JOSHUA 7:26 - Khasi CL Bible (BSI)

²⁶ Ki pynïeng ruh halor jong u ïa ka kynton maw kaba heh, kaba dang don haduh mynta. Dei namar kata ba ïa kata jaka la dang ïai khot ka Them Jingjynjar. Da kumta U Trai um shym da bitar shla shuh.

KA BAIBL

²⁶ Ki la kynton ruh halor jong u ka kynton maw ka bakhraw, haduh kane ka sngi; kumta U Trai u la phai noh na kaba shit lep ka jingbitar jong u. Namar kata, la kyrteng ïa kata ka jaka, “ka Them Akhor,” haduh kane ka sngi.

JOSHUA 7:26 ပူးပေါင်းရင်းမြစ်များ

2 SAMUEL 18:17

Ki la shim ïa ka met jong u Absalom, ki la bret ïa ka ha ka thliew bajylliew hapoh ka khlaw, bad ki la tep ïa ka da ka kynton maw kaba khraw. Baroh ki Israel ki phet krad sha la shnong.

2 SAMUEL 21:14

Nangta ki la tep ïa ki shyieng jong u Saul bad u Jonathan ha ka jingtep jong u Kish, u kpa jong u Saul, ha Sela ha ka ri Benjamin, ki da pyndep ïa kata baroh kaba u syiem u la hukum. Bad hadien kata, U Blei u jubab ïa ki jingduwai jong ki na ka bynta ka ri.

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

ESRA 10:14

To ai ba ki rangbah synshar jong ngi kin sah ha Jerusalem bad khmih ïa kane ka kam. Nangta ai ba kita kiba don ki tnga nongwei kin wan ha ka por ba la buh, ryngkat bad ki nongïalam bad ki nongbishar jong kane ka nongbah. Ha kane ka rukom ka jingbitar U Blei halor kane ka kam kan phai noh na ngi.”

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

EKSODOS 32:12

Balei ba ki nong Ijipt kin ïoh ong ba me la ïalam ïa la ki briew na ka ri Ijipt, da kaba me thmu ban pynïap ïa ki ha ki lum, bad ban pynjot thiaw ïa ki? Sangeh ban bitar; pynkylla noh ïa ka jingmut jong me, bad wat ai ba kane ka jingpynjot kan ngat ha ki briew jong me.

ISAÏAH 40:2

To pynshlur ïa ki briew ka Jerusalem. To ïathuh ha ki ba ki la jynjar slem bha bad ïa ki pop jong ki la map mynta. Nga la pynshitom ïa ki la biang bha na ka bynta ki pop jong ki baroh.”

ISAÏAH 65:10

Kin mane ïa nga bad ïalam ïa ki langbrot bad ki jingri jong ki sha ki jaka phlang ha ka Pyntha ka Sharon ha ka phang sepngi bad ha ka Them ka Jingshitom ha ka phang mihngi.

SNGEWSYNEI 3:53

Ki la bret im ïa nga shapoh ka thliew bad ki la khang ïa ka da u maw.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

HOSIA 2:17

Ngan ym shah shuh ba kan dang kren ïa ka kyrteng u Baal.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JOEL 2:18

Te U Trai u la pyn-i ïa ka jingsngewkhia na ka bynta la ka ri; u la don ka jingisynei ïa la ki briew.

JONAH 1:15

Nangta ki la shim ïa u Jonah bad bret ïa u sha ka duriaw, bad ka la long jai jai ha ka shikhyllipmat.

SEKHARAÏAH 6:8

Nangta u angel u la pyrta jam sha nga, “Ki kulai kiba la leit shaphang shatei sha Babilonia ki la pynjai jai ïa ka jingbitar jong U Trai.”

JINGKHEIÑ 25:8

U la shim ïa u sum, u la bud ïa uta u shynrang bad kata ka kynthei shapoh ïingjaiñ, bad u dung ïap da u sum ïa ki baroh ar ngut. Da kumne la pynsangeh ïa ka jingïapthem kaba la pynjot ïa ki Israel,

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 13:18

lada phi kohnguh ïa ki hukum jong u baroh kiba nga la ai ha phi mynta ka sngi, bad phi leh ruh ïa kata kaba u kwah.

JOSHUA 10:27

Ha ka por sep sngi u Joshua u ai ka hukum, bad la pynhiar noh ïa kita ki metïap bad bret ha kajuh ka krem ha kaba ki la ïarieh mynshuwa. La buh ïa ki maw kiba heh ha ka jaka rung sha ka krem, bad ki dang don hangta.

JOSHUA 7:24

U Joshua, lem bad ki paid Israel, ki shim ïa u Akhan, ka rupa, ka barandi, ka lyngkhot ksiar, lem bad ïa ki khun shynrang bad khun kynthei jong u Akhan, ki jingri jong u, ki kada jong u, bad ki langbrot jong u, ka ïingjaiñ jong u, bad kaei kaei baroh kaba u don, bad ki ïalam ïa ki sha ka Them Jingjynjar.

JOSHUA 8:29

U la phasi ïa u syiem jong ka Ai ha uwei u dieng bad u ieh ïa ka met jong u hangta haduh janmiet. Ha ka por sep sngi u Joshua u ai hukum ban weng noh ïa kata ka metïap, bad la bret ïa ka ha ka jaka rung sha ka khyrdop ka nongbah. Ki la tap ïa ka da ka kynton maw kaba heh, kaba dang sah hangta mynta.