JOSHUA 8:8 - Khasi CL Bible (BSI)

⁸ Ynda phi la kurup ïa ka nongbah, thang ïa ka, kumba U Trai u la hukum. Kine ki long ki hukum ïa phi.”

KA BAIBL

⁸ Kan sa long ruh, ynda phi la jop ïa ka shnong, ba phin thang ïa ka shnong da ka ding; katba kum ka hukum U Trai phin leh: to khmih, nga la hukum ïa phi.”

JOSHUA 8:8 ပူးပေါင်းရင်းမြစ်များ

2 SAMUEL 13:28

bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

JOSHUA 1:16

Ki la jubab ïa u Joshua, “Ngin leh ïa kaei kaei baroh kaba me la ong ïa ngi bad ngin leit kat shaba me phah ïa ngi.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 6:24

Nangta ki wiang ding ïa ka nongbah bad ki thang khoit ïa ka, lem bad baroh kiba don ha ka, lait noh kita kiei kiei kiba la shna da ka ksiar, ka rupa, ka rnong bad ka nar, ïa kaba ki la shim bad buh ha ka ïing jingkynshew U Trai.

JOSHUA 8:13

Ïa ki shipai la pynbeit na ka bynta ka thma bad ka jaka sher dara kaba shatei jong ka nongbah, bad ïa kiba sah na ki rangbah sha ka phang sepngi. U Joshua u sahmiet ha ka them.

JOSHUA 8:2

Men leh ïa ka Ai bad ïa u syiem jong ka kumba me la leh ïa ka Jerikho bad u syiem jong ka, hynrei ha kane ka sien me lah ban bat ha lade ïa ki mar ki mata bad ïa ki jingri jong ka na ka bynta ïa lade. Pynkhreh ban tur ïaleh ïa ka nongbah da ka jingkyndit na lyndet jong ka.”

JOSHUA 8:22

Ki Israel kiba hapoh ka nongbah mynta ki wan hiar ban ïasoh lem ha ka thma. Kumta ki rangbah jong ka Ai ki shem ïa lade ba ki la shah kerkut ha ki Israel, bad ba ki la shah pynïap lut. Ym don uwei ruh uba lait im, bad ym don uwei ruh uba lait na kata lait tang u syiem jong ka Ai.

JOSHUA 8:28

U Joshua u la thang ïa ka Ai bad u iehnoh ïa ka ha ka jingjot. Ka dang sah kumta mynta.

JOSHUA 8:7

Nangta, phin wan mih na ka jakarieh bad kurup ïa ka nongbah. U Trai U Blei jong phi un ai ïa ka ha phi.

JOSHUA 8:9

Kumta u Joshua u phah noh ïa ki, bad ki la leit sha la ka jakarieh bad ap hangta, ha ka phang sepngi jong ka Ai, hapdeng ka Ai bad ka Bethel. U Joshua pat u sahmiet ha ka jaka sher dara.

NONGBISHAR 4:6

Ha kawei ka sngi ka la phah khot ïa u Barak u khun jong u Abinoam na ka nongbah Kedesh kaba ha Naphtali bad ka ong ha u, “U Trai, U Blei ki Israel, u la ai ha me ïa kane ka hukum: ‘Shim shiphew hajar ngut ki rangbah na ki jait Naphtali bad Sebulun bad ïalam ïa ki sha u Lum Tabor.