KI KAM 5:2 - Khasi CL Bible (BSI)

² Bad da ka jingmynjur jong ka tnga jong u, u la buh katto katne ka pisa na ka bynta ïa lade bad u la ai ïa kaba sah baroh ha ki apostol.

KA BAIBL

² bad u la buhrieh ïa lade shi bynta na ka jong ka dor, ka tnga jong u ruh ka la ïabuit lem ïa kata; te u la wallam tang shi bynta, bad u la buh ïa ka ha kjat ki apostol.

KI KAM 5:2 ပူးပေါင်းရင်းမြစ်များ

MALAKHI 1:14

Ka jingtim ka long ïa u nongshukor uba kñia da u jingri u bymdondor sha nga, haba ha ka kynhun langbrot jong u, u don u jingri uba biang, uba u la kular ban ai ïa nga! Naba nga long u syiem uba khraw, bad ki jaitbynriew jong ki hima baroh ki sheptieng ïa nga.”

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

ÏOANNIS 12:6

U la ong ïa kane, ym namar ba u da sngewkhia ïa kiba duk, hynrei namar ba u la long u nongtuh. U bat ïa ka pla pisa bad uba la ju shim na ka ban pyndonkam ïa lade.

KI KAM 2:44

Baroh ki riewngeit ki la ïadon lang ha ka jingïasyllok bajan bad ki la ïasam ïa la ki jingdon jingem iwei ïa iwei pat.

KI KAM 4:37

u la die ïa ka lyngkha ba u long trai, u la wallam ïa ka pisa, bad u la ai ha ki apostol.

KI KAM 5:1

Hynrei la don u briew uba kyrteng u Ananias, uba, lem bad ka tnga jong u ka Sapphira, ki la die katto katne na ka jaka kaba dei ka jong ki.

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

KI KAM 5:8

U Petros u la kylli ïa ka, “Ïathuh ïa nga, hato kane ka pisa baroh ka dei kaba ma pha bad u tnga jong pha, phi la ïohpdiang na kaba die ïa ka jaka jong phi?” “Ho-oid,” ka la jubab, “kato ka pisa baroh.”

PHILIPPI 2:3

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade.

1 TIMOTHI 6:10

Naba ka jingieit ïa ka spah ka long ka thymmei jong ki jait jingsniew baroh. Don kiba da kwah eh ban ïoh ïa ka haduh ba ki la ïaid sakma na ka jingngeit bad ki pait dohnud na ki jingsngewsih babun.