JOSHUA 7:6 - Khasi CL Bible (BSI)

⁶ U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

KA BAIBL

⁶ Te u Joshua u la kad ïa la ki jaiñ, bad u la hap dem la ka khmat ha ka khyndew ha khmat ka synduk U Trai haduh janmiet, ma u bad ki tymmen basan ki Israel; bad ki la tep khyndew halor la ki khlieh.

JOSHUA 7:6 ပူးပေါင်းရင်းမြစ်များ

JENESIS 37:29

Haba u Reuben u leit phai pat sha kata ka pukri bad shem ba u Joseph um don shuh hangta, u la kad ïa la ki jaiñ ha ka jingsngewsih.

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

2 SAMUEL 1:11

U Dabid u kad ïa la ki jaiñkup ha ka jingsngewsih, bad ki briew jong u baroh ki leh kumjuh.

2 SAMUEL 1:12

Ki la sngewsih kthang, ki ïambriew, bad ki la shahjingit haduh janmiet na ka bynta u Saul bad u Jonathan bad na ka bynta ki Israel, ki briew jong U Trai, namar bun bah ki la shah pynïap ha ka thma.

2 SAMUEL 1:2

Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

2 SAMUEL 12:16

U Dabid u la duwai ïa U Blei ba uta u khunlung un koit. Um treh bam ei ei, bad man ka miet u rung sha la ka kamra, bad u thiah ha madan baroh shi miet.

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

2 SAMUEL 13:31

U syiem u la ïeng joit, u kad ïa la ki jaiñ ha ka jingsngewsih, bad u lympat ïa lade ha khyndew. Ki shakri ruh kiba don hangta bad u ki la kad ïa la ki jaiñ.

2 SYIEM 22:11

Haba u syiem u ïohsngew ba la pule ïa ka Kitab, u kad ïa la ki jaiñ ha ka jingsheptieng,

2 KHRONIKL 34:19

Haba u syiem u la ïohsngew ïa ka jingpule na kata ka kitab, u kad ïa la ki jaiñ ha ka jingsngewsih

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

ESTHER 4:1

Haba u Mordekai u tip ïa kata baroh ba la leh, u tar ïa la ki jaiñ ha ka jinglyng-a bajur. Nangta u phong da ki jaiñ khain bad sleh ïa ka khlieh da u dpei, bad ïaid lyngba ïa ka nongbah, u da ïam lynñiar kthang, haduh ba un da poi ha ka jaka rung sha ka ïingsyiem.

ESTHER 4:3

Ha baroh ki jylla, hangno hangno ba la pynbna paidbah ïa ka jingpynbna u syiem, la don ka jingsawa jong ka jingïambriew hapdeng ki Jiw. Ki shahjingit, ki ïam bad lynñiar bad bun na ki, ki phong jaiñ khain bad thiah ha u dpei.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

Ka Kitab U Job 2:12

Katba ki dang don kham sha jngai ki la ïohi ïa u Job, hynrei kim shym ithuh ba dei ma u. Haba ki la ithuh, ki la sdang ban ïam bad lynñiar kthang, ki kad ïa la ki jaiñphong ha ka jingsngewsih bad ki kynting pui pui sha suiñ bad ha la ki khlieh.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SNGEWSYNEI 2:10

Ki tymmen shynrang jong ka Jerusalem ki shong ha khyndew ha ka jingjar jar, da u pui pui halor ki khlieh jong ki bad ka jaiñ khain ha ki met jong ki. Ki samla kynthei ki pyndem ngon ïa ki khlieh jong ki ha khyndew.

JINGKHEIÑ 14:6

Bad u Joshua u khun jong u Nun bad u Kaleb u khun jong u Jephunneh, ar ngut na kita ki nongsyntiat, ki la kad ïa la ki jaiñ da ka jingsngewsih,

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

JINGKHEIÑ 16:45

“Ïeng sharud na kine ki briew, bad ngan pynjot thiaw ïa ki hangto hi.” Baroh ar ngut ki la dem khrup ha khyndew,

KI KAM 14:14

Haba u Barnabas bad u Paul ki la ïohsngew ïa kaei kaba kin sa leh, ki la kad ïa la ki jaiñphong bad ki la mareh sha pdeng u paidbah, da kaba pyrta,

JOSHUA 7:7

Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!

JINGPYNPAW 18:19

Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”

NONGBISHAR 11:35

Haba u ïohi ïa ka, u kad ïa la ki jaiñkup ha ka jingsngewsih bad u ong, “Waw, ko khun! Phi la pynpait ïa ka dohnud jong nga! Balei ba yn dei da ma phi kaba pynpang ïa nga? Nga la ai ïa ka jingkular bakyntang ha U Trai, bad ngam lah ban kylla pat ïa la ka kular!”

NONGBISHAR 20:26

Nangta baroh ki briew ka Israel ki leit kiew sha Bethel bad ki ïamkthang. Ki shong hangta ha khmat U Trai bad kim shym bam ei ei haduh janmiet. Ki kñia ki jingainguh ïasyllok bad ki thang ïa ki jingainguh pynïasuk — baroh ha jingdon ryngkat U Trai.

NONGBISHAR 21:2

Te mynta ki paid Israel ki leit sha Bethel bad ki shong hangta ha ka jingdon ryngkat U Blei haduh janmiet. Ha ka sur kaba jam bad ha ka jingkthang ki ïam sngewsih:

1 SAMUEL 4:12

Uwei u rangbah uba na ka jait Benjamin u la mareh na ka madan thma shaduh Shiloh bad u la poi hangta ha kajuh ka sngi. Ban pynpaw ïa la ka jingsngewsih u da kad ïa la ki jaiñ, bad u sleh ïa la ka khlieh da ka khyndew.