JOSHUA 9:9 - Khasi CL Bible (BSI)

⁹ Nangta ki ïathuh ha u ïa kane ka khana: “Bah, ngi la wan na ka ri kaba jngai, namar ngi la ïohsngew shaphang U Trai U Blei jong phi. Ngi la ïohsngew ïa kaei kaei baroh kaba u la leh ha Ijipt

KA BAIBL

⁹ Te ki la ong ha u, “Ki shakri jong me ki la wan na ka ri kaba jngai eh na ka bynta ka kyrteng U Trai uba U Blei jong me: namar ba ngi la ïohsngew ïa ka nam jong u, bad ïa baroh ba u la leh ha Ijipt,

JOSHUA 9:9 ပူးပေါင်းရင်းမြစ်များ

1 SYIEM 8:41

“Haba u nongwei uba shong jngai na ka ri u ïohsngew shaphang ka nam jong me bad ïa kiei kiei kiba khraw kiba me la leh na ka bynta ki briew jong me, bad un wan ban mane ïa me bad duwai ha kane ka Templ, to shahshkor ïa ka jingduwai jong u.

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 148:13

Ai ba ma ki baroh kin ïaroh ïa ka kyrteng jong U Trai! Ka kyrteng jong u ka kham khraw ban ïa baroh kiwei pat; ka burom jong u ka long halor ka pyrthei bad ka bneng.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 78:12

Katba ki kpa tymmen ki ap khmih, U Blei u la leh ïa ki kambah ha ki pyntha jong ka Soan ha ka ri Ijipt.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 15:14

Ki jaitbynriew ki la ïohsngew, bad ki la kyiuh da ka jingsheptieng; ïa ki Philistia la kynrup da ka jingsngewtriem.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 55:5

Mynta phin phah khot ïa ki hima ri nongwei; mynshuwa kim shym la tip ïa phi, hynrei mynta kin wan mareh ban ïasoh bad phi! Nga, U Trai U Blei jong phi, U Blei bakhuid jong ki Israel, ngan pynjia ïa kane baroh; ngan ai ha phi ïa ka burom bad jingpyndonburom.”

ISAÏAH 66:19

“Hynrei ngan pynsah katto katne na ki bad phah ïa ki sha ki jaitbynriew bad sha ki ri kiba jngai ki bym pat shym la ïohsngew ïa ka nam jong nga lymne ïohi ïa ka jingkhraw bad ka bor jong nga: sha Spain, sha Libya bad sha Lydia, ryngkat bad ki nongrah ryntieh kiba tbit, bad sha Tubal bad sha Gris. Hapdeng kine ki jaitbynriew kin pynbna ïa ka jingkhrawbor jong nga.

JINGKHEIÑ 14:15

Te mynta, lada me pynïap lut ïa ki briew jong me baroh, ki jaitbynriew kiba la tip ïa ka nam jong me kin ïa-ong

JINGKHEIÑ 20:14

U Moses u la phah ïa ki nonglamktien na Kadesh sha u syiem Edom. Ki ong, “Kane ka khubor ka wan na ki para kur jong phi, kiba na ka jait Israel. Phi tip ïa ki jingeh kiba ngi la shah,

KI KAM 8:7

Ki mynsiem bymman ki la mihnoh na kiba bun ki briew da kaba lynñiar jam, bad ïa kiba bun kiba pang ïapshiliang bad kiba dkoh la pynkhiah.

DEUTERONOMI 20:11

Lada ki plie ïa ki khyrdop shnong bad ki kloi ban ïasuk, baroh ki dei ban long ki mraw jong phi bad kin trei ruh kum ki mraw.

DEUTERONOMI 20:15

Da kumta phin leh ïa kita ki shnong kiba sha jngai na kata ka ri ha kaba phin shong.

JOSHUA 9:10

bad kaei kaba u la leh ïa ki ar ngut ki syiem Amor kiba ha ka phang mihngi jong ka Jordan: u Sihon u syiem ka Heshbon bad u Og u syiem ka Bashan, uba shong ba sah ha Ashtaroth.

JOSHUA 9:16

Lai sngi hadien kata ka jingïateh lok, ki Israel ki sa tip ba kine ki briew ki dei shisha kiba shong basah hajan.

JOSHUA 9:17

Kumta ki paid Israel ki la mihnoh, bad hadien lai sngi ki la poi ha ki nongbah ha kaba kine ki briew ki shong: Ka Gibeon, ka Shephirah, ka Beeroth bad ka Kiriath Jearim.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.