JOSHUA 6:23 - Khasi CL Bible (BSI)

²³ Kumta ki leit bad wan ïalam ïa ka Rahab, lem bad ïa u kpa bad ka kmie jong ka, ki hynmen ki para jong ka, bad ki ba-ha-ïing ha-sem jong ka kiba dang sah. Ki shim ïa ki baroh, ki longïing longsem bad ki mraw, sha ka jaka bashngain hajan ka jaka shong dara ki Israel.

KA BAIBL

²³ Kumta, kita ki samla kiba la long nongsyntiat ki la rung, bad ki la wallam ruh ïa ka Rahab, bad ïa u kpa jong ka bad ïa ka kmie jong ka, bad ïa ki para jong ka, bad ïa baroh ba ka don, bad ki la wallam ïa ki kur jong ka baroh; bad ki la iehnoh ïa ki habar ka dara ki Israel.

JOSHUA 6:23 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

JENESIS 18:24

Lada ki don sanphew ngut kiba hok ha kata ka nongbah, hato men pynjot noh ïa ka nongbah baroh kawei? Men ym pyllait ïa ka ba ki sanphew ngut kin lait im?

JENESIS 19:29

Hynrei haba U Blei u la pynjot ïa ki nongbah jong kata ka them ha kaba u Lot u shong shnong, u la buh jingkynmaw ïa u Abraham, bad u la ailad ïa u Lot ban lait im.

JINGKHEIÑ 31:19

Mynta pat, baroh na phi kiba la pynïap ïano ïano lane kiba la ktah ïa ka metïap ki dei ban sah shabar ka jaka shong dara hynñiew sngi lynter. Ha ka sngi kaba lai bad ka sngi kaba hynñiew, pynkhuid ïa lade bad ïa ki kynthei kiba phi la kem.

KI KAM 10:28

U la ong ha ki, “Phi hi phi tip bha ba la khang ïa u Jiw da ka niam jong u ban leit jngoh lane ïajan bad ki Jentil. Hynrei U Blei u la pyn-i ha nga ba ngam dei ban ñiew bymkhuid ne basang kat kum ka jinglehniam ïa uno uno u briew.

KI KAM 27:24

‘Wat sheptieng, ko Paul! Me dei ban ïeng ha khmat u Patsha. Bad U Blei ha ka jingbha jong u ïa me u la pynsah ïa ka jingim jong kito baroh kiba ïaleit da ka lieng bad me.’

1 KORINTH 5:12

Wat la katta, kam dei ka kamram jong nga ban bishar ïa kiba nabar. U Blei un sa bishar ïa ki. Hynrei hato kam dei ban bishar ïa ki dkhot na la ka jong ka kynhun hi? Kumba ka Jingthoh Bakhuid ka ong, “Pynmih noh ïa u briew uba sniew na ka kynhun jong phi.”

EPHESOS 2:12

Ha kata ka por phi la long khlem U Khrist. Phi la long ki nongwei bad phim shym la dei ki briew ba la jied jong U Blei. Phim shym la don bynta ha ki jutang, kiba la pynshong nongrim ha ki jingkular jong U Blei sha ki briew jong u, bad phi la im ha kane ka pyrthei khlem jingkyrmen bad khlem U Blei.

HEBRU 11:31

Dei ka jingngeit kaba la ïada ïa ka Rahab ka nuti na kaba shah pynïap lem bad kito ki bym shym la kohnguh ïa U Blei; naba ka la pdiang sngewbha ïa ki nongsyntiat na Israel.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

JOSHUA 2:13

To kular ba phin pyllait im ïa i mei bad i pa, ki hynmen bad ki para jong nga, shynrang bad kynthei, bad ïa ki longïing longsem jong ki baroh. Wat shah ba yn pynïap ïa ngi!”

JOSHUA 2:16

“Khie leit sha ka ri lum,” ka la ong, “ïoh ba ki briew jong u syiem kin lap ïa phi. Rieh hangta lai sngi haduh ba kin da wan phai. Hadien kata, phi lah ban leit la ka lynti.”

JOSHUA 2:18

Kane ka dei kaba pha dei ban leh. Haba ngi wan hiarthma ïa ka ri jong pha, teh ïa une u 'saisaw ha ka jingkhangïit na kaba pha la pynhiar shapoh ïa ngi. Lumlang ha ïing jong pha ïa la ka kmie bad u kpa, ki hynmen ki para shynrang, bad ki ba-ha-ïing ha-sem jong pha baroh.

NONGBISHAR 1:25

Kumta u la pyn-i ïa ki, bad ki paid Ephraim bad Manasseh ki la pynïap ïa uwei pa uwei hapoh ka nongbah, lait tang une u briew bad ka longïing jong u.