KOLOSSAI 1:20 - Khasi CL Bible (BSI)

²⁰ Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

KA BAIBL

²⁰ bad da u ban pynïasuk noh ïa kiei kiei baroh ha lade hi, haba la lah pynlong ïa ka jingpynïasuk da ka snam ka diengphna jong u; da u, nga ong, la kiei kiei kiba ha ka khyndew, lane kiei kiei kiba ha ki bneng.

KOLOSSAI 1:20 ပူးပေါင်းရင်းမြစ်များ

LEBITIKOS 6:30

Hynrei lada wanrah wat tang khyndiat na ka snam shapoh ka Ïingjaiñ bad pyndonkam ïa ka ha kaba lehniam ban ïohmap ïa ki pop, ïa u mrad ym dei ban bam; dei ban thang lut khoit ïa u.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

KI KAM 10:30

U Kornelios u la ong, “Ka la long kumba ha kane ka por lai sngi mynshuwa ba nga dang duwai ha ka ïing jong nga ha ka por lai baje nohphai sngi. Kynsan u briew uba riam ha ki jaiñ kiba phyrnai u la ïeng ha khmat jong nga, bad u la ong:

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

PHILIPPI 2:10

Bad kumta, kum ka burom ïa ka kyrteng U Jisu baroh ki jingthaw ha bneng, ha pyrthei bad ha ka pyrthei hapoh kin dem khrup ha ki khohsiew jong ki,

KOLOSSAI 1:16

Namar da u, U Blei u la thaw ïa kiei kiei baroh ha bneng bad ha khyndew, kiei kiei kiba lah ban ïohi bad kiei kiei ki bym lah ban ïohi, kynthup ïa ki bor ba kynja mynsiem, ki kynrad, ki nongsynshar, bad ki bor synshar. U Blei u la thaw ïa ka jingpynlong baroh kawei da u na ka bynta jong u.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.