JOSHUA 7:12 - Khasi CL Bible (BSI)

¹² Dei namar kane ba ki Israel kim lah ban ïeng ïaleh ïa ki nongshun jong ki. Ki kynran dien na ki namar ki hi ki la shah pynrem sha ka jingpynjot! Ngan ym don ryngkat shuh bad phi lymda phi pynjot thiaw ïa kiei kiei kiba la hukum ïa phi ban ym shim!

KA BAIBL

¹² Namar kata, ki khun Israel kim lah ïeng ha khmat ki nongshun jong ki, ki phai la ka lyngthohdoh na khmat kita ki nongshun jong ki, naba, ki long kiba la tim: nga ruh ngan ym don ryngkat bad phi shuh, lymda phin pynduh ïa kata ka basang napdeng jong phi.

JOSHUA 7:12 ပူးပေါင်းရင်းမြစ်များ

SALM 44:10

Me pynlong ïa ngi ban phet krad na ki nongshun jong ngi, bad ki shim ha lade ïa kaei kaba dei ka jong ngi.

SALM 60:10

Hato da shisha me la kyntait ïa ngi? Hato mem leit ïaid lang bad ki shipai jong ngi?

PROBERB 28:1

Ki bymman ki phet ha bym don ba beh ïa ki, hynrei u briew uba hok u shlur kum u sing.

ISAÏAH 59:2

Ka dei namar ki pop jong phi ba um shym ïohsngew ïa phi. Ka dei ki pop jong phi kiba pynïakhlad ïa phi na U Blei haba phi pyrshang ban mane ïa u.

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

HOSIA 9:12

Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

JINGKHEIÑ 14:39

Haba u Moses u la ïathuh ha ki Israel ïa kaba U Trai u la kren, ki ïamkthang.

JINGKHEIÑ 14:42

Wat leit. U Trai um don lem bad phi, bad ki nongshun jong phi kin jop ïa phi.

JINGKHEIÑ 14:43

Haba phi ïakhun ïa ki Amalek bad ki Kanaan, phin ïap ha ka thma; U Trai un ym don lem bad phi, namar phi la kyntait ban bud ïa u.”

JINGKHEIÑ 14:45

Te ki Amalek bad ki Kanaan kiba shong hangta ki wan tur ïaleh bad ki la jop ïa ki, bad ki beh krad ïa ki haduh Hormah.

DEUTERONOMI 7:26

Wat rah ïa kano kano ka bleithaw sha la ïing ïoh ba kajuh ka jingtim kan ngat sa ha phi ruh. Phi dei ban isih bad ibeiñ ïa kine ki bleithaw, namar ki long kiba la tim da U Trai.

JOSHUA 6:18

Hynrei phim dei ban rah ïa kano kano kaba dei ïa ka ban pynjot; lada phi leh kumta, phin wanrah ka jingjynjar bad ka jingpynjot ïa ka jaka shong dara ki Israel.

NONGBISHAR 16:20

Nangta ka pyrta, “Samson! Ki Philistia ki la wan!” U khie joit bad u pyrkhat, “Ngan pynsynjor bad pyllait war, kumba mynshuwa.” Um shym tip ba U Trai u la iehnoh ïa u.

NONGBISHAR 2:14

Bad kumta U Trai u bitar lep ïa ki Israel bad u la shah ïa ki nonglute ban tur ïaleh bad lute ïa ki. U shah ïa ki nongshun kiba sawdong jong ki ban thombor ïa ki, bad ki Israel kim lah shuh ban ïada ïa lade.

NONGBISHAR 2:4

Haba u angel u la kren ïa kane, ki paid Israel baroh ki la sdang ban ïam,

1 SAMUEL 14:38

Te u Saul u ong ha ki nongïalam jong u paidbah, “Ale hangne bad wad ka pop aïu la leh ha kane ka sngi.