KI KAM 2:3 - Khasi CL Bible (BSI)

³ Nangta ki la ïohi ïa kaei kaba i kum ki thylliej ding kiba pur kylleng bad ktah ïa uwei pa uwei u briew hangta.

KA BAIBL

³ Bad la paw ha ki, ki thylliej kiba pait pnat, kum ka ding; te ka la shong halor uwei pa uwei na ki.

KI KAM 2:3 ပူးပေါင်းရင်းမြစ်များ

JENESIS 11:6

bad u la ong, “Mynta te, kine baroh ki la long uwei u paid bynriew bad ki ïakren kawei ka ktien; kane ka dei tang ka jingsdang jong kaei kaba kin sa leh. Shen shen kin lah ban leh ïa kano kano kat kaba ki thmu!

SALM 55:9

To pynkulmar ïa ka jingkren ki nongshun jong nga, A Trai! Nga ïohi ïa ka jinglehbor bad ka jingïakhih ha ka nongbah,

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 23:29

Ka khubor jong nga ka long kum ka ding, bad kum u tyrnem uba pynpait lyngkhot ïa ki mawsiang.

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MATHAÏOS 3:15

Hynrei U Jisu u la jubab ïa u, “Ai ba kan long kumta ïa mynta. Naba kumne keiñ ngin pyndep ïa kata baroh kaba U Blei u dawa.” Kumta u Ïoannis u la mynjur.

LOUKAS 24:32

Ki la ong para ma ki, “Hato kam shym la long kum ka ding kaba klang hapoh jong ngi mynba u la kren ha ngi ha ka lynti bad batai ïa ki Jingthoh Bakhuid ha ngi?”

KI KAM 1:15

Hadien khyndiat sngi, ka la don ka jingïalang jong ki riewngeit, kumba shispah arphew ngut baroh, bad u Petros u la ïeng ban kren.

KI KAM 2:11

ki Jiw bad ki Jentil kiba la kylla sha ka niam Jiw, bad katto katne ngut na ngi, ngi dei na Krit bad na Arabia — pynban baroh na ngi, ngi ïohsngew ïa ki ba ki kren ha ki ktien jong ngi shaphang kiei kiei kiba khraw kiba U Blei u la leh!”

KI KAM 2:2

Kynsan la don ka jingsawa na sahit bneng kaba sawa kum ka jingbeh ka lyer bajur, bad ka la pyndap ïa ka ïing baroh kawei ha kaba ki la ïashong.

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

1 KORINTH 12:10

U Mynsiem u ai ha uwei ïa ka bor ban leh ïa ki kambah; ha uwei pat, ïa ka jingai ban kren ïa ka khubor jong U Blei; bad sa ha uwei pat, ka jinglah ban ïathuh ïa ka jingïapher hapdeng kine ki jingai kiba wan na U Mynsiem bad kito ki bym dei na U Mynsiem. Ha uwei u ai ïa ka jinglah ban kren ha ki thylliej bapher, bad ha uwei pat, u ai ïa ka jinglah ban batai ïa kaei kaba la kren ha ki thylliej bapher.

JAKOB 3:6

Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.