JOSHUA 6:24 - Khasi CL Bible (BSI)

²⁴ Nangta ki wiang ding ïa ka nongbah bad ki thang khoit ïa ka, lem bad baroh kiba don ha ka, lait noh kita kiei kiei kiba la shna da ka ksiar, ka rupa, ka rnong bad ka nar, ïa kaba ki la shim bad buh ha ka ïing jingkynshew U Trai.

KA BAIBL

²⁴ Bad ki la thang ïa kata ka shnong da ka ding, bad ïa baroh ba la don ha ka: tang ïa ka rupa bad ïa ka ksiar, bad ïa ki khiew ki pliang rnong bad nar, ki la buh ha ka jingkynshew ka ïing U Trai.

JOSHUA 6:24 ပူးပေါင်းရင်းမြစ်များ

2 SAMUEL 10:5

Ki la sngewlehrain shaba palat ban leit phai ïing. Haba u Dabid u la tip ïa kaei kaba la jia, u la phah ktien sha ki ban sah ha Jerikho bad ban ym wan phai tad ynda ki 'ñiuhtmoh jong ki, ki la san biang.

2 SYIEM 25:9

U la thang ïa ka Templ, ïa ka ïingsyiem, bad ïa baroh ki ïing jong ki rangbah bapawnam ha Jerusalem,

1 KHRONIKL 18:11

U syiem Dabid u pynkyntang ïa ki na ka bynta ka jingmane, ryngkat bad ïa ka rupa bad ka ksiar ba u la kurup na ki jaitbynriew kiba u la jop — ki Edom, ki Moab, ki Ammon, ki Philistia bad ki Amalek.

JINGKHEIÑ 31:10

bad ki la thang ïa ki shnong bad ki jaka shong dara jong ki baroh.

DEUTERONOMI 13:16

Lumlang ïa ki jingdon jingem jong ki briew baroh kiba shong hangta bad kynton ïa ki ha ka madan shnong. Nangta thang ïa kata ka shnong bad ïa kata ka spah ka phew baroh kum ka jingainguh thang sha U Trai U Blei jong phi. Ka dei ban sah junom ha ka jingjot bad ym dei ban tei pat.

DEUTERONOMI 13:17

Wat shim sha lade ïa kaei kaei kaba la mang ban pynjot, te U Trai un phai na ka jingbitar shla jong u bad un isynei ïa phi. Un leh-isynei ïa phi bad un pynroi ïa phi, kumba u la kular ïa ki kpa tymmen jong phi,

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

JOSHUA 11:11

Ki la pynïap ïa uwei pa uwei uba don hangta, ym don shuh uwei ruh uba dang lait im, bad la thang ruh ïa ka nongbah.

JOSHUA 6:19

Baroh kaba la shna da ka rupa, ka ksiar, ka rnong lane ka nar, la buh kyrpang na ka bynta U Trai. Dei ban buh ïa kata ha ka ïing jingkynshew U Trai.”

JOSHUA 6:25

Hynrei u Joshua u la pyllait im ïa ka Rahab ka nuti bad ïa ki ba-ha-ïing ha-sem jong ka baroh, namar ba ka la pynrieh ïa ki ar ngut ki nongsyntiat kiba u la phah sha Jerikho. (Ki khun ki ksiew jong ka ki shong ki sah ha Israel haduh kane ka sngi.)

JOSHUA 8:28

U Joshua u la thang ïa ka Ai bad u iehnoh ïa ka ha ka jingjot. Ka dang sah kumta mynta.

JINGPYNPAW 17:16

Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”