JOSHUA 7:21 - Khasi CL Bible (BSI)

²¹ Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

KA BAIBL

²¹ haba nga la ïohi hapdeng ki jinglute, ka barandi Babilon ba-itynnad, bad arspah shekel ka rupa, bad shi lyngkhot ka ksiar kaba sanphew shekel da ka jingthew, ynda kumta, nga la ikwah ïa ki, bad nga la shim ïa ki; ha khmih ruh, la buhrieh ïa ki hapoh khyndew hapdeng ka ïingjaiñ jong nga, bad ka rupa hapoh jong ka.”

JOSHUA 7:21 ပူးပေါင်းရင်းမြစ်များ

JENESIS 10:10

Ha kaba sdang, ka hima jong u ka kynthup ïa ka Babilon, ka Erek, bad ka Akkad, kiba don baroh ha ka ri Babilonia.

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

JENESIS 34:27

Hadien kata ka jingpynïap, kita kiwei pat ki khun shynrang jong u Jakob ki la lute ïa kata ka shnong ban pynhiarkput namar ka jingpynkheiñ burom ïa ka para jong ki.

JENESIS 6:2

katto katne na ki jingthaw ba kynja bneng ki la ïohi ba kine ki samla kynthei ki long kiba bhabriew, kumta ki la shim ïa kita kiba ki la mon.

2 SAMUEL 11:2

Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

2 SYIEM 7:8

Haba ki rangbah saw ngut ki poi harud kata ka jaka shong dara, ki leit rung shapoh ka ïingjaiñ, ki bam ki dih kat kaba don, ki la rah noh ïa ka rupa, ka ksiar, bad ki jaiñ ba ki shem bad ki leit noh bad buhrieh ïa ki; nangta ki wan phai, ki la rung ha kawei pat ka ïingjaiñ bad ki leh kumjuh.

Ka Kitab U Job 31:1

Nga la pynlong ka jingkular bakyntang ban nym khmih da ka jingkwah brai ïa ka kynthei.

SALM 119:37

To sumar ïa nga na kaba pynleit jingmut ïa kaei ka bymdondor; to long uba bha ïa nga, kumba me la kular.

EKSODOS 20:17

“Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

PROBERB 1:19

Ka jinglute borabor ka shim noh ïa ka jingim jong u nonglute — kane ka dei kaba ju jia ha uno uno uba im da ka jingleh jubor.

PROBERB 23:31

Wat ai ba ka waiñ kan pynshoi ïa phi, wat la ka long kaba saw hain hain, wat la ka phyrnai ha ka khuri, bad ka hiar jem jai.

PROBERB 28:22

Ki briew kiba pyrkhat tang ïa lade ki kyrkieh ban ïoh spah ha kaba kim tip lano ka jingduk kan lap.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

ISAÏAH 29:15

Kito kiba pyrshang ban buhrieh ïa ki jingthmu jong ki na U Trai, kin jot noh! Ki pynïaid ïa ki rukom treikam jong ki ha kaba rieh bad ki pyrkhat ba yn ym don ba ïohi ïa ki lane tip ïa kaei kaba ki leh.

HABAKKUK 2:9

Phi long ba la tim! Phi la pynriewspah ïa la ka longïing da kaei kaba phi la shim da kaba leh jubor, bad phi la pyrshang ban pynlong ïa la ka ïing kaba lait na ki jingpynmynsaw bad jingma!

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 12:2

Ïa kano kano kaba la tap yn plied, bad ïa kano kano kaba rieh yn pynpaw.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

JAKOB 1:15

Nangta ki jingkwah brai jong u ki pun hapoh jong u bad ka jingmih ka long ban leh ïa ka pop; bad ka pop, haba ka la ih bha, ka pynmih ïa ka jingïap.

JOSHUA 7:20

“Ka long kaba shisha,” u Akhan u jubab, “nga la leh pop pyrshah ïa U Trai, U Blei ki Israel, bad kane ka long kaei ba nga la leh.

JOSHUA 7:22

Kumta u Joshua u phah katto katne ngut ki rangbah kiba mareh sha ka ïingjaiñ bad ki shem ba kita ki mar ba la shah kyntait la tep shisha hangta, bad ka rupa ha trai.

2 PETROS 2:15

Ki la iehnoh ïa ka lynti kaba beit bad ki la jah lynti; ki la bud ïa ka lynti jong u Balaam, u khun jong u Beor, uba ieit ïa ka pisa kaba u ïoh da ka kam bymhok