JOSHUA 9:27 - Khasi CL Bible (BSI)

²⁷ Hynrei ha kajuh ka por u la pynlong mraw ïa ki ban thoh dieng bad kit um ïa ki paid Israel bad ïa ka duwan U Trai. Haduh kane ka sngi ki la ïai bteng ïa kane ka kam ha ka jaka kaba u Trai u la jied ban mane ïa u.

KA BAIBL

²⁷ bad u Joshua u la pynlong ïa ki ha kata ka sngi, ki nongthoh dieng bad ki nongtong um ïa u paidbah, bad ïa ka duwan U Trai, haduh kane ka sngi, ha kata ka jaka kaba un jied.

JOSHUA 9:27 ပူးပေါင်းရင်းမြစ်များ

2 KHRONIKL 2:16

Ha ki lum Lebanon ngin khet ïa ki dieng Kedar baroh katba phi donkam, ngin teh ïa ki ha ki bur, bad pynkie ïa ki ha ka duriaw shaduh Joppa. Na kata ka jaka phi lah ban kit ïa ki sha Jerusalem.”

JINGKHEIÑ 31:28

Na ka bynta kaba dei ka jong ki shipai, bat noh kum ka khajna ïa U Trai uwei na man ki sanspah ngut ki koidi bad katjuh ka jingmang na ki masi, ki kada, ki langbrot, bad ki blang.

JINGKHEIÑ 31:30

Na ka bynta kaba la ai ïa kaba sah jong u paidlang, shim uwei na man ki sanphew ngut ki koidi bad katjuh ka jingmang na ki masi, ki kada, ki langbrot, bad ki blang. Ai ïa ki ha ki Lebi kiba khmih ïa ka Ïingjaiñ U Trai.”

JINGKHEIÑ 31:47

Na kane ka bhah, u Moses u la shim uwei na man ki sanphew ngut ki koidi bad uwei na man ki sanphew tylli ki jingri, bad kumba U Trai u la hukum, u la ai ïa ki ha ki Lebi kiba khmih ïa ka Ïingjaiñ U Trai.

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:14

hynrei leit rah ïa ki tang ha kawei ka jaka ha kaba U Trai un jied na ka ri jong kawei na ki jait jong phi, bad hangta phin leh ïa kita baroh kiba nga la hukum ïa phi.

DEUTERONOMI 12:5

Na ka ri ki jait jong phi baroh, U Trai un jied tang kawei ka jaka sha kaba phi dei ban wan mane ïa u.

JOSHUA 9:21

To ai kin im, hynrei kin dei ban long ki nongthoh dieng bad ki nongtong um na ka bynta jong ngi.” Kane ka long kaei kaba ki nongïalam ki la ai jingmut.

JOSHUA 9:26

Kumta kane ka dei kaba u Joshua u la leh: u ïada ïa ki bad um shym la shah ïa ki Israel ban pynïap ïa ki.