JOSHUA 8:1 - Khasi CL Bible (BSI)

¹ U Trai u ong ha u Joshua, “Ïalam lang bad me ïa ki shipai baroh bad leit kiew sha Ai. Wat sheptieng lane khaw-eit. Ngan ai ha me ka jingjop ïa u syiem ka Ai; ki briew jong u, ka nongbah jong u, bad ka ri kan long ka jong me.

KA BAIBL

¹ Bad U Trai u la ong ha u Joshua, “Wat sheptieng, lymne wat kyiuh: to shim ïa ki paidïapom baroh bad me, to ïeng ruh, khie leit kiew sha Ai: ha khmih, nga la ai ïa u syiem Ai ha ka kti jong me, bad u paid jong u, ka shnong jong u ruh, bad ka ri jong u ruh de:

JOSHUA 8:1 ပူးပေါင်းရင်းမြစ်များ

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

JEREMAÏAH 46:27

“Ko ki briew jong nga, wat ym sheptieng, ko ki paid Israel, wat ym kyiuh. Ngan pyllait im ïa phi na kata ka ri kaba jngai, na ka ri ha kaba phi la long ki koidi. Phin wan phai pat sha ïing bad im ha ka jingsuk; phin sngewshngain, bad yn ym don u ban pyntieng ïa phi.

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

MATHAÏOS 8:26

“Balei ba phi sheptieng haduh katne?” U Jisu u la jubab. “Katno kaba rit ka jingngeit phi don!” Nangta u la khie joit bad u la hukum ïa ki lyer bad ïa ki jingat phyllung ban sangeh, bad ka la don ka jingjai jai kaba khraw.

DEUTERONOMI 31:8

U Trai hi un ïalam ïa me bad un don ryngkat bad me. Un ym ieh ïa me lane kyntait ïa me; kumta wat syier bad wat sheptieng.”

DEUTERONOMI 7:18

Wat sheptieng ïa ki; hynrei to ïai kynmaw aïu U Trai U Blei jong phi u la leh ïa u Pharaoh bad ïa ki briew jong u baroh.

DEUTERONOMI 7:21

Kumta wat sheptieng ïa kita ki briew. U Trai U Blei jong phi u don ryngkat bad phi; u long U Blei uba donbor bad uba itieng.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 10:7

Kumta u Joshua bad ka kynhun shipai jong u baroh, kynthup ïa ka kynhun shipai kaba kynsai tam, ki la mihnoh na Gilgal.

JOSHUA 10:8

U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 6:2

U Trai u ong ha u Joshua, “Nga buh ha ki kti jong me ïa ka Jerikho, lem bad u syiem jong ka bad ïa ki shipai bashlur jong u baroh.

JOSHUA 7:9

Ki Kanaan bad baroh kiba hapoh ka ri kin sa ïohsngew ïa kane. Kin sa kerkut ïa ngi, bad kin sa pynïap ïa uwei pa uwei ïa ngi! Bad nangta aïu men leh ban ïada ïa la ka burom?”