KI KAM 22:6 - Khasi CL Bible (BSI)

⁶ “Katba nga dang leit lynti bad wan poi hajan ka Damaskos, hamar shiteng sngi ka jingshai baphyrnai na sahit bneng ka la thaba kynsan sawdong jong nga.

KA BAIBL

⁶ “Te ka la jia, katba nga nang leit lynti bad nang poi hajan Damaskos, hamar shiteng sngi, ba kyndit kyndit la tyngshaiñ lep na bneng ka jingshai bakhraw baroh sawdong ïa nga.

KI KAM 22:6 ပူးပေါင်းရင်းမြစ်များ

JENESIS 14:15

Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute.

JENESIS 15:2

Hynrei u Abram u ong, “Ko Trai Nongsynshar, kan myntoi aïu ka bainong jong me ïa nga haba ngam don khun? U nongïoh pateng jong nga u dei tang u Eliesar uba na Damaskos.

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

KI KAM 22:7

Nga la hap sha madan bad nga la ïohsngew ïa ka sur kaba ong ha nga, ‘Saul, Saul! Balei me pynshitom beiñ ïa nga?’

KI KAM 23:9

Ka jingpyrta ka la kham jam, bad katto katne ngut na ki nonghikai ka Hukum kiba dei ki jong ka kynhun ki Pharisi ki la ïeng bad ki la pyrshah jur: “Ngim shem kano kano kaba bakla bad une u briew! Lehse u mynsiem lane u angel u la kren shisha ha u!”

1 KORINTH 15:8

Khatduh eh u la paw ruh ha nga — wat la nga long kum uta uba la kha khlem biang por.

JINGPYNPAW 1:16

U bat ïa ki hynñiew tylli ki khlur ha ka kti kamon jong u, bad ka waitlam arliang syrti ka mih na ka shyntur jong u. Ka durkhmat jong u ka la long phyrnai kum ka sngi kaba shai ha ka por shiteng sngi.