JOSHUA 8:20 - Khasi CL Bible (BSI)

²⁰ Haba ki rangbah jong ka Ai ki phai shadien, ki ïohi ïa ka tdem kaba kiew sha suiñbneng. Ym don lad shuh ba kin lait im, naba ki Israel kiba la phet sha ka jaka bashrah mynta ki phai kylla ban ïaleh ïa ki.

KA BAIBL

²⁰ Te haba kita ki nong Ai ki la kyrtiang, ki la ïohi, te ha khmih, ka tdem kata ka shnong ka la kiew sha bneng, te kim don bor shuh ban phet shane ne shawei: bad kita kiba la phet sha ri khlaw ki la phai kylla ïaleh ïa kita ki nongbeh.

JOSHUA 8:20 ပူးပေါင်းရင်းမြစ်များ

JENESIS 19:28

U khmih shaphang Sodom bad Gomorrah, bad ïa kata ka them baroh kawei bad u la ïohi ïa ka tdem kaba mih na khyndew, kum ka tdem na ka lawar ding kaba heh bha.

Ka Kitab U Job 11:20

Hynrei ki bymman kin peit sawdong ha ka jinglyng-a bad kin shem ba ym don lynti ban phet ïap. Tang kawei ka jingkyrmen ïa ki ka long ba ka jingïap kan wan.

SALM 76:5

Ïa ki shipai bashlur jong ki la sloit lut ïa kaba ki don bad mynta ki thiah ka jingïohthiah jong ka jingïap; ka jingkhlaiñ bad ka jingtbit jong ki baroh ka long ka bymmyntoi.

ISAÏAH 34:10

Kan ing mynsngi bad mynmiet, bad ka tdem kan kiew na ka junom. Ka khyndew kan sah lehnoh-ei na kawei ka rta sha kawei pat, bad yn ym don shuh u ban ïaid lyngba jong ka.

JOSHUA 8:19

bad u tang shu rah ïa la ka kti, ki rangbah kiba la rieh ki ïeng joit, ki mareh sha ka nongbah bad kurup ïa ka. Mar mar ruh ki thang ïa ka nongbah.

JOSHUA 8:21

Haba u Joshua bad ki rangbah jong u ki ïohi ba kita kiwei pat ki la ïohknieh ïa ka nongbah bad ba ka la pluh, ki phai kylla bad ki sdang pynïap ïa ki rangbah jong ka Ai.

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.

JINGPYNPAW 19:3

Sa shisien ki la pyrta, “To ïaroh ïa U Blei! Ka tdem na ki thylliej ding kiba la bam duh ïa ka nongbah bakhraw ka la kiew shajrong junom la junom!”

NONGBISHAR 20:38

Ki shipai Israel kiba kham ha khmat bad ki rangbah kiba don ha ka jakarieh ki la ïapynbeit ïa ka dak.

NONGBISHAR 20:40

Nangta ka dak ka paw; u lyoh tdem u sdang ban kiew shajrong na kata ka shnong. Ki Benjamin ki khmih shadien jong ki bad ki kyndit ban ïohi ba kata ka nongbah baroh kawei ka la pluh.

NONGBISHAR 20:41

Nangta ki Israel ki phai kylla, bad ki Benjamin ki la kulmar hi thlim namar ki sngewthuh ba kin sa shah pynjot.