JOSHUA 9:14 - Khasi CL Bible (BSI)

¹⁴ Ki Israel ki la pdiang katto katne ka jingbam na ki, hynrei kim shym kynjoh ktien na U Trai shaphang kata.

KA BAIBL

¹⁴ Te kita ki rangbah ki la shim na ka jingbam jong ki, bad kim shym la ïakylli na ka shyntur U Trai.

JOSHUA 9:14 ပူးပေါင်းရင်းမြစ်များ

2 SAMUEL 2:1

Hadien kane, u Dabid u kylli na U Trai, “Hato ngan leit bad shimti noh ïa kawei na ki nongrit jong ka Judah?” “Ho-oid,” U Trai u jubab. “Ïa kano?” U Dabid u kylli. “Ka Hebron” U Trai u ong.

2 SAMUEL 5:19

U Dabid u kylli na U Trai, “Hato ngan tur ïaleh ïa ki Philistia? Hato men ai ha nga ïa ka jingjop?” “Ho-oid, khie tur ïaleh!” U Trai u la jubab. “Ngan ai ha me ka jingjop!”

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

EKSODOS 28:30

Buh ïa u Urim bad u Thummim hapoh ka jingdeng shadem, khnang ba u Aaron un rah ïa ki haba u wan ha khmat ka jingdon kaba kyntang jong nga. Kum ha kata ka por, u dei ban phong ïa kane ka jingdeng shadem, khnang ba u lah ban tip bad sngewthuh ïa ka mon jong nga na ka bynta ki Israel.

JINGKHEIÑ 27:21

Un hap shaniah ha u Eleasar u lyngdoh, ban wad ïa ka mon jong nga da kaba pyndonkam ïa u Urim bad u Thummim. Da kumne u Eleasar un kdew ïa u Joshua bad u paid Israel ha ki kam jong ki baroh.”

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.

JOSHUA 9:13

Haba ngi pyndap ïa kine ki pla snieh waiñ, ki dang thymmai, hynrei ha khmih! Ki la jot. Ki jaiñ bad ki juti jong ngi ki la jot namar ka jingïaid lynti kaba jngai.”

NONGBISHAR 1:1

Hadien ka jingïap u Joshua, ki paid Israel ki kylli ïa U Trai, “Mano na ki jait jong ngi kaba dei ban leit nyngkong ban tur ïaleh ïa ki Kanaan?”

NONGBISHAR 20:18

Ki Israel ki leit sha ka jaka mane ha Bethel, bad hangta ki kylli na U Blei, “Ka jait jongno ka ban leit ïaleh nyngkong ïa ki Benjamin?” U Trai u jubab, “Ka jait Judah.”

1 SAMUEL 22:10

U Ahimelekh u la kylli na U Trai ïa kaei ba u Dabid u dei ban leh, bad nangta u la ai katto katne ka jingbam ha u Dabid bad ïa ka waitlam u Goliath u nong Philistia.”