JOSHUA 6:5 - Khasi CL Bible (BSI)

⁵ Nangta ki dei ban pynsawa ïa kawei ka sur kaba jlan. Tang mar shu ïohsngew ïa kata, ki briew baroh ki dei ban risa jam, bad ki kynroh jong ka nongbah kin khyllem. Nangta ka kynhun shipai baroh kawei kan leit beit beit shapoh ka nongbah.”

KA BAIBL

⁵ Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

JOSHUA 6:5 ပူးပေါင်းရင်းမြစ်များ

EKSODOS 19:19

Ka jingsawa ka turoi ruh ka nang jam nang jam. U Moses u la kren, bad U Blei u jubab ïa u ha ka sur u pyrthat.

ISAÏAH 25:12

Un pynjot ïa ki kut jong ki Moab bad ïa ki kynroh bajrong jong ki bad pynhap ïa ki shapoh khyndew.

ISAÏAH 30:25

Ha ka sngi ba ïa ki jaka ba la kerkut jong ki nongshun jong phi la kurup bad ba ïa ki briew jong ki la pynïap, ki wahduid kin tuid na baroh ki lumbah bad ki lumrit.

JEREMAÏAH 50:15

Pynjam ïa ka jingkyang thma baroh sawdong ka nongbah! Mynta ka Babilon ka la wan pyndem. Ki kynroh jong ka ki la pei lyngba bad la pyntwa. Nga siew kylliang ïa ki nong Babilonia. Te to siew kylliang ïa ki, bad leh ïa ki kumba ki la leh ïa kiwei.

HEBRU 11:30

Dei ka jingngeit kaba la pynlong ïa ki kynroh ka Jerikho ban kyllon, hadien ba ki khun Israel ki la ïaid tawiar sawdong ïa ki, hynñiew sngi.

JOSHUA 6:16

Ha ka sien ïaid tawiar kaba hynñiew, hamar ba ki lyngdoh kin put ïa ki turoi, u Joshua u hukum ïa u paidbah ban risa, bad u ong, “U Trai u la ai ha phi ïa ka nongbah!

JOSHUA 6:20

Kumta ki lyngdoh ki put ïa ki turoi. Uta u paidbah, u tang shu ïohsngew ïa kata, u la risa jam, bad kita ki kynroh ki la khyllem. Te ki shipai baroh ki leit beit beit sha u lum sha kata ka nongbah bad ki kurup ïa ka.

JOSHUA 6:4

Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.

JOSHUA 6:6

U Joshua u la khot ïa ki lyngdoh bad ong ha ki, “Shim ïa ka Synduk ka Jutang, bad hynñiew ngut na phi kin leit ha shuwa jong phi, da kaba kieng ïa ki turoi.”

NONGBISHAR 20:37

Kine ki rangbah ki mareh kloi sha pyrshah ka Gibeah; ki phet sha baroh ki liang ka nongbah bad ki pynïap ïa uwei pa uwei baroh hangta.

1 SAMUEL 17:20

Ha ka sngi kaba bud, u Dabid u khie dang step phyrngab, u ieh ïa ki langbrot ha uwei pat u nongsharai, u rah ïa kata ka jingbam, bad u leit kumba u Jesse u la bthah ïa u. U poi ha ka jaka sher dara hamar ba ki Israel ki dang leit sha ka madan thma, ki da ïarisa ha ka sur-thma.

1 SAMUEL 17:52

Ki shipai Israel bad Judah ki risa shaid bad ki mareh nadien jong ki, ki beh kthong haduh Gath bad shaduh ki khyrdop ka Ekron. Ki Philistia ki la kyllon mynsaw baroh shi lynter lynti naduh Shaaraim, haduh Gath bad Ekron.

1 SAMUEL 4:5

Haba ka Synduk ka Jutang ka poi, ki Israel ki risa jam da ka jingkmen haduh ba ka khyndew ka khynñiuh.