha ka jaka jong u Judas, uba la iehnoh ban leit sha ka jaka kaba u dei ban leit.”

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 11:23

Haba u la poi bad u la ïohi kumno U Blei u la kyrkhu ïa ki briew, u la kmen bad u la kyntu ïa ki baroh ban ïaineh bad ban long kiba beit ha U Trai da ka dohnud jong ki baroh.

KI KAM 14:22

Ki la pynkhlaiñ ïa ki riewngeit bad pynshlur ïa ki ban ïaineh skhem ha ka jingngeit. “Ngi dei ban ïaid lyngba bun ki jingjynjar ban ïohrung sha ka Hima U Blei,” ki la hikai.

KI KAM 2:5

La don ki Jiw kiba shong basah ha Jerusalem, ki riew niam kiba la wan na kawei pa kawei ka ri ha ka pyrthei.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 26:16

Hynrei khie joit bad ïeng. Nga la paw ha me ban thung ïa me kum u shakri jong nga. Me dei ban ïathuh ïa kiwei pat ïa kaba me la ïohi ïa nga ha kane ka sngi, bad ïa kaei kaba ngan pyn-i ha me ha ka ban sa wan.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

Ka Shithi U Paul Sha Ki Nong Rom 10:18

Hynrei nga kylli: Hato ka long kaba shisha ba kim shym la ïohsngew ïa ka khubor? Da shisha ki la ïohsngew — naba kumba ka Jingthoh Bakhuid ka ong: “Ka jingsawa jong ka sur jong ki ka la leit sha ka pyrthei baroh; ki ktien jong ki, ki la poi shaduh kiba kut ka pyrthei.”

Ka Shithi U Paul Sha Ki Nong Rom 15:16

Nga shakri kum u lyngdoh ha kaba ïalap ïa ka Khubor Babha na U Blei, khnang ba ki Jentil ki lah ban long ka jingkñia ba la pdiang sha U Blei, ba la pynkyntang sha u da U Mynsiem Bakhuid.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

1 KORINTH 3:5

Haba kumta, uei u Apollos? Bad uei u Paul? Ngi dei tang ki shakri jong U Blei, kiba la ïalam ïa phi ban ngeit. Uwei pa uwei na ngi u trei ïa ka kam kaba U Trai u la ai ïa u ban leh:

2 KORINTH 10:1

Nga u Paul, nga pynlong ka jingkyrpad ïa phi — ïa nga ïa kaba la ong ba nga long uba jemnud bad jai jai haba nga don bad phi, hynrei uba eh haba nga don jngai na phi.

2 KORINTH 11:23

Hato ki long ki shakri U Khrist? Ki sngew ïa nga kum uba lamwir — hynrei nga long u shakri uba kham bha ban ïa kaba ki long! Nga la trei kham shitom palat, nga la don bunsien ha byndi, nga la shah sympat kham bun, bad nga la jan sha ka jingïap kham bunsien.

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

2 KORINTH 6:1

Ha ka jingtrei jong ngi lem bad U Blei, namarkata, ngi kyrpad ïa phi kiba la ïohpdiang ïa ka jingaiei U Blei ban ym pynlehnoh-ei ïa ka.

GALATIA 4:11

Nga sngewkhuslai shaphang jong phi! Hato ka lah ban long ba baroh ka jingtrei jong nga na ka bynta jong phi ka la shu long lehnoh-ei?

GALATIA 5:5

Na ka bynta jong ngi pat, ka jingkyrmen jong ngi ka long ba U Blei hi un pynksan ïa ngi bad u, bad kane ka long kaei kaba ngi ap khmih lynti ïa ka bor U Mynsiem U Blei uba trei lyngba ka jingngeit jong ngi.

GALATIA 5:7

Phi la lehbha katta katta! Uei uba la pynlong ïa phi ban sangeh ban kohnguh ïa ka jingshisha? Da kumno u la khroh ïa phi?

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

EPHESOS 1:18

Nga duwai ba yn plie ïa ki jingmut jong phi khnang ba phin ïohi ïa ka jingshai jong u, ba phin tip kaei kata ka jingkyrmen ïa kaba u la khot ïa phi, katno ki jingkynrei spah ki long kita ki jingkyrkhu baphylla kiba U Blei u la kular ïa la ki briew,

EPHESOS 2:21

U long ma u, uta uba bat ïa ka jingtei baroh kawei, bad uba pynlong ïa ka ba kan san ha ka Templ kaba kyntang ïa kaba la pynkyntang sha U Trai.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 4:16

Hapoh ka jingsynshar jong u, baroh ki dkhot kiba ïapher jong ka met ki ïabiang lang sbiak, bad ïa ka met baroh kawei la bat lang da kawei pa kawei ka jingïapyndait ïa kaba ka la pynbiang. Kumta haba kawei pa kawei ka bynta kaba ïapher ka ïatrei kam kumba ka dei ban trei, ka met baroh kawei ka san bad ka tei ïa lade da ka jingieit.

