KI KAM 20:3 - Khasi CL Bible (BSI)

³ Nangta u la wan sha Akhaïa, ha kaba u la sah lai bnai. U la khreh ban leit sha Syria haba u la shem ba ki la don ki Jiw kiba la ïasylla pyrshah ïa u; kumta u la kut jingmut ban leit phai pat lyngba ka Makedonia.

KA BAIBL

³ Bad haba u la shong hangta lai bnai, bad ba la pynlong ka jingthap ïa u da ki Jiw, haba un sa mih noh da ka lieng sha Syria, u la kut jingmut ïa ka ban leit phai pat lyngba ïa ka Makedonia.

KI KAM 20:3 ပူးပေါင်းရင်းမြစ်များ

ESRA 8:31

Ka la long ha ka sngi kaba khat-ar jong u bnai banyngkong ba ngi la mihnoh na ka nur-um Ahaba ban leit sha Jerusalem. U Blei jong ngi u la long ryngkat bad ngi bad u la ïada ïa ngi na ki jingtur ïaleh ki nongshun bad na ki jingapthap katba ngi dang ïa-ïaid ha ka lynti.

PROBERB 1:11

Tharai lada ki ong, “Ale ngin leit apthap ïano ïano ban ïoh pynïap! Ïa ngin leit tur ïaleh ïa ki briew kiba lui lui tang ban shu ïoh leh dusmon!

JEREMAÏAH 5:26

“Ki riewsniew ki don hapdeng ki briew jong nga; ki apthap kum ki briew kiba phriang ïa ki jar ban riam ïa ki sim, hynrei kiba pynap ïa ki jingriam jong ki ban riam ïa ki briew.

MATHAÏOS 4:24

Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

KI KAM 16:12

Nangta ngi la leit na ryngkew sha Philippi, ka nongbah jong ka distrik banyngkong jong ka Makedonia; kaba long ruh ka kyntoit shnong jong ki nong Rom. Ngi la pynlut bun sngi hangta.

KI KAM 16:9

Ha kata ka miet, u Paul u la ïoh ka jingïohipaw ha kaba u la ïohi ïa u nong Makedonia uba ïeng bad kyrpad ïa u, “Ale shane sha Makedonia bad ïarap ïa ngi!”

KI KAM 18:18

U Paul u la nang sah kham bun sngi bad ki parabangeit ha Korinth, nangta u la iehnoh ïa ki bad u la leit da ka lieng lem bad ka Priskila bad u Akwila sha Syria. Ha shuwa ba un leit da ka lieng na Kenkhria u la phah khi ïa la ka khlieh namar ka jingsmai kaba u la pynlong.

KI KAM 19:21

Hadien ba kine kiei kiei ki la jia, u Paul u la kut jingmut ban leit lyngba ka Makedonia bad ka Akhaïa bad ban nang leit sha Jerusalem. “Hadien ba nga leit shata,” u la ong, “nga dei ban ïohi ruh ïa ka Rom.”

KI KAM 20:1

Hadien ba ka jingkhihwin ka la jem jai, u Paul u la khot lang ïa ki parabangeit bad da ki ktien pynshlur u la khublei ïakhlad bad ki. Nangta u la mihnoh bad u la leit sha Makedonia.

KI KAM 20:19

Da ka jingsngewrit baroh bad shibun ki ummat nga la trei ïa ka kam jong nga kum u shakri jong U Trai ha ki por kiba eh kiba la wan ha nga namar ki jingïasylla jong ki katto katne ngut ki Jiw.

KI KAM 20:2

U la leit lyngba kito ki thain bad u la pynshlur ïa ki briew da ki khubor kiba bun.

KI KAM 21:3

Ngi la poi ha ka jaka ha kaba ngi lah ban ïohi ïa ka Sypros, bad nangta ngi la leit shaphang shathie jong ka sha Syria. Ngi la hiar ryngkew ha Tyros, ha kaba ka lieng ka dang pynhiar ïa ka jingkit jong ka.

KI KAM 25:3

Ki la kyrpad ïa u Phestos ban leh ei ei na ka bynta jong ki da kaba wallam ïa u Paul sha Jerusalem, naba ki la lah pynlong ka jingïasylla ban pynïap ïa u ha lynti.

2 KORINTH 1:15

Nga la sngewthikna bha shaphang kane baroh kumta nga la buh ki jingthmu nyngkong eh ban wan jngoh ïa phi, khnang ba phin ïoh jingkyrkhu ar shah.

2 KORINTH 11:26

Ha ki jingleit jong nga kiba bun nga la don ha ka jingma na ki jingshlei um bad na ki nonglute, ha ka jingma na ki para Jiw bad na ki Jentil; ki la don ki jingma ha ki nongbah, ki jingma ha ki ri khlaw, ki jingma ha ki duriaw-bah, bad ki jingma na ki paralok kiba shukor.

2 KORINTH 7:5

Wat hadien ba ngi la poi ha Makedonia, ngim shym la ïoh shongthait. Ki la don ki jingjynjar ha kylleng sawdong, ki jingïakajia bad kiwei pat, ki jingsheptieng ha ki dohnud jong ngi.

GALATIA 1:21

Hadien kata, nga la leit sha ki thain ha Syria bad Kilikia.