JOSHUA 7:24 - Khasi CL Bible (BSI)

²⁴ U Joshua, lem bad ki paid Israel, ki shim ïa u Akhan, ka rupa, ka barandi, ka lyngkhot ksiar, lem bad ïa ki khun shynrang bad khun kynthei jong u Akhan, ki jingri jong u, ki kada jong u, bad ki langbrot jong u, ka ïingjaiñ jong u, bad kaei kaei baroh kaba u don, bad ki ïalam ïa ki sha ka Them Jingjynjar.

KA BAIBL

²⁴ Te u Joshua, bad ki Israel baroh lem bad u, ki la shim ïa u Akhan u khun u Serah, bad kata ka rupa, bad kata ka barandi, bad kata ka shi lyngkhot ka ksiar, ïa ki khun shynrang jong u ruh, bad ki khun kynthei, ïa ki masi dab jong u ruh, bad ki kadda jong u, bad ki langbrot jong u, bad ka ïingjaiñ jong u ruh de, bad ïa baroh katba u don: bad ki la wallam ïa ki sha ka them Akhor.

JOSHUA 7:24 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

Ka Kitab U Job 20:15

U briew uba sniew u prie noh ïa ka spah ba u la tuh; U Blei u shim pat ïa ka, wat na ka kpoh jong u.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

EKLESIASTIS 5:13

Hangne ka don kaei kaei kaba shyrkhei kaba nga la ïohi ha ka pyrthei: Ki briew ki lah ban bat tang shipor ïa la ka pisa haba ki lah ban donkam ïa ka,

ISAÏAH 65:10

Kin mane ïa nga bad ïalam ïa ki langbrot bad ki jingri jong ki sha ki jaka phlang ha ka Pyntha ka Sharon ha ka phang sepngi bad ha ka Them ka Jingshitom ha ka phang mihngi.

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

JOSHUA 15:7

na ka Them Jingjynjar artet sha Debir, bad nangta ka phai shatei sha Gilgal, kaba marpyrshah ka Khim Adummim ha ka phang bashathie jong ka them. Nangta ka ïaid sha ki umpohliew ka Enshemesh, ka mih sha Enrogel;

JOSHUA 22:20

Kynmaw kumno u Akhan u khun jong u Serah u la kyntait ban kohnguh ïa ka hukum shaphang kiei kiei kiba la pynrem sha ka jingpynjot; ka kynhun Israel baroh kawei ka la shah pynshitom namar kata. U Akhan um shym long tang ma u uba la ïap namar ka pop jong u.”

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

JOSHUA 6:21

Da ki waitlam jong ki, ki pynïap ïa uwei pa uwei hapoh ka nongbah, ki rangbah bad ki kynthei, ki samla bad ki tymmen. Ki la pynïap lut ruh ïa ki jingri, ki langbrot, bad ki kada.

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

JOSHUA 7:23

Ki wanrah ïa ki shabar ka ïingjaiñ, ki leit lam ïa ki sha u Joshua bad sha kita ki Israel baroh, bad ki buh ïa ki ha khmat U Trai.

JOSHUA 7:26

Ki pynïeng ruh halor jong u ïa ka kynton maw kaba heh, kaba dang don haduh mynta. Dei namar kata ba ïa kata jaka la dang ïai khot ka Them Jingjynjar. Da kumta U Trai um shym da bitar shla shuh.