JOSHUA 7:11 - Khasi CL Bible (BSI)

¹¹ Ki Israel ki la leh pop! Ki la pynkheiñ ïa ka jingkular bad nga kaba nga la hukum ïa ki ban bat. Ki la shim katto katne kiei kiei kiba dei ban pynjot. Ki la tuh ïa ki, ki la len shaphang kata, bad buh lang ïa ki bad la ki jong ki tiar ki tar.

KA BAIBL

¹¹ U Israel u la leh pop; bad ki la ryngkang ruh ïa ka jutang jong nga ïa kaba nga la hukum ïa ki: namar ki la shim ïa kata ka basang; bad ki la tuh ruh, bad ki la shukor ruh de, ki la buh ïa ka ruh hapdeng ki jingbuh jong ki.

JOSHUA 7:11 ပူးပေါင်းရင်းမြစ်များ

2 SYIEM 18:12

Ka Samaria ka kyllon noh namar ki Israel kim shym kohnguh ïa U Trai U Blei jong ki, hynrei ki pynkheiñ ïa ka jutang kaba u la pynlong bad ki bad kim kohnguh ïa baroh ki aiñ ba la ai da u Moses, u shakri jong U Trai. Kim shahshkor bad kim kohnguh.

2 SYIEM 5:24

Haba ki la poi ha u lum ba u Elisha u shong, u Gehasi u la shim ïa ki ar tylli ki pla bad u la kit ïa ki shapoh ïing. Nangta u la phah noh ïa ki shakri jong u Naaman.

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

LEBITIKOS 5:15

Lada uno uno u leh pop khlem tip da kaba kum klet ban wan ai ïa ka jingsiew ba long kyntang sha U Trai, un wallam ïa ka jingkñia namar ka jingleh palat sha U Trai da u langbrot ne u 'langsohmoh u bym don kano kano ka jingduna. Ka jingpynshong dor ïa u kan long kumba la buh.

HABAKKUK 2:6

Ki briew kiba la shahjop ki beiñ pyrshah ïa kiba jop ïa ki bad ki pyn-i jingisih ïa ki. Kin ong, “Phi shim ïa kaei ka bym dei ka jong phi, hynrei phi long ba la tim! Katno slem phin ïailong kiba riewspah da kaba pynbor ïa ki nongshim ram jong phi ban siew noh?”

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

MATHAÏOS 22:21

“Ki jong u Patsha,” ki la jubab. Kumta U Jisu u la ong ha ki, “Kumta, te, to siew sha u Patsha ïa kaei kaba dei ka jong u Patsha, bad siew sha U Blei ïa kaei kaba dei ka jong U Blei.”

KI KAM 5:9

Kumta u Petros u la ong ha ka, “Balei ba ma pha bad u tnga jong pha, phi kut jingmut ban tynjuh ïa U Mynsiem jong U Trai? Ki samla kiba la tep ïa u tnga jong pha ki la don mynta ha ka jingkhang, bad kin bah noh ïa pha ruh shabar!”

DEUTERONOMI 17:2

“Lada phi shem ha kawei na ki shnong jong phi ïa u shynrang lane ka kynthei kiba la leh pop pyrshah ïa U Trai bad pynkheiñ ïa ka jutang jong u,

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JOSHUA 23:16

Lada phim sumar ïa ka jutang kaba U Trai U Blei jong phi u la hukum ïa phi ban sumar bad lada phi shakri bad mane ïa kiwei pat ki blei, kumta te ha ka jingbitar jong u, un pynshitom ïa phi, bad shen ym don uwei ruh na phi u ban lait im ha kane ka ri babha kaba u la ai ha phi.”

JOSHUA 7:1

Ïa ka jinghukum U Trai ïa ki Israel ban ym shim na Jerikho ïa kaei kaei kaba dei ban pynjot thiaw, ym shym la kohnguh. U briew uba kyrteng u Akhan um shym la kohnguh ïa kata ka hukum, bad kumta U Trai u la bitar lep ïa ki Israel. (U Akhan u dei u khun jong u Karmi bad u ksiew jong u Sabdi, bad uba na ka kur Serah, kaba long shi bynta na ka jait Judah.)

JOSHUA 7:10

U Trai u ong ha u Joshua, “Ïeng joit! Balei me dem sah kumne ha khyndew?

NONGBISHAR 2:20

Nangta U Trai u bitar lep ïa ki Israel, bad u ong, “Kane ka jaitbynriew ka la pynkheiñ ïa ka jutang kaba nga la hukum ïa ki kpa tymmen jong ki ban sumar. Namar ba kim shym la kohnguh ïa nga,

1 SAMUEL 14:38

Te u Saul u ong ha ki nongïalam jong u paidbah, “Ale hangne bad wad ka pop aïu la leh ha kane ka sngi.