KI KAM 26:10 - Khasi CL Bible (BSI)

¹⁰ Kata ka long kaei kaba nga la leh ha Jerusalem. Nga la ïohpdiang ka bor na ki rangbah lyngdoh bad ban thep phatok ïa kiba bun ki briew jong U Blei; bad haba la rai pynïap ïa ki, nga ruh nga la mynjur pyrshah ïa ki.

KA BAIBL

¹⁰ Ïa kane, nga la leh ruh ha Jerusalem. Bad shibun ki riewkhuid nga la set ha ki ïing byndi, haba nga la ïoh hukum na ki rangbah lyngdoh; bad mynba la pynïap noh ïa ki, nga la noh ïa la u mawria ba ïakohnguh;

KI KAM 26:10 ပူးပေါင်းရင်းမြစ်များ

KI KAM 8:3

Hynrei u Saul u la pyrshang ban pynjot ïa ka balang, da kaba leit na kawei ka ïing sha kawei pat, u da paring shabar ïa ki riewngeit, shynrang bad kynthei, bad u la thep ïa ki sha ka ïingbyndi.

KI KAM 9:21

Baroh kiba la ïohsngew ïa u ki la sngewlyngngoh bad ki la kylli, “Hato une um dei uto uba ha Jerusalem u la pynïap ïa kito kiba mane ïa uta U Jisu? Bad hato um shym wan hangne na ka bynta kajuh ka jingthmu ban kem ïa kito ki briew bad ban ïalam pat ïa ki sha ki rangbah lyngdoh?”

1 KORINTH 15:9

Naba nga long uba rit tam na baroh ki Apostol — ngam long wat uba bit ban khot u Apostol, namar nga la pynshitom beiñ ïa ka balang U Blei.

KI KAM 9:26

U Saul u la leit sha Jerusalem bad u la pyrshang ban ïasoh bad ki synran. Hynrei kim lah ban ngeit ba u la long u synran, bad baroh ki la sheptieng ïa u.

KI KAM 8:1

Bad u Saul u la mynjur ïa ka jingpynïap ïa u Stephan. Ha kata hi ka sngi, ka balang ha Jerusalem ka la sdang ban mad ïa ka jingpynshitom beiñ kaba shyrkhei. Baroh ki riewngeit, lait noh ki apostol, ki la sakma sha kylleng jong ki thain ka Judia bad ka Samaria.

KI KAM 7:58

Ki sakhi ki la iehnoh ïa la ki jaiñ ha ka jingsumar u samla uba kyrteng u Saul.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

EPHESOS 1:1

Na u Paul, uba da ka mon U Blei u long u Apostol jong U Khrist Jisu — Sha ki briew jong U Blei ha Ephesos, kiba ïeng skhem ha ka jingim jong ki ha U Khrist Jisu:

GALATIA 1:13

Phi la ïohsngew kumno ba nga la ju im mynba nga dang don ha ka niam Jiw, kumno nga la pynshitom beiñ khlem jingisynei ïa ka balang U Blei bad nga la leh ïa kaba bha tam ban pynduh noh ïa ka.

KI KAM 9:41

U Petros u la kner ïa la ki kti, bad u la ïarap pynkhie ïa ka. Nangta u la khot ïa ki parabangeit baroh, kynthup ïa ki riewkynthei, u la aiti ïa ka ha ki, ka briew kaba la im pat.

KI KAM 9:32

U Petros u la leit kylleng kylleng, bad ha kawei ka sien u la leit ban jngoh ïa ki briew jong U Blei kiba shong basah ha Lydda.

SALM 16:3

Katno kiba bha palat ki long ki briew kiba ïaineh ha U Trai! ka jingsngewbha kaba khraw tam jong nga ka long ban ïadon bad ki.