JOSHUA 8:33 - Khasi CL Bible (BSI)

³³ Ki Israel lem bad ki nongïalam jong ki, ki rangbah pynïaidkam, bad ki nongbishar ryngkat lem bad ki nongwei kiba hapdeng jong ki, ki la ïeng ha baroh arliang jong ka Synduk ka Jutang U Trai, da kaba phai pyrshah ïa ki lyngdoh Lebi kiba bah ïa ka. Shiteng na u paidbah ki ïeng ha kaba ka lyngkdong jong ki ka phai sha u Lum Gerisim bad shiteng kiwei pat, ki lyngkdong jong ki, ki phai sha u Lum Ebal. U Moses u shakri U Trai u la hukum ïa ki ban leh ïa kane ynda poi ka por ïa ki ban ïohpdiang ïa ka jingkyrkhu.

KA BAIBL

³³ Ki Israel baroh, bad ki tymmen basan jong ki, ki rangbah synshar jong ki bad ki nongbishar jong ki ruh, ki la ïeng baroh ar liang ïa ka synduk ha khmat ki lyngdoh ki Lebi, kiba bah ïa kata ka synduk ka jutang U Trai, u nongwei ruh kumjuh kum u trai-shnong; shiteng na ki, ki ha ka liang u lum Gerisim, bad shiteng ha ka liang u lum Ebal; kumba u Moses u shakri U Trai u la hukum, ba kin kyrkhu shuwa eh ïa u paidbah Israel.

JOSHUA 8:33 ပူးပေါင်းရင်းမြစ်များ

EKSODOS 12:49

Kine ki jingbuhbeit ryntih kin teh kumjuh ïa ki traishnong bad ïa ki nongwei kiba shong basah bad phi.”

LEBITIKOS 24:22

Kane ka hukum ka teh ïa phi baroh, ïa ki Israel bad ïa ki nongwei kiba shong hapdeng jong phi, naba nga long U Trai U Blei jong phi.”

JINGKHEIÑ 15:15

Pateng la pateng, kijuh ki jingbuhbeit ryntih ki teh ïa phi bad ïa ki nongwei kiba shong basah bad phi. Ma phi bad ma ki phi ïalong kumjuh ha khmat U Trai.

JINGKHEIÑ 15:16

Kijuh ki aiñ bad kijuh ki jingbuhbeit ryntih ki long ïa phi bad ïa ki.

JINGKHEIÑ 15:29

Kajuh ka jingbuhbeit ryntih ka long ïa baroh kiba leh pop khlem da mut khnang, la ki dei ki traishnong Israel ne ki nongwei bashong basah bad ki.

ÏOANNIS 4:20

“Ki kpa tymmen nong Samaria jong nga ki la ïamane ïa U Blei halor une u lum, hynrei phi ki Jiw phi ong ba ka Jerusalem ka dei ka jaka ha kaba ngi dei ban mane ïa U Blei.”

DEUTERONOMI 11:29

Ynda U Trai u wan ïalam ïa phi sha kata ka ri kaba phin ïohkynti, phin pynbna ïa ka jingkyrkhu nalor u lum Gerisim bad ïa kata ka jingtim nalor u lum Ebal.

DEUTERONOMI 31:12

Khot lang ïa ki shynrang, ïa ki kynthei, bad ïa ki khynnah baroh, bad ïa ki nongwei ruh kiba shong ha ki shnong jong phi, khnang ba uwei pa uwei un ïohsngew ïa ka bad un nang ban burom ïa U Trai U Blei jong phi bad kohnguh ïa ki jinghikai jong U.

DEUTERONOMI 31:25

Ynda u la dep, u ong ha ki lyngdoh Lebi kiba khmih ïa ka Synduk ka Jutang U Trai,

DEUTERONOMI 31:9

Kumta u Moses u thoh ïa ka Hukum U Blei bad u ai ïa ka ha ki lyngdoh Lebi kiba khmih ïa ka Synduk ka Jutang U Trai, bad ha ki nongïalam jong ki Israel.

JOSHUA 23:2

kumta u khot ïa ki Israel baroh, ki tymmen ki san, ki nongïalam, ki nongbishar, bad ki rangbah pynïaidkam jong u paidbah, bad u ong, “Nga la tymmen bha mynta.

JOSHUA 24:1

U Joshua u la lumlang ïa ki jait Israel baroh ha Shekhem. U la khot ïa ki tymmen ki san, ki nongïalam, ki nongbishar, bad ki rangbah pynïaidkam jong ki Israel, bad ki la ïawan sha ka jingdon ryngkat U Blei.

JOSHUA 3:14

Ka dei ka aïom ot, bad ka wah ka don ha ka jingshlei um. Haba u paidbah u la mihnoh na ka jaka shong dara ban jam ïa ka Jordan, ki lyngdoh ki la leit ha shuwa jong ki, ki da bah ïa ka Synduk Ka Jutang. Hamar ba ki lyngdoh ki ïuh ha ka wah,

JOSHUA 3:3

bad ong ha ki paidbah, “Haba phi ïohi ïa ki lyngdoh ba ki bah ïa ka Synduk ka Jutang jong U Trai U Blei jong phi, loit noh ïa ka jaka shong dara bad bud ïa ki.

JOSHUA 3:6

Nangta u ong ïa ki lyngdoh ban shim ïa ka Synduk ka Jutang bad leit bad ka ha shuwa ki paidbah. Ki la leh kumba u la ong.

JOSHUA 4:10

Ki lyngdoh ki ïeng hapdeng jong ka Jordan haduh ban da pyndep lut ïa kaei kaei baroh ba U Trai u la hukum ïa u Joshua ban ong ïa u paidbah ban leh. Kane ka dei kata kaba u Moses u la hukum. U paidbah u la pynkloi sha shiliang ka wah.

JOSHUA 4:18

bad haba ki lyngdoh ki la poi ha ka rudwah, ka wah ka la sdang ban tuid biang bad ka la pynshlei ïa ki rud jong ka baroh sa shisien pat.

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”