JOSHUA 7:25 - Khasi CL Bible (BSI)

²⁵ Bad u Joshua u ong, “Balei me la pynngat ha ngi ïa ka jynjar kaba kum kane? U Trai mynta un pynngat ïa ka jynjar ha me!” Te ki briew baroh ki lynthem maw ïa u Akhan haduh ba un da ïap; ki lynthem maw bad ki thang ruh ïa ki ba-ha-ïing ha-sem jong u bad ïa ki jingdon jingem jong u.

KA BAIBL

²⁵ Bad u Joshua u la ong, “Balei me la pynjynjar ïa ngi? U Trai un pynjynjar ïa me ha kane ka sngi.” Te ki Israel baroh ki la lynthem ïa u da ki maw; bad ki la thang ïa ki da ka ding, ynda ki la lynthem ïa ki da ki maw.

JOSHUA 7:25 ပူးပေါင်းရင်းမြစ်များ

JENESIS 34:30

Nangta u Jakob u ong ha u Simeon bad ha u Lebi, “Phi la pynjynjar ïa nga; ki Kanaan bad ki Peris, bad kat kiba don ha kane ka ri, mynta kin sa shun ïa nga. Ngam dei uba bun paid; lada ki ïa-tylli lang kawei pyrshah ïa nga, bad ki ïaleh ïa nga, ma nga bad ka ïing jong nga baroh ngin sa shah pynjot.”

JENESIS 38:24

Kumba lai bnai hadien kane, don ba ïathuh ha u Judah, “Ka pyrsa kurim jong phi ka la leh kum ka nuti, bad mynta ka la punkhun.” “Sei shabar ïa ka, bad thang im ïa ka,” ong u Judah.

1 KHRONIKL 2:7

U Akhan u khun jong u Karmi, uba hiarpateng na u Serah, u la wallam ka jingjynjar halor ki paid Israel da kaba u bat ïa ka jinglute kaba la pynkyntang ha U Blei.

PROBERB 1:19

Ka jinglute borabor ka shim noh ïa ka jingim jong u nonglute — kane ka dei kaba ju jia ha uno uno uba im da ka jingleh jubor.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

LEBITIKOS 20:14

Lada u briew u shongkurim ïa ka briew bad sa ïa ka kmie jong ka, dei ban thang im ïa ki baroh lai ngut, ba kan duh kan dam ka kam sniew hapdeng jong phi.

LEBITIKOS 20:2

“Ong ha ki Israel, uno uno na phi lane u nongwei uba wan shong hapdeng jong phi, uba ai ïa uwei na ki khun jong u ha u blei Molekh, u dei ban shah lynthem maw ha u paidbah haduh ba un da ïap.

LEBITIKOS 21:9

Lada ka khun jong u lyngdoh ka ïaid nuti, ka pynkheiñ burom ïa la u kpa; yn thang ïa ka haduh ba kan da ïap.

LEBITIKOS 24:14

“Pynmih ïa uto u briew shabar ka jaka shong dara. Uno uno u briew uba la ïohsngew ïa u ba u tim u tla un sakhi ïa kata da kaba u buh ïa la ki kti ha ka khlieh jong u, bad nangta u paidbah baroh un lynthem maw ïa u haduh ba un da ïap.

GALATIA 5:12

Nga da kwah eh ba ki briew kiba pynkulmar ïa phi kin leit baroh shi lynter lynti; ai ba kin nang ïaid bad pynthohbria ïa lade!

DEUTERONOMI 13:10

Lynthem maw ïa u haduh ba un da ïap! U la pyrshang ban khring noh ïa phi na U Trai U Blei jong phi, uba la pyllait ïa phi na ka ri Ijipt, ha kaba phi la long ki mraw.

DEUTERONOMI 13:11

Te ki Israel baroh kin sa ïohsngew aïu ka la jia, bad kin sheptieng; bad yn ym don shuh mano mano u ban leh kum ïa kata ka kam bymman.

DEUTERONOMI 17:5

Lada ka long kaba shisha ba kum kata ka kam bymman ka la jia ha Israel, ïalam ïa kita ki briew shabar ka khyrdop shnong bad lynthem maw ïa ki haduh ba kin da ïap.

DEUTERONOMI 21:21

Te ki briew jong kata ka shnong kin lynthem maw ïa u haduh ba un da ïap, bad da kumta phin pynduh noh ïa kata ka jingbymman. Uwei pa uwei ha Israel un sa bna aïu ka la jia bad un sngewsheptieng.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

JOSHUA 7:15

Ïa uta uba la shah kdew bad ha uba la lap ïa ki tiar ki tar kiba la mana yn thang ha ka ding, lem bad ïa ka longïing jong u, bad kaei kaei baroh kaba u don, naba u wanrah ïa ka jinglehrain bashyrkhei ïa ki Israel bad u la pynkheiñ ïa ka jutang jong nga.”

1 SAMUEL 14:29

U Jonathan u jubab, “Ka jingshyrkhei kaba khraw i pa jong nga i la leh ïa ki briew jong ngi! Khmih haduh katno nga sngew ïohbor namar ba nga bam khyndiat ka ngap!