JOSHUA 9:1 - Khasi CL Bible (BSI)

¹ Ïa ki jingjop jong ki Israel la bna ha baroh ki syiem kiba shaphang sepngi jong ka Jordan — ha ki lumrit, ha trai ki lum, bad ha ka pyntha rud duriaw jong ka Duriaw Mediterranian haduh ka Lebanon ha ka phang bashatei; kine ki dei ki syiem jong ki Hit, ki Amor, ki Kanaan, ki Peris, ki Hib, bad ki Jebus.

KA BAIBL

¹ Ka la jia ruh, haba ki syiem baroh kiba ha kane ka liang ka Jordan, ha ki lum, ha ki them, bad ha ki rud ka duriaw bah marpyrshah u Lebanon, ki Hit keiñ bad ki Amor, ki Kanaan, ki Peris, ki Hib, bad ki Jebus, ki la bna;

JOSHUA 9:1 ပူးပေါင်းရင်းမြစ်များ

2 SAMUEL 24:7

Nangta ki leit shaphang shathie sha Tyros ka nongbah ba la ker kynroh, nangta sha baroh ki nongbah jong ki Hib bad ki Kanaan, bad khatduh eh sha Beersheba, ha ka bynta bashathie jong ka Judah.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 23:31

Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

EKSODOS 3:17

Nga la kular ba ngan ïalam noh ïa ki na Ijipt ha kaba ki shah lehbeiñ, sha kata ka ri kaba tuid da ka dud bad ka ngap — ka ri jong ki Kanaan, ki Hit, ki Amor, ki Peris, ki Hib bad ki Jebus.

EKSODOS 34:11

Kohnguh ïa ki hukum kiba nga ai ha phi mynta ka sngi. Ngan beh noh ïa ki Amor, ki Kanaan, ki Hit, ki Peris, ki Hib, bad ki Jebus, katba phi nang tur sha khmat.

JINGKHEIÑ 13:29

Ki Amalek ki shong shaphang shathie jong ka ri; ki Hit, ki Jebus, bad ki Amor ki shong ha ri lum; bad ki Kanaan ki shong ha ki rud ka duriaw Mediterranian bad ha ki rud ka wah Jordan.”

JINGKHEIÑ 34:6

“U pud uba shaphang sepngi un long ka Duriaw Mediterranian.

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

DEUTERONOMI 3:25

Shah ïa nga, A Trai, ban jam ïa ka wah Jordan bad ïohi ïa kata ka ri kaba seisoh shatai sha shiliang, ka ri lum kaba itynnat, bad ki lum Lebanon.’

DEUTERONOMI 4:49

Kane ka kynthup ïa kata ka thain baroh kaba sha mihngi na ka wah Jordan haduh ka Duriaw Baïap kaba shaphang shathie, bad nangta haduh ka kjat lum Pisgah shaphang mihngi.

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

JOSHUA 1:15

haduh ba kin da ïohkynti ïa ka ri ha ka phang sepngi jong ka Jordan ïa kaba U Trai U Blei jong phi u la ai ha ki. Hadien ba u la pynïoh ïa ka jingshongshngain ïa ki jait Israel baroh, te phi lah ban wan phai pat bad shongsah hangne ha ka ri jong phi ha ka phang mihngi jong ka Jordan ïa kaba u Moses, u shakri U Trai, u la ai ha phi.”

JOSHUA 1:4

Ki pud jong phi kin kot naduh ka ri shyiap ha ka phang shathie haduh ki Lumbah Lebanon ha ka phang shatei; naduh ka wah Ïuphratis bakhraw ha ka phang mihngi, lyngba ka ri ki Hit, haduh ka Duriaw Mediterranian ha ka phang sepngi.

JOSHUA 10:23

Kumta la plie ïa ka krem bad la pynmih shabar ïa ki syiem ka Jerusalem, ka Hebron, ka Jarmuth, ka Lakhish, bad ka Eglon bad la leit lam ïa ki sha u Joshua.

JOSHUA 11:17

Ka jaka ka ïar naduh u Lum Halak ha ka phang bashathie hajan ka Edom, shaduh Baalgad ha ka phang bashatei ha ka them jong ka Lebanon shaphang shathie jong u Lum Hermon. U Joshua u la ïaleh thma slem bad ki syiem jong kane ka thain, hynrei u la kurup ïa ki baroh bad u pynïap ïa ki.

JOSHUA 13:5

ka ri jong ki Gebal, ka Lebanon baroh shaphang mihngi, naduh Baalgad, kaba don shaphang shathie jong u Lum Hermon, haduh ka Khim Hamath.

JOSHUA 15:12

kaba pynlong ïa ka pud sepngi. Hapoh kine ki pud sawdong ki shong ki sah ki briew kiba na ki longïing u Judah.

JOSHUA 22:4

Mynta, kumba u la kular, U Trai U Blei jong phi u la ai ka jingsuk ha kiwei pat ki para Israel. Kumta, khie leit phai noh sha ïing sha la ka ri kaba phi la kam kynti na ka bynta ïa lade, ka ri ha ka phang mihngi jong ka Jordan, kaba u Moses u shakri jong U Trai u la ai ha phi.

JOSHUA 23:4

Nga la ai kum ka jingïohkynti jong ki jait jong phi ïa ka ri jong kita ki jaitbynriew kiba dang sah, lem bad ka jong kito ki jaitbynriew kiba nga la dep jop, naduh ka wah Jordan ha ka phang mihngi haduh ka Duriaw Mediterranian ha ka phang sepngi.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

JOSHUA 3:17

Katba u paidbah u dang ïaid sha shiliang ha ka khyndew kaba rkhiang, ki lyngdoh kiba bah ïa ka Synduk ka Jutang U Trai ki ïeng ha ka dewryngkhiang hapdeng jong ka Jordan tad haduh ba uta u paidbah un da jam sha shiliang.

JOSHUA 5:1

Ki syiem Amor baroh ha ka phang sepngi jong ka Jordan bad ki syiem Kanaan baroh kiba harud ka Duriaw Mediterranian ki la ïohsngew ba U Trai u la pynrngad ïa ka Jordan haduh ba ki paid Israel kin da jam ïa ka. Ki la sheptieng bad khaw-eit namar ki Israel.

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

JOSHUA 9:7

Hynrei ki Israel ki ong, “Balei ngin pynlong ka jingïateh lok bad phi? Ka lah ban long pynban ba phi shong phi sah hajan.”