DEUTERONOMI 2:25

U briew baroh un khynñiuh da ka jingsheptieng tang shu ïohsngew ïa ka kyrteng jong phi.’

DEUTERONOMI 4:19

Sumar ban ym shah pynshoi kat haduh ban da mane bad shakri ïa kaei kaba phi ïohi ha sahit bneng — la ka long ka sngi, u bnai, lane ki khlur, ïa kiba U Trai U Blei jong phi u la ai ha kiwei pat ki briew baroh ha ka pyrthei ba kin ïoh mane.

KOLOSSAI 1:25

Bad ïa nga la pynlong u shakri jong ka balang da U Blei, uba la ai ha nga ïa kane ka kam ban trei na ka bynta ka jingbha jong phi. Ka long ka kam ban pynbna pura ïa ka khubor jong u,

KOLOSSAI 2:7

Pynngam jylliew ïa ki nongrim jong phi ha u, to tei ïa ka jingim jong phi halor jong u, bad to nang kham khlaiñ ha ka jingngeit jong phi, kumba la hikai ïa phi. Bad to long kiba la pyndap da ka jingainguh.

1 THESSALONI 3:3

khnang ba yn ym don mano mano na phi ban phai dien noh namar kine ki jingpynshitom beiñ. Phi hi phi ïatip ba kiba kum kine ki jingpynshitom beiñ ki long ka bynta jong ka mon U Blei na ka bynta jong ngi.

1 THESSALONI 3:5

Dei kata keiñ balei ba nga la phah ïa u Timothi. Ngam lah shah shuh, kumta nga la phah ïa u ban tip shaphang ka jingngeit jong phi. Da shisha kam lah ban long ba u Ksuid u la pynshoi ïa phi bad ba ka kam jong ngi baroh ka la long kaba lehnoh-ei!

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.

2 THESSALONI 2:16

Ai ba U Jisu Khrist Uba U Trai jong ngi da lade hi bad U Blei uba U Kpa jong ngi, uba la ieit ïa ngi, bad ha ka jingaiei jong u un ai ha ngi ka jingshlur baneh bad ka jingkyrmen baskhem,

1 TIMOTHI 1:12

Nga ai ïa ka jingnguh sha U Khrist Jisu uba U Trai jong ngi, uba la ai ha nga ïa ka jingkhlaiñ na ka bynta ka kam jong nga. Nga ainguh ïa u ba la ñiew ïa nga uba bit bad la thung ïa nga ban shakri ïa u, wat la ha ka por ba la leit noh nga la kren sniew ïa u bad pynshitom beiñ bad krenbeiñ ïa u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

TITOS 3:7

khnang ba ngi lah ban don ka jingïadei kaba beit bad U Blei bad ïohpdiang ïa ka jingim bymjukut kaba ngi ap kyrmen.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 3:6

Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 4:14

Te, to ngin batskhem ïa ka jingngeit ïa kaba ngi phla. Naba ngi don U Rangbah Lyngdoh uba khraw uba la leit haduh ka jingdon ryngkat U Blei — U Jisu, U Khun U Blei.

HEBRU 6:19

Ngi don kane ka jingkyrmen kum u angkor ïa ki jingim jong ngi. Ka long kaba skhem bad kaba thikna, bad ka ïaid lyngba ka jingkah jong ka Templ ba kynja bneng shaduh ka kamra kaba kham shapoh.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

1 ÏOANNIS 2:27

Hynrei na ka bynta jong phi, U Khrist u la theh noh ïa la U Mynsiem ha phi. Katba U Mynsiem jong u, u dang ïaisah ha phi, phim donkam ïano ïano ban hikai ïa phi. Naba U Mynsiem jong u, un hikai ïa phi shaphang kiei kiei baroh, bad kaei kaba u hikai ka long kaba shisha, ym kaba lamler. Namarkata, to kohnguh ïa ki jinghikai U Mynsiem bad ïaisah ha U Khrist.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.