JOSHUA 7:13 - Khasi CL Bible (BSI)

¹³ Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’

KA BAIBL

¹³ To ïeng noh, pynkhuid ïa u paidbah, to ong ruh, ‘To pynkhuid ïa lade hamar kaba lashai: naba kumne ong U Trai, U Blei ki Israel, “Don kata ka basang hapdeng jong me, ko Israel: mem lah ban ïeng ha khmat ki nongshun jong me, ha ban da phin pynmih noh ïa kata ka basang napdeng jong phi.”

JOSHUA 7:13 ပူးပေါင်းရင်းမြစ်များ

JENESIS 34:27

Hadien kata ka jingpynïap, kita kiwei pat ki khun shynrang jong u Jakob ki la lute ïa kata ka shnong ban pynhiarkput namar ka jingpynkheiñ burom ïa ka para jong ki.

2 KHRONIKL 28:10

Bad mynta phi thmu sa ban pynlong ïa ki shynrang bad kynthei jong ka Jerusalem bad Judah ki mraw jong phi. Hato phim tip ba phi ruh phi la leh pop pyrshah ïa U Trai, U Blei jong phi?

MATHAÏOS 7:5

Phi u riewarsap! Nyngkong eh weng noh ïa ka lyngkhot dieng na la ka khmat jong phi hi, bad nangta phin lah ban ïohi shai kdar ban khlaw ïa u thiat na ka khmat u para jong phi.

DEUTERONOMI 13:6

“Wat u hynmen u para jong phi, u khun jong phi, ka khun jong phi, ka tnga kaba phi ieit, lane u paralok uba jan eh jong phi, ki lah harieh harieh ban khring ïa phi ban leit mane ïa kiwei pat ki blei, ïa kiba phi bad ki kpa tymmen jong phi kim ju mane mynno mynno.

JOSHUA 3:5

U Joshua u ong ha ki paidbah, “Pynkhuid ïa lade, namar lashai U Trai un leh ki kambah hapdeng jong phi.”

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

JOSHUA 7:11

Ki Israel ki la leh pop! Ki la pynkheiñ ïa ka jingkular bad nga kaba nga la hukum ïa ki ban bat. Ki la shim katto katne kiei kiei kiba dei ban pynjot. Ki la tuh ïa ki, ki la len shaphang kata, bad buh lang ïa ki bad la ki jong ki tiar ki tar.