KOLOSSAI 1:16 - Khasi CL Bible (BSI)

¹⁶ Namar da u, U Blei u la thaw ïa kiei kiei baroh ha bneng bad ha khyndew, kiei kiei kiba lah ban ïohi bad kiei kiei ki bym lah ban ïohi, kynthup ïa ki bor ba kynja mynsiem, ki kynrad, ki nongsynshar, bad ki bor synshar. U Blei u la thaw ïa ka jingpynlong baroh kawei da u na ka bynta jong u.

KA BAIBL

¹⁶ naba ha u la thaw ïa kiei kiei baroh, ha ki bneng bad ha ka khyndew, kiei kiei kiba lah ban ïohi bad kiei kiei ki bym lah ban ïohi, la ki khet lane ki hima lane ki jingsynshar lane ki bor; ïa kiei kiei baroh keiñ la thaw da u, bad ïa u;

KOLOSSAI 1:16 ပူးပေါင်းရင်းမြစ်များ

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ÏOANNIS 1:10

U Ktien u la don ha ka pyrthei, bad wat la U Blei u la thaw ïa ka pyrthei da u, pynban, ka pyrthei kam shym la ithuh ïa u.

ÏOANNIS 1:3

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u.

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

Ka Shithi U Paul Sha Ki Nong Rom 8:38

Naba nga long thikna ba ym don kaba lah ban pynïakhlad ïa ngi na ka jingieit jong u: Ym ka jingïap lymne ka jingim, lymne ki angel, lymne kiwei ki nongsynshar ba kynja bneng lane ki bor lymne jong kaba mynta lymne ka ban sa wan,

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

EPHESOS 1:10

Kane ka jingthmu, ïa kaba U Blei un sa pyndep ha ka ïa kaba biang, ka long ban lumlang ïa ka jingpynlong baroh, ha bneng bad ha khyndew, lem bad U Khrist kum u khlieh.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

DEUTERONOMI 4:39

Namar kata, kynmaw ïa kane ka sngi, bad wat klet ïa ka lano lano: U Trai u long U Blei ha bneng bad ha pyrthei. Ym don blei da uwei pat.

PHILIPPI 2:10

Bad kumta, kum ka burom ïa ka kyrteng U Jisu baroh ki jingthaw ha bneng, ha pyrthei bad ha ka pyrthei hapoh kin dem khrup ha ki khohsiew jong ki,

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

KOLOSSAI 2:10

U long uba hakhlieh tam halor kawei pa kawei ka jingsynshar ba kynja mynsiem bad ka bor synshar.

KOLOSSAI 2:15

Bad halor kata ka diengphna, U Khrist u la pyllaitluid ïa lade na ka bor jong ki nongsynshar ba kynja mynsiem bad na ki bor synshar; u la pynlong ka jingthadrong ïa ki da kaba ïalam ïa ki kum ki mraw ha ka jingïaid paidbah kaba jop jong u.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 2:10

Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.