KOLOSSAI 1:17 - Khasi CL Bible (BSI)

¹⁷ U Khrist u la don shuwa ïa kiei kiei baroh, bad ha u kiei kiei baroh ki ïoh ïa la ka jaka kaba dei.

KA BAIBL

¹⁷ bad u long mynshuwa kiei kiei baroh, bad ha u kiei kiei baroh ki ïaneh lang.

KOLOSSAI 1:17 ပူးပေါင်းရင်းမြစ်များ

SALM 75:3

La baroh ki jingthaw ba-im ki khynñiuh bad ba yn pynkhih ïa ka pyrthei hi, ngan batskhem ïa ki nongrim jong ka.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

ÏOANNIS 17:5

Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

KI KAM 17:28

kumba don uba la ong, “ ‘Ha u ngi im, ngi khih bad ngi long.’ ” Ka long kumba katto katne na ki myllung jong phi kiba la ong, “ ‘Ngi ruh ngi long ki khun jong u.’

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

JINGPYNPAW 1:11

Ka la ong, “Thoh ïa kaei kaba me ïohi, bad phah ïa ka kitab sha ki balang ha kine ki hynñiew tylli ki nongbah: ka Ephesos, ka Smyrna, ka Pergamum, ka Thiatira, ka Sardis, ka Philadelphia, bad ka Laodikaïa.”

JINGPYNPAW 1:17

Haba nga la ïohi ïa u, nga la dem khrup ha ki kjat jong u kum u briew ba la ïap. U la buh ïa ka kti kamon jong u halor jong nga bad u la ong, “Wat sheptieng! Nga long uba nyngkong bad uba khatduh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

1 SAMUEL 2:8

U kyntiew ïa kiba duk na ka dewmet, bad u rah ïa kiba kyrduh na ka jingjynjar jong ki. U pynlong ïa ki, ki paralok jong ki khun syiem, bad buh ïa ki, ha ki jaka badonburom. Ki nongrim jong ka khyndew ki dei ki jong U Trai; bad ha ki u la pynshong ïa ka pyrthei.