JOSHUA 6:4 - Khasi CL Bible (BSI)

⁴ Hynñiew ngut ki lyngdoh, uwei uwei uba rah ïa ka turoi, kin ïaid ha shuwa ka Synduk ka Jutang. Ha ka sngi kaba hynñiew, ma me lem bad ki shipai jong me, men ïaid tawiar hynñiew sien ïa ka nongbah katba ki lyngdoh ki dang put ïa ki turoi.

KA BAIBL

⁴ Bad hynñiew ngut ki lyngdoh kin rah ha shuwa ka synduk, hynñiew tylli ki turoi jubili: bad ha ka bahynñiew ka sngi phin ïaid sawdong ïa ka shnong, hynñiew sien, bad kita ki lyngdoh kin put da kita ki turoi.

JOSHUA 6:4 ပူးပေါင်းရင်းမြစ်များ

JENESIS 2:3

U la kyrkhu ïa ka sngi kaba hynñiew bad u la pynkyrpang ïa ka kum ka sngi bakyrpang, namar ha kata ka sngi, U Blei u la pyndep ïa ka jingpynlong jong u; bad u la sangeh treikam.

1 SYIEM 18:43

U ong ïa la u shakri, “Khie leit peit shaphang ka duriaw.” U shakri u leit bad u wan phai bad u ong, “Ngam ïohi ei ei.” Hynñiew sien u Elijah u ong ïa u ban leit bad ban peit.

2 SYIEM 5:10

U Elisha u phah ïa u shakri ban ong ha u ban leit bad sait ïa lade hynñiew sien ha ka wah Jordan, bad un ïohkhiah phar na ka jingpang jong u.

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

2 KHRONIKL 13:12

U Blei hi da lade u long u nongïalam jong ngi bad ki lyngdoh jong u ki don hangne lem bad ki turoi, ba la khreh ban put ïa ki bad ban khot ïa ngi bad ïaleh thma pyrshah ïa phi. Ko paid Israel, wat ïaleh pyrshah ïa U Trai, U Blei jong ki kpa tymmen jong phi! Phin ym jop!”

2 KHRONIKL 20:17

Phin ym hap ban ïaleh ïa kane ka thma. Shu don ha la ki jaka bad ap; phin ïohi U Trai u ai jingjop ïa phi. Ko ki briew jong ka Judah bad Jerusalem, wat sangeh ne sheptieng. Leit sha ka thma, bad U Trai un long ryngkat bad phi!”

2 KHRONIKL 20:19

Ki Lebi kiba dei na ka kur u Kohath bad u Korah ki ïeng bad da ka sur kaba jam ki ïaroh ïa U Trai, U Blei ki Israel.

2 KHRONIKL 20:21

Hadien ba u la ïakren bad u paidbah, u syiem u hukum ïa katto katne ki nongtem nongput ban phong ïa ki jingriam kiba ki ju phong ha ki por bakyntang bad ban ïaid na khmat ka kynhun shipai, da kaba rwai: “Ïaroh ïa U Trai! Ka jingieit jong u ka long bymjukut!”

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

LEBITIKOS 14:16

un wieh ïa la ka shynriah'ti kamon hangta, bad un synreit khyndiat na ka, hynñiew sien hangta ha khmat U Trai.

LEBITIKOS 4:6

Un wieh ïa la ka shynriah'ti ha kata ka snam bad synreit ïa ka hynñiew sien ha khmat ka jingkah jong ka Jaka Kyntang.

SEKHARAÏAH 4:2

“Kaei me ïohi?” U la kylli. “U diengpynïeng sharak ba la shna da ka ksiar,” nga la jubab. Ha ka kliar ka don ka pliang na ka bynta ka umphniang. “Halor u diengpynïeng sharak don hynñiew tylli ki sharak, kawei kawei bad ki jaka na ka bynta ki hynñiew tylli ki ksai sharak.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

JINGKHEIÑ 23:1

U ong ha u Balak, “Tei ïa nga hangne hynñiew tylli ki duwan, bad wallam ïa nga hynñiew tylli ki masi kyrtong bad hynñiew tylli ki langbrot shynrang.”

JOSHUA 6:3

Ma me lem bad ki shipai jong me men ïaid tawiar ïa ka nongbah shisien shi sngi haduh hynriew sngi.

JOSHUA 6:5

Nangta ki dei ban pynsawa ïa kawei ka sur kaba jlan. Tang mar shu ïohsngew ïa kata, ki briew baroh ki dei ban risa jam, bad ki kynroh jong ka nongbah kin khyllem. Nangta ka kynhun shipai baroh kawei kan leit beit beit shapoh ka nongbah.”

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 1:4

Na u Ïoannis sha ki hynñiew tylli ki balang ha ka probins jong ka Asia: Ka jingaiei bad ka jingsuk ïa phi na U Blei, uba long, uba la long bad u ban sa wan, bad na ki hynñiew ki mynsiem kiba ha khmat ka khet jong u,

JINGPYNPAW 10:3

bad u la pyrta da ka sur kaba jam kaba sawa kum ka jingkyrhuh ki sing. Hadien ba u la pyrta jam, ki hynñiew tylli ki pyrthat ki la jubab da ka jingkyrhuh.

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 15:7

Nangta uwei na ki saw tylli ki kherub u la ai ha ki hynñiew ngut ki angel ïa ki hynñiew tylli ki pliang ksiar ba la pyndap da ka jingbitar jong U Blei, uba im junom la junom.

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 5:1

Nga la ïohi ïa ka kot kli ha ka kti kamon jong uta uba shong halor ka khet; kaba la dap da ka jingthoh ha baroh arliang bad kaba la pyndait da ki hynñiew tylli ki jingpyndait.

JINGPYNPAW 5:6

Nangta nga la ïohi ïa U Khunlangbrot uba ïeng hapdeng ka khet, ïa kaba la ker sawdong da ki saw tylli ki jingthaw ba-im bad ki nongsharai balang. U Khunlangbrot u la paw ba u la shah pynïap. U don hynñiew tylli ki reng bad hynñiew tylli ki khmat, kiba long ki hynñiew ki mynsiem U Blei ïa kiba la phah sha kylleng ka pyrthei.

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 8:6

Nangta kita ki hynñiew ngut ki angel kiba don kita ki hynñiew tylli ki turoi ki la pynkhreh ban put ïa ki